MAHTE 10:5 - Jinghpaw Hanson Version Bible

⁵ Dai shi lahkawng hte hpe Yesu shangun dat nna, shanhte hpe tsun mu ai gaw, “Tara maigan ni a lam hta e hkum sa myit; Samari masha ni a mare hta e mung hkum shang myit:

Jinghpaw Common Language Bible 2009

⁵ Dai shi lahkawng hte hpe Yesu shangun dat nna matsun dat mu ai gaw, “Tara Maigan masha ni nga ai buga ginra hte kaga Samari mare ni hta mung hkum shang hkum sa mu.

MAHTE 10:5 ပူးပေါင်းရင်းမြစ်များ

MAHTE 22:3

dai poi de shaga da sai ni hpe bai shaga la na, nga nna shi a mayam ni hpe shangun dat timung, shanhte n sa hkraw ma ai.

MAHTE 4:15

“Nawng makau e, Yawdan hka wora hkran na, Amyu kaga ni a Galile ga e; Nsin kata e dung nga ai amyu gaw,

MARKU 6:7

Shaloi dai sape shi lahkawng hte hpe shi shaga la nhtawm, marai lahkawng yep yep di nna, shangun dat mu ai hte, n seng ai nat ni hpe dang kau lu na ahkang, jaw dat mu ai rai nna;

LUKA 10:1

Dai hpang, dai Madu gaw sape kaga sanit shi san la nna, shi hkum dai sa magang ai mare hte shara shagu de, marai lahkawng yep di nna, shi a shawng e shangun dat wu ai.

LUKA 10:33

Samari masha langai mi mung dai lam sa wa yang, dai wa kaw du nna, shi hpe mu jang, matsan yu dum ai hte sit sa nna,

LUKA 17:16

Yesu a lagaw nhpang e dingnyawm dagup nna, shi a chyeju hpe shakawn ya wu ai: dai wa gaw Samari masha rai nga ai.

LUKA 9:1

Dai hpang, shi gaw dai sape shi lahkawng hte hpe shaga la nhtawm, nat nlang hpe dang lu na mung, machyi makaw shamai ya na mung, shanhte hpe atsam hte ahkang jaw nna,

LUKA 9:2

Karai Kasang a mungdan lam hkaw tsun na hte, shamai shatsai ya na matu shangun dat mu ai.

YAWHAN 17:18

Nang ngai hpe mungkan ga de shangun dat ndai zawn, ngai mung shanhte hpe mungkan ga de shangun dat da mawe ai.

YAWHAN 20:21

Bai Yesu gaw, “Nanhte ngwipyaw nga myit ga; nye Wa ngai hpe shangun dat nngai hte maren, ngai mung nanhte hpe shangun dat made ai,” ngu nna shanhte hpe tsun mu ai.

YAWHAN 4:20

anhte a ji wa ni gaw ndai bum e nawku ga ma ai; nanhte chyawm gaw, nawku mai ai shara, Yerusalem mare e sha rai nga ai, nga nna tsun ga myit dai,” ngu wu ai.

YAWHAN 4:5

Dai majaw shi gaw, Yaku e shi a kasha Yawsep hpe jaw ai ga dachyawk makau na, Suhka ngu ai Samari mung na mare langai mi de du wa ai: dai yang e Yaku a hka htung nga nga ai.

YAWHAN 4:9

Dai rai nna Samari numsha gaw, “Nang Yuda masha rai da nhtawm me, ngai Samari numsha hpe, hpa rai ntsin hpyi n ta?” ngu nna shi hpe tsun wu ai: kaning rai nme nga yang, Yuda masha ni gaw Samari masha ni hte n kanawn ga ma ai.

YAWHAN 7:35

Dai majaw Yuda masha ni gaw, “Anhte n mu tam lu hkra, ndai wa gaw gade sa wa na ra ai i? Heleni masha ni hta bra nga ai ni hpang de sa nna, Heleni masha ni hpe sharin shaga na wu ai kun?

YAWHAN 8:48

Shaloi Yuda masha ni gaw, “Nang Samari masha rai ndai, nat shang ai wa mung rai ndai, ngu nna anhte tsun ai ga gaw, jaw la nga ai n rai ni?” ngu nna shi hpe bai htan mu ai.

KASA 1:8

rai timung, Chyoi pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga htum hkra, nye a sakse ni tai na marin dai,” ngu nna shanhte hpe tsun mu ai.

KASA 10:45

Chyoi pra ai Wenyi ngu ai kumhpa gaw, maigan amyu masha ntsa e ru jaw ai majaw, Petru hte rau hkan nang ai, matu gadoi lam hkan sai, kamsham ai ni, mau mahka nga ma ai:

KASA 8:1

Shawlu mung shi hpe sat kau ai amu hta awlaw lawm nga ai. Dai shani e Yerusalem mare na Hpung gaw zingri zingrat kaba hkrum wa ai rai nna, kasa ni hta kaga, gale nlang hte gaw, Yuda mung, Samari mung, shara magup hkan e bra mat wa ma ai.

1 HTESALONI 2:16

maigan masha ni hkye hkrang la ai hkrum na matu hkaw tsun dan na, shanhte gaw anhte hpe ban hkum kau mi ai; shing rai shanhte gaw tinang a yubak hpe tutnawng e shalaw jahtam nga nna, dai pawt sindawng ai mung shanhte a ntsa e htum hkra dep nga sai.