MAHTE 10:41 - Jinghpaw Hanson Version Bible

⁴¹ Myihtoi a myi man hpe tau nna myihtoi hpe hkap hkalum la ai wa gaw, myihtoi a shabrai lu la na ru ai; dinghpring ai wa a myi man hpe tau nna, dinghpring ai wa hpe hkap hkalum la ai wa gaw, dinghpring ai wa a shabrai lu la na ru ai.

Jinghpaw Common Language Bible 2009

⁴¹ Kadai mung, Karai Kasang a myihtoi rai nga ai hpe tau nna, Karai Kasang a myihtoi wa hpe hkap hkalum la ai wa gaw, shi mung myihtoi a shabrai hpe lu la na ru ai. Ding hpring ai wa a myi man hpe tau nna, ding hpring ai wa hpe hkap hkalum la ai wa gaw, ding hpring ai wa a shabrai lu la na ru ai.

MAHTE 10:41 ပူးပေါင်းရင်းမြစ်များ

NINGPAWT NINGHPANG 20:7

Ya dai wa a madu jan shi hpe bai ya u; shi myihtoi rai nga ai rai nna, na a matu shi akyu hpyi yang, nang hkrung lu na rin dai: nang bai n ya yang gaw, nang mung nang hte seng ai ni mahkra mung teng teng si na marin dai, chye da u,” ngu wu ai.

ESAIA 3:10

Dinghpring ai wa gaw, shi shapraw ai si sha lu ai majaw, shi hta a nga ai, ngu nna tsun mu.

MAHTE 16:27

Kaning rai nme law, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe bai htang na ra ai.

MAHTE 25:44

Shaloi shanhte mung, ‘Madu e, nang kawsi ai, hpang gara ai, manam tai hkawm ai, singgu krin re ai, machyi hkrum ai hte htawng e nga ai hpe, anhte galoi mu nna, nang hpe n galaw daw ga ta?” ngu nna htan na mu ai.

MAHTE 25:45

Dai rai nna, Ngai nanhte hpe teng teng tsun made ga, “Ndai ni hta na kaji htum ai wa hpe nanhte n galaw myit dai majaw, ngai hpe n galaw myit dai rai nga ai,” ngu nna shanhte hpe htan na mu ai.

MAHTE 6:1

Masha ni mada mu lu mu ga, shanhte a man e sha, nanhte a daw ya ai amu hpe nanhte n galaw myit ga, sadi nga mu: shing n rai yang gaw, sumsing lamu hta nga ai nanhte a Kawa kaw na, nanhte shabrai n lu na mu ai.

MAHTE 6:18

Shing rai, masha a man e n rai, n dan n leng ai shara hta nga ai na a Nwa a man e sha, na a lusha gam ai dan nga na ra ai rai nna, n dan n leng ai shara hpe mu ai, na a Nwa gaw, nang hpe bai htang na rin dai.

MAHTE 6:4

shing rai, na a alu jaw ai amu n dan n leng ai hta rai nga lu na rai nna, n dan n leng ai shara hpe mu lu ai, na a Nwa gaw, nang hpe bai htang na rin dai.

MAHTE 6:6

Nang mahtang akyu hpyi nga n yang gaw, na a kata gawk de shang nna, chyinghka hpe la da nhtawm, n dan n leng ai shara e, na a Nwa hpe hpyi u: n dan n leng ai shara hpe mu lu ai, na a Nwa gaw, nang hpe bai htang na rin dai.

MAHTE 7:8

Kaning rai nme law, hpyi ai wa kadai mung lu la ai; tam ai wa mung mu la ai, akawk nga ai wa hpe mung, hpaw ya wu ai.

KASA 16:15

Num dai hte shi a nta masha ni baptisma hkam la ngut jang, shi gaw, “Dai Madu hta ngai kangka rai ni ai, nanhte myit hkut da sai rai yang gaw, nye nta e shang manam marit,” nga nna anhte hpe akroi anoi hpyi ai hte nga shangun mi ai.

ROMA 16:23

Ngai hpe mung, Hpung ting hpe mung, manam daw ai madu Geu gaw nanhte hpe shakram dat ai. Dai mare na gumhpraw dek up ai wa Erastu hte, hpunau Kuartu yan gaw nanhte hpe shakram ma ai.

1 KORINHTU 9:17

Dai rai nna, dai amu hpe nye a myit hte ngai galaw nga n yang gaw, ngai shabrai lu nngai; rai timung, nye a myit hte n galaw nga n yang gaw, kunhting aya hta san da ai sha rai nga nngai.

HEBRE 6:10

Kaning rai nme law, nanhte chyoi pra ai ni hpe galaw daw manit dai hta n ga, galaw daw dingyang rai nga let, Karai Kasang a mying nsang a matu magam bungli gun hpai nna tsawra ai myit madun ai lam hpe, malap kau ya na gaw, shi n ding n hpring nga ai, n rai.

2 YAWHAN 1:8

Anhte galaw da ai amu hpe nanhte n shamat kau myit dai sha, nanhte hkum hkum re ai shabrai hpe hkam la lu myit ga, tinang dai sadi nga mu.