MAHTE 10:6 - Jinghpaw Hanson Version Bible

⁶ Israela amyu hta na dam mat wa ai sagu ni kaw she shawng sa wa mu.

Jinghpaw Common Language Bible 2009

⁶ Shing rai na malai, Israela amyu hta na dam mat ai sagu ni kaw she shawng sa mu.

MAHTE 10:6 ပူးပေါင်းရင်းမြစ်များ

SHAKAWN KUNGDAWN 119:176

Ngai lam dam mat wa yang, Mat ai sagu kasha hpe zawn, na a mayam wa hpe hkan tam u; Kaning rai nme law, nang htet da ai ga hpe ngai n malap kau nngai law.

ESAIA 53:6

Anhte yawng sagu zawn lam dam mat saga ai; langai hte langai tinang lam hkan mat ga ai: Yehowa chyawm gaw anhte mahkra a yubak mara hpe, shi a ntsa e mara da nu ai.

YEREMIA 50:17

Israela gaw bra mat ai sagu rai nga ai, “hkanghkyi ni gaw, shi hpe jahtaw kau mu ai; moi shawng e Asuri hkawhkam shi hpe kawa sha nu ai; ya htawm hpang e Babelon hkawhkam Nebuhkadneza gaw, shi a nrut nra ni hpe daw kau nu ai.

YEREMIA 50:6

“Nye a amyu gaw dam mat ai sagu tai masai; sagu rem ni gaw shanhte hpe shadam kau manu ai; bum ga ntsa e shaprang kau manu ai; shanhte gaw bum kaw nna kawng du hkra kahkrang hkawm nna, shanhte a uyup hpe malap kau manu ai.

EZEKELA 34:16

dam mat ai sagu hpe hkan tam na nngai; masha ni gau mat wa ai sagu hpe, hkan mawai la na nngai: nra daw ai sagu hpe ahkyen kayawp na nngai: gawng kya ai sagu hpe n-gun shaja na nngai; sau hpum ai ni hte n-gun ja ai ni hpe chyawm gaw ngai jahten na nngai: tara hte maren ngai shanhte hpe bau na nngai,” nga nna Madu Yehowa tsun ai.

EZEKELA 34:4

Gawng kya ai sagu ni hpe, nanhte n-gun shaja ai, n rai; machyi hkrum ai sagu hpe, shamai ya ai, n rai; nra daw ai sagu hpe, ahkyen kayawp ai, n rai; masha gau mat wa ai sagu hpe, hkan mawai la ai, n rai; dam mat ai sagu hpe, tam la ai, n rai: nanhte gaw myit ja nna adip arip hte shanhte hpe reng myit dai.

EZEKELA 34:6

Nye a sagu ni gaw bum lang shagu, tsaw ai kawng shagu ntsa e brak hkawm nga ma ai; gaja wa nye a sagu ni gaw ga ntsa ting hta bra wa nna, shanhte hpe hkan sawk tam ai wa n nga ai.”

EZEKELA 34:8

Ngai hkrung nga ai hte maren, gaja wa, sagu rem wa n nga ai majaw, nye a sagu ni pa ga na matse labye ni yawng a matu shahpa tai nna, nye a sagu rem ni gaw, nye a sagu ni hpe n hkan tam ai hte, sagu ni hpe bau ai n rai, tinang hkum hpe sha bau ma ai majaw

MAHTE 18:10

Dai ma kaji langai mi hpe pyi nanhte n gawn n sawn n di kau myit ga, sadi nga mu: nanhte hpe ngai tsun made ga, Sumsing lamu kata e, shanhte a lamu kasa ni gaw, sumsing lamu na nye Wa a myi man hpe, galoi mung a mada nga ma ai.

LUKA 24:47

Yerusalem mare kaw nna, masha amyu baw shagu hpe yubak raw dat kau ya lu ai myit malai lu na lam hpe, shi a amying nsang hte hkaw tsun lu na mung, ning nga nna ka da nga ai.

KASA 13:46

Pawlu yan Barnaba mung nden ja ai myit hte, “Karai Kasang a mungga nanhte hpe shawng tsun dan na gaw, lam rai nga ai; rai timung, nanhte mahtang dai hpe gang kau nna, n htum n wai asak hte n ging ai gaw, tinang dai dawdan la myit dai majaw, yu mu, maigan amyu ni hpang de anhte myi man kayin na saga ai.

KASA 18:6

Shanhte chyawm gaw hkap ndang ai hte aroi ara nga ma yang, shi palawng ahpu dan let, “Nanhte a asai gaw nanhte a baw e mara nga nu ga; ngai chyawm gaw lawt ni ai: ya kaw nna gaw, maigan amyu ni hpang de ngai kayin mat wa na ni ai,” ngu nna shanhte hpe tsun mu ai.

KASA 26:20

dai lam hpe nnan e Damasku masha ni kaw nna, Yerusalem hte Yuda mung ting hta mung, maigan amyu ni myit malai lu nna, myit malai hte ging dan ai arawn alai shachyen let, Karai Kasang hpang de kayin wa mu ga, ngu nna maigan amyu ni hta mung, ngai hkaw shana nga nngai.

KASA 3:26

Nanhte hta hkum shagu hpe tinang a shut hpyit ai lam hta na kayin wa lu shangun na hte, nanhte hpe shaman ya n ga nga, Karai Kasang gaw shi a Shangun ma hpe paw pru shangun ai hta, nanhte hpang de shawng shangun dat ya sai,” ngu nna tsun mu ai.

1 PETRU 2:25

Kaning rai nme law, nanhte nlang sagu zawn lam dam mat myit timung, ya gaw, dai Sagu rem wa hte nanhte a myit masin a Hpung up wa hpang de, nhtang wa manit dai.