MAHTE 10:26 - Jinghpaw Hanson Version Bible

²⁶ Dai re ai majaw shanhte hpe hkum hkrit mu: kaning rai nme law, magap da nna, n pru n dan lu na arai gaw n nga ai; makoi da nna n chye na lu na arai mung n nga ai.

Jinghpaw Common Language Bible 2009

²⁶ Dai re ai majaw, shanhte hpe hkum hkrit mu, Ya magap da ai hpa mung dan dawng wa na ra ai, makoi magap tawn ai rai shagu mung dan leng wa na ra ai.

MAHTE 10:26 ပူးပေါင်းရင်းမြစ်များ

GA SHAGAWP 10:9

Tengman ai lam hta hkan hkawm ai wa gaw, ding ding hkawm nga ai. Magaw ai lam hkan ai wa chyawm gaw, dan leng wa na ra ai.

GA SHAGAWP 28:1

Tara n lang ai wa gaw, shachyut ai wa n nga timung, hprawng nga ai; Dinghpring ai ni chyawm gaw, hkanghkyi zawn nden ja nga ai.

GA SHAGAWP 29:25

Masha hpe hkrit ai myit gaw, mahkam rai nga ai; Yehowa hpe shamyet ai wa chyawm gaw, shagrau ai hkrum na ra ai;

HPAJI NINGLI 12:14

Kaning rai nme law, Karai Kasang gaw makoi magap da ai amu yawng mayawng hpe, kaja ai rai timung, n kaja ai rai timung, tara tingnyang hta dawdan na ra ai.

ESAIA 41:10

hkum hkrit et, ngai nang hte rau rai nga nngai; hkum tsang et, ngai na a Karai Kasang rai nga nngai; ngai nang hpe n-gun shaja nna karum na de ai; gaja wa, nye dinghpring ai hkra lata hte, ngai nang hpe shadaw na de ai.

ESAIA 41:14

Shingtai ngu ai Yaku e, Israela masha ni e, hkum hkrit myit; ngai nang hpe karum na nngai; Israela Chyoi pra ai Wa gaw na a Hkye hkrang la ai wa rai nga ai,” nga nna Yehowa tsun nga ai.

YEREMIA 1:8

Shanhte hpe hkum hkrit et; nang hpe mawai la na matu, ngai nang hte rau rai nga nngai,” nga ai.

EZEKELA 2:6

Nang mung, masha kasha e, ju hpun hte tsamat hkrum nna, n-gawgawk hte shanu nga timung, shanhte hpe hkum hkrit, shanhte a ga hpe hkum kamang et; shanhte gumlau ai amyu rai nga timung, shanhte a ga hpe hkum hkrit, shanhte a n yawt ai myi man hpe hkum mak mat et.

MAHTE 10:28

Hkum tsawp hpe sha sat kau nna, myit masin hpe n sat kau lu ai ni hpe hkum hkrit mu: myit masin hte hpawn hkum tsawp hpe ngarai mung hta e jahten kau lu ai wa hpe grau nna hkrit nga mu.

MARKU 4:22

kaning rai nme law, n dan n pru lu hkra makoi da ai arai n nga ai; dai hta kaga, makoi magap da ai arai mung, n dan n leng wa lu na, n nga ai.

LUKA 24:47

Yerusalem mare kaw nna, masha amyu baw shagu hpe yubak raw dat kau ya lu ai myit malai lu na lam hpe, shi a amying nsang hte hkaw tsun lu na mung, ning nga nna ka da nga ai.

LUKA 8:17

kaning rai nme law, n dan n pru lu na makoi da ai arai hpa mung n nga ai; makoi magap da ai arai hpa mung, n chye lu na hte n dan n leng wa lu na, n nga ai.

KASA 1:8

rai timung, Chyoi pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga htum hkra, nye a sakse ni tai na marin dai,” ngu nna shanhte hpe tsun mu ai.

KASA 4:13

Shanhte chyawm gaw, Petru yan Yawhan a nden ja ai myit mu nna, shan gaw laika n chye ai, yu maya masha rai nga ma ai hpe chye ma ai majaw, mau nga ma ai; rai timung, shawng de Yesu hte rau shan nga yu ai gaw, shanhte dum ma ai:

KASA 4:19

Petru yan Yawhan chyawm gaw, “Karai Kasang a ga madat na hta, nanhte a ga mahtang madat yang, Karai Kasang a man e mai n mai gaw, nanhte she dawdan yu mu.

1 KORINHTU 4:5

Dai re ai majaw, aten garai n du ai hte, nsin hta naw makoi magap da ai arai ni hpe hpaw shadawng dat nna, kraw lawang na myit mang ai hpe shapraw shadan dan na Madu du sa ai du hkra, hpa mung hkum jeyang nga myit; dai shaloi e Karai Kasang gaw langai hte langai hpe hkap shakawn na ra ai.

1 PETRU 3:14

Dai rai nna, dinghpring ai lam a majaw, nanhte nni nkri hkrum myit yang gaw, nanhte a lu nga myit dai; shanhte a jahkrit ai hpe mung, hkum hkrit nga myit; de a majaw sha pyi hkum ung ang nga myit;