MAHTE 11:11 - Jinghpaw Hanson Version Bible

¹¹ Nanhte hpe ngai teng teng tsun made ai gaw, Numsha kaw shangai ai ni hta, Baptisma Sara Yawhan hta grau kaba ai marai langai mi muk n paw pru ai: rai timung, sumsing lamu a mungdan hta kaji ai wa gaw, shi hta grau kaba nga ai.

Jinghpaw Common Language Bible 2009

¹¹ Nanhte hpe ngai teng teng tsun made ai gaw, numsha kaw na shangai shaprat da sai shinggyim masha ni hta Hkalup Sara Yawhan hta grau kaba ai masha langai mi mung garai n paw pru yu ai, rai ti mung, Sumsing lamu a Mungdan hta kaji dik ai wa gaw, shi hta grau kaba nga ai.

MAHTE 11:11 ပူးပေါင်းရင်းမြစ်များ

YOBA 14:1

“Numsha hta shangai ai shinggyim masha gaw, aprat gadun nna, ruyak ai hte hpring nga ai.

YOBA 14:4

Awu asin re ai kaw na san seng ai hpe shapraw dan lu na, kadai wa rai ta? kadai mung n nga ai.

YOBA 15:14

Shinggyim masha gaw hpa wa rai nga nna, chyoi pra lu a ni? numsha hta shangai ai wa, kaning rai dinghpring lu a ta?

YOBA 25:4

Dai rai nna shinggyim masha gaw, Karai Wa man e kaning rai dinghpring lu a ta? Numsha hta shangai ai wa gaw, kaning rai san pra lu a ta?

SHAKAWN KUNGDAWN 51:5

Yu mu, shut hpyit ai hta ngai shangai wa nna, Nu a hkritung e pyi yubak kap nga nngai.

ESAIA 30:26

Dai hta n-ga, Yehowa gaw, shi amyu a nma hpe kayawp nna, shanhte a hkala nba hpe shamai shatsai ai shani e, shata a nhtoi gaw jan a nhtoi zawn, jan a nhtoi gaw, myi na hta, htam sanit htoi na ra ai.

ZEHKARIA 12:8

Dai shani e, Yehowa gaw, Yerusalem masha ni hpe makawp maga na ra ai; shanhte hta n-gun n ja ai wa gaw, dai shaloi e Dawi zawn tai na ra ai; Dawi a dap gaw, Karai Kasang zawn, rai sa, shanhte a shawng e langang sa ai Yehowa a lamu kasa zawn, tai na ra ai.

MAHTE 11:10

‘Yu u, na a man e, na a lam lajang magang na, Nye a kasa hpe na a shawng de ngai shangun dat we ai,' nga nna ka da ai ga gaw shi a lam rai nga lu ai.

MAHTE 11:12

Baptisma Sara Yawhan a ladaw langa kaw nna ya du hkra, sumsing lamu a mungdan gaw anin katut hkrum nga ai rai nna, share lu ai ni mahtang, dai hpe shanyen la lu ma ai.

MAHTE 3:1

Dai ladaw a laman e baptisma sara Yawhan paw pru nna,

MAHTE 3:11

Ngai gaw, myit malai lu myit ga, hka hta nanhte hpe baptisma jaw made ai, rai timung, nye a hpang e du sa ai wa mahtang gaw, ngai hta n-gun grau ja ai rai nna, shi a kyepdin gun na pyi ngai n ging n dan nngai: dai wa gaw Chyoi pra ai Wenyi hta mung, wan hta mung nanhte hpe baptisma jaw na myit dai:

MAHTE 5:19

Dai rai nna, kadai mung, dai kaji htum ai ga matsun langai ngai hpe tawt lai nna, masha ni hpe ning rai sharin shaga nga a yang gaw, sumsing lamu a mungdan hta kaji htum ai wa ngu na maru ai: ga dai hpe hkan galaw nna, sharin achyin ya ai wa chyawm gaw, sumsing lamu a mungdan hta, kaba ai wa ngu na maru ai.

LUKA 1:15

Kaning rai nme law, shi gaw dai Madu a man e galu kaba wa na ra ai; tsabyi hte chyaru shi lu na n rai; kanu a hkritung nna pyi, Chyoi pra ai Wenyi hte hpring na ra ai.

LUKA 7:28

Nanhte hpe ngai tsun made ga, Numsha kaw na shangai ai ni hta, Yawhan hta grau kaba ai langai mi muk n nga ai: rai timung Karai Kasang a mungdan hta kaji ai wa gaw shi hta grau kaba nga ai.

LUKA 9:48

“Ndai ma hpe nye a amying majaw, hkap la ai wa kadai mung, ngai hpe hkap la ai rai nga ai; ngai hpe hkap la ai wa mung, ngai hpe shangun dat ai wa hpe hkap la ai rai nga ai: dai rai nna, nanhte mahkra hta grau kaji ai wa gaw kaba grau ai wa rai nga ai.

YAWHAN 1:15

Shi a lam Yawhan sakse hkam ya nna jahtau tsun wu ai gaw, “Nye a hpang e du sa ai wa gaw, nye a shawng na wa rai nga ai majaw, nye a shawng e rai nga sai, ngu nna ngai tsun ai wa gaw, ndai wa rai nga ai,” nga ai.

YAWHAN 1:27

dai wa gaw nye a hpang e du sa ai wa rai nga ai; shi a kyepdin sumri pyi ngai n raw ging nngai,” ngu nna shanhte hpe htan mu ai.

YAWHAN 10:41

Masha law law wa shi kaw du sa nna, “Yawhan gaw gaja wa hpa lamik kumla madun ai n rai: ndai wa a lam Yawhan tsun matsun chyawm gaw tengman nga ai,” nga ma ai.

YAWHAN 3:30

Shi gaw jat wa na ra ai, ngai chyawm gaw yawm wa na rai nga nngai.

YAWHAN 5:35

Yawhan gaw tu grung ai hte htoi nga ai pyengdin rai nga ai rai nna, nanhte gaw shi a ahtoi hta e, tawng marang mi kabu nga mayu myit dai.

YAWHAN 7:39

Shing nga ai gaw, shi hpe kamsham ai ni lu la na Wenyi hpe, sha-ang nna tsun ai rai nga ai: kaning rai nme law, Yesu gaw shi a hpung shingkang garai n dan hkung ai majaw, Wenyi garai n jaw wu ai.

1 KORINHTU 15:9

Kaning rai nme law, kasa ni hta kaji htum ai wa ngai rai nga nngai; Karai Kasang a Hpung hpe zingri zingrat nngai majaw, kasa ngu na pyi ngai n ging n dan nngai.

1 KORINHTU 6:4

Shing rai yang, dinghta lam hte hpe tara dara shara nga myit yang gaw, Hpung kata e arawng n lu ai ni hpe nanhte tara agyi aya hta dang da ga myit ni?

EHPESU 2:3

Anhte nlang hte mung shanhte hte rau shawng e kanawn nga nna, anhte a hkum shan a marin marit ai lam hkan let, hkum shan hte kraw lawang na myit mang ai hku hkan galaw ga yang, shanhte gale hte maren pawt sindawng ging ai kashu kasha ni majing rai nga ga ai.

EHPESU 3:8

Rai sa, anhte a Madu Hkristu Yesu hta e shatawng da ai prat dingsa na bawng hkut ai hku hte maren, lamu lahta tang e nga ai du magam ni hte ahkang aya lu ai ni kaw, Karai Kasang a chyahtum chyalai re ai hpaji byeng-ya hpe, dai Hpung a lata hte, ya e shana dan u ga,

2 TIMOHTI 1:10

dai lam gaw moi chyaloi nhkoi kaw nna, Hkristu Yesu hta e anhte hpe jaw da ma ni ai rai timung, anhte a hkye hkrang la ai Madu Hkristu Yesu paw pru ai a majaw, ya e shadan shaleng dat nu ai; shi gaw si hkrung si htan hpe yeng kau da nna, dai kabu gara shiga hte asak hkrung ai lam mung, n hten n bya re ai lam mung, shadan dat nu ai:

HEBRE 11:40

Kaning rai nme law, anhte n lawm yang gaw, shanhte mung jahkum jatsup ai n dep lu mu ga nga, Karai Kasang gaw anhte a matu grau kaja ai lam hpang da ya sai.

1 PETRU 1:10

Dai nanhte kaw dep lu ai akyu ara lam hpe, myihtoi ga htawn tsun ai myihtoi ni mung, dai hkye hkrang la ai lam hpe azin ayang tam nna sawk yu manu ai:

1 SAMUELA 2:30

Dai hku galaw myit dai majaw, Israela Karai Kasang Yehowa tsun ai gaw, ‘Na amyu, nanhte lakung gaw nye a man e tut tut hkawm sa lu na ra ai,’ ngu nna ngai tsun kau rai timung, Yehowa bai tsun u ga: ‘ngai e shagrau ai ni hpe sha ngai shagrau na we ai; ngai hpe n gawn n sawn re ai ni gaw arawng hpoi mat na mara ai.