MAHTE 10:24 - Jinghpaw Hanson Version Bible

²⁴ Sape gaw sara hta, grau ai n rai; mayam mung shi a madu hta grau ai n rai.

Jinghpaw Common Language Bible 2009

²⁴ Sape gaw sara hta, grau ai n rai; mayam mung shi a madu hta grau ai n rai.

MAHTE 10:24 ပူးပေါင်းရင်းမြစ်များ

2 SAMUELA 11:11

Uria chyawm gaw, “Karai Kasang a sumpu mung, Israela hte Yuda masha ni mung sum hta sha nga nga ma ai; nye du Yoab hte nye madu a mayam ni mung, pa hkan e she but nga ma ai; ngai wa mi tinang nta de wa nna lu let sha let, madu jan hte pyaw let nga mai na a ni? Nang madu hkrung nga ai hte, na wenyi hkrung nga ai hte maren, ngai shing n rai na nngai,” ngu nna Dawi hpe htan wu ai.

MAHTE 10:25

Sape gaw shi a sara zawn, mayam gaw shi a madu zawn rai nga yang gaw, ram nga ai: shanhte gaw nta madu wa hpe Bezebula ngu mu yang gaw, shi a nta na ni hpe, shing grau ngu na mu ai, n rai hka!

LUKA 6:40

Sape gaw sara hta grau ai n rai: hkum hkra sharin la sai wa kadai mung, tinang a sara zawn rai na ra ai.

YAWHAN 13:16

Ngai nanhte hpe gaja wa teng teng tsun made ga, Mayam wa gaw madu hta grau ai n rai, kasa mung shangun dat ai wa hta grau ai n rai.

YAWHAN 15:20

Mayam gaw madu hta grau kaba ai n rai, ngu nna ngai nanhte e tsun ai ga hpe dum nga mu: ngai hpe pyi zingri zingrat ma ai rai yang gaw, nanhte hpe mung zingri zingrat na mara ai: nye a ga madat mara ma ai rai yang gaw nanhte a ga hpe mung madat mara ya na mara ai.