MAHTE 10:19 - Jinghpaw Hanson Version Bible

¹⁹ Nanhte hpe ap kau myit dai shaloi, kaning ngu nna, hpa hku tsun lu na hpe, myit hkum tsang myit: dai ahkying hta, hpa tsun mai na gaw, nanhte hpe shadum na marin dai:

Jinghpaw Common Language Bible 2009

¹⁹ Nanhte hpe ap kau myit dai shaloi, kaning ngu nna, hpa hku tsun lu na hpe hkum tsang myit; dai aten du jang, hpa tsun na gaw, nanhte hpe shadum na marin dai.

MAHTE 10:19 ပူးပေါင်းရင်းမြစ်များ

PRU MAT 4:12

Dai rai nna ya sa wa su; na n-gup hta ngai nga nna, nang kaning ngu tsun na gaw, ngai sharin ya na da ai,” ngu wu ai.

PRU MAT 4:15

Nang shi hte shaga nna ndai ga shi a n-gup hta hti bang ya na rai ndai; shing rai ngai gaw na n-gup hta mung, shi a n-gup hta mung rawng nga nna, nan kaning ngu tsun na gaw sharin ya na made ai.

YEREMIA 1:7

Yehowa chyawm gaw, “Ngai ma naw rai nga nngai, nga nna hkum tsun et; kadai hpang de mung ngai nang hpe shangun yang, nang sa na ndai; ngai nang hpe htet da mada nang tsun na ndai.

YEREMIA 1:9

Bai Yehowa gaw shi a lata ladawn nna, nye a n-gup hpe ahtawk let, “Yu u, na a n-gup hta nye mungga hpe ngai bang da se ai:

MAHTE 10:18

Shanhte a man e mung, tara maigan amyu ni a man e mung, sakse tai na matu nanhte gaw nye a majaw, du ni hte hkawhkam ni a man de, dun bang ai, hkrum na marin dai.

MAHTE 6:25

Dai rai nna ngai nanhte hpe tsun made ai gaw, hpa lu sha na hpa lu lu na asak a matu, kaning rai lu hpun na nanhte a hkum a matu, hkum tsang nga myit; dai asak gaw ashat hta, hkumhkrang gaw hpun palawng hta grau nga ma ai, n rai ni?

MAHTE 6:31

Dai re ai majaw nanhte gaw myit ru myit tsang let, Anhte hpa sha na, hpa lu na, hpa bu hpun na i? nga nna hkum tsun nga myit;

MAHTE 6:34

Dai rai nna, hpawt ni na matu myit hkum tsang myit; hpawt ni gaw shi a matu ru tsang na ra ai. Dai ni na ru tsang ai gaw, dai ni na matu ram nga ai.

LUKA 12:11

masha ni gaw nanhte hpe tara jawng ni de mung, agyi salang ni hte ahkang aya lu ai ni a man de mung, dun wa myit jang gaw, hpa hte kaning ngu htan na mung, gara hku tsun na mung, hkum tsang myit:

LUKA 12:12

dai ahkying hta nan hpa tsun mai na gaw, Chyoi pra ai Wenyi nanhte hpe sharin ya na marin dai,” ngu mu ai.

KASA 6:10

Rai timung, shi tsun wa ai hpaji ga hte Wenyi hpe shanhte n dang lu ma ai.

HPILIPI 4:6

Hpa lam hta mung myit hkum ru hkum tsang myit; lam shagu hta akyu hpyi nna tawngban ai hte shakawn kungdawn let, nanhte a hpyi mahpyi hpe Karai Kasang kaw shana nga mu.

2 TIMOHTI 4:17

Rai timung, nye a jaw e dai hkaw dan ai ga hpe dan dan hkaw shahproi lu nna, maigan amyu ni yawng na la lu hkra, dai Madu gaw ngai hpang maga de rau tsap nga nna, ngai hpe n-gun shaja ya ai hte, hkanghkyi a n-gup hta na mawai la ai ngai hkrum ni ai.

YAKU 1:5

Nanhte hta na marai langai ngai hpaji byeng-ya kadawn nga yang gaw, n jet kau ai sha, nlang hte hpe ndaw nhta a jaw nga ai Karai Kasang kaw, hpyi nga u ga; shaloi shi lu la na ru ai: