MAHTE 10:28 - Jinghpaw Hanson Version Bible

²⁸ Hkum tsawp hpe sha sat kau nna, myit masin hpe n sat kau lu ai ni hpe hkum hkrit mu: myit masin hte hpawn hkum tsawp hpe ngarai mung hta e jahten kau lu ai wa hpe grau nna hkrit nga mu.

Jinghpaw Common Language Bible 2009

²⁸ Nanhte a hkum hkrang hpe sha sat kau nna Wenyi hpe n sat kau lu ai ni hpe hkum hkrit mu: Wenyi hte hpawn hkum hkrang hpe ngarai mung hta e jahten kau lu ai wa hpe grau nna hkrit nga mu.

MAHTE 10:28 ပူးပေါင်းရင်းမြစ်များ

2 HKAWHKAM 17:39

nanhte a Karai Kasang Yehowa hpe hkrai hkrit hkungga nga mu; shi gaw nanhte hpe hpyen ni yawng a lata na shaw mawai la na ra ai, nga nna ga shaka tawn da timung,

YOBA 37:24

Dai re ai majaw shinggyim masha ni shi hpe hkrit hkungga ma ai; tinang nan hpaji rawng dum ai wa hpe shi n yu ra nga ai law,” nga ai.

SHAKAWN KUNGDAWN 119:120

Nang hpe hkrit hkungga ai hte nye a ashan nshung si bun nga ai; Na a tara dara ai hpe mung ngai hkrit kamyin nga nngai.

HPAJI NINGLI 5:7

Yup mang law law mu ai mung, ga law law tsun ai mung, kaman lila rai nga ai: nang chyawm gaw Karai Kasang hpe hkrit hkungga nga u.

ESAIA 51:12

Nanhte hpe shalan shabran ai wa gaw, kaga wa n rai, ngai nan rai nga nngai: si ang ai masha hpe mung, tsingdu zawn tai wa na shinggyim masha a kasha hpe mung, hkrit kamyin nna,

ESAIA 51:7

Dinghpring ai lam chye nna, nye a tara hpe myit masin hta kyem da ai amyu e, nye a ga madat mara mu: masha ni a n kaw n law di ai lam hkum tsang myit; shanhte shatan nhkan ai a majaw, myit hkum htum myit:

ESAIA 66:2

Nye a lata dai lam yawng mayawng hpe galaw da nna, dai ni mahkra byin wa sai: rai timung ngai gaw, myit kyip ai hte gawng run nna, nye a ga majaw hkrit gari chye ai wa hpe, mada yu nngai.

YEREMIA 5:22

Nanhte ngai hpe n hkrit hkungga myit ni? Nammukdara hka leng ni n lai lu hkra, zaibru hpe jarit shatai na, htani htana mungga tawn da ai, nye man e wa, n hkrit gari nga myit ni? dai hka leng ni hta wa timung, dang lu ai n rai; wu kadu timung, lai lu ai n rai.

MAHTE 10:26

Dai re ai majaw shanhte hpe hkum hkrit mu: kaning rai nme law, magap da nna, n pru n dan lu na arai gaw n nga ai; makoi da nna n chye na lu na arai mung n nga ai.

MAHTE 25:46

Shaloi shanhte gaw n htum n wai ari de shang wa na mara ai; dinghpring ai ni mahtang n htum n wai asak de shang lu na mara ai,” ngu wu ai.

MAHTE 5:22

Ngai mahtang nanhte hpe tsun made ai gaw, tinang a kahpu kanau wa hpe masin pawt ai wa kadai rai timung jeyang ai hte ging dan nga ai: tinang a kahpu kanau wa hpe, Raka, nga ai wa gaw, dai salang hpawng a dawdan ai hte ging dan nga ai: bai, Mana ndai, nga ai wa gaw, ngarai a wan hte ging dan nga ai.

YAWHAN 5:29

kaja ai lam hkan galaw ai ni gaw, asak hkrung ai a bai rawt ai de, n shawp ai lam hkan galaw ai ni gaw, tara dawdan hkrum ai a bai rawt ai de, pru lu na mara ai.

KASA 21:13

Pawlu chyawm gaw, “Nanhte hpa rai hkrap ngu hkrap ngoi nga nna, nye myit hpe gawng run shangun ya nga myit ta? gyit hkang ai sha n-ga, Madu Yesu a amying ningsang majaw, Yerusalem e sa si hkam na pyi ngai jin jin rai nga nngai,” ngu nna htan shangap wu ai.

HEBRE 10:31

Hkrung nga ai Karai Kasang a lata de hkrat wa ai lam gaw, nachying hkrithpa lam rai nga ai.

HEBRE 11:35

Numsha ni mung shanhte hte seng ai si mat ai ni hpe hkrung sharawt ai lam langai mi hte bai lu la ma ai: nkau mi chyawm gaw, gawng hte gang jen sharim ai hkrum ma ai, rai timung, grau reng htum ai hkrung sharawt la ai hpe dep la lu hkra, tinang hpe raw dat kau na n yin la hkraw ma ai.

YAKU 4:12

Tara jaw da lu ai hte tara dara ai wa chyawm gaw, hkye hkrang la lu ai hte jahten kau lu ai wa chyu sha, rai nga ai: dai re ai majaw, na a htingbu wa hpe jeyang ai wa, nang gaw, kadai wa rai nga n ta?

1 PETRU 3:14

Dai rai nna, dinghpring ai lam a majaw, nanhte nni nkri hkrum myit yang gaw, nanhte a lu nga myit dai; shanhte a jahkrit ai hpe mung, hkum hkrit nga myit; de a majaw sha pyi hkum ung ang nga myit;

SHINGRAN 2:10

Nang hkrum magang ra ai nni nkri hpe hkum hkrit et; yu u, nanhte hpe chyam yu na, Nat gaw nanhte hta na nkau mi hpe htawng hta sharen da nna, nanhte n htoi shi ya tup zingri zingrat ai hkrum na marin dai. Si hkra maju jung nga u, shaloi ngai nang hpe asak janmau jaw na de ai.