MAHTE 10:16 - Jinghpaw Hanson Version Bible

¹⁶ Yu mu, chyahkyawn ni a ka-ang de sagu hpe zawn, ngai nanhte hpe shangun dat made ai: dai rai nna nanhte gaw; lapu zawn hpaji rawng nna, hkrudu zawn myit shingdi nga mu.

Jinghpaw Common Language Bible 2009

¹⁶ “Madat mu! chyahkyawn ni a ka-ang de sagu hpe zawn, ngai nanhte hpe shangun dat made ai. Dai rai nna nanhte gaw lapu zawn hpaji rawng nna hkrudu zawn myit sumnung shingdi nga mu.

MAHTE 10:16 ပူးပေါင်းရင်းမြစ်များ

NINGPAWT NINGHPANG 3:1

Ya dai lapu gaw, Yehowa Karai Kasang galaw ai nam mali na dusat nhprang mahkra hta hpaji grau rawng nga ai. Shi gaw dai numsha hpe, “Ndai sun hta tu ai hpun mahkra hta na, nan n sha lu na rai myit dai, nga nna Karai Kasang gaja wa tsun a ni?” Ngu nna san wu ai.

NINGPAWT NINGHPANG 3:13

Shaloi Yehowa Karai Kasang gaw, dai numsha hpe, “Ndai nang galaw ai gaw, hpa rai nga a ta?” Ngu nna san wu ai; dai numsha gaw, “Ngai hpe lapu e lau nna ngai sha kau se ai,” ngu nna htan wu ai.

NEHEMIA 4:13

Shing nga ma ai majaw, mare bunghku a shinggan na, nem htum ai dam lada ai shara e ri, nhtu, ndan lang ai mung masha ni hpe, tinang dap lakung hkan nna, ngai san da nngai.

YEREMIA 40:16

Rai timung, Ahikam a kasha Gedalia gaw, Nang dai hku galaw lu na n rai; Ishmaela lam n teng ai ga nang tsun nit dai, ngu nna Karea kasha Yohanan hpe htan wu ai.

HOSEA 7:11

Ehprim gaw myit n rawng ai. angawk ai hkrudu hte bung nga ai: shanhte gaw Egutu hpe shaga, Asuri mung de sa wa ma ai.

MAHTE 24:25

Yu mu, ngai nanhte hpe tsun hkap da ni ai.

MAHTE 24:45

Dai hta kaga, dai Madu gaw shi a nta masha ni a ntsa e san tawn da nna aten du jang shanhte hpe lusha karan jaw lu na, sadi ai hte myit su ai mayam gaw kadai wa rai nga a ta?

MAHTE 25:2

Shanhte hta na manga gaw myit n su ma ai; manga mahtang gaw, myit su nga ma ai.

MAHTE 25:4

myit su ai ni mahtang, tinang a pyengdin hte rau, tau ni hta, sau mung lang nga ma ai.

MAHTE 25:9

Myit su ai ni mahtang htan nna, ‘Anhte hte nanhte a matu n law dam nhten: dut ai ni kaw sa nna, nanhte a matu mari la na grau mai ai,’ ngu mu ai.

LUKA 10:3

Nanhte sa wa manu; yu mu, chyahkyawn ni a ka-ang de sagu kasha hpe zawn, ngai nanhte hpe shangun dat made ai.

LUKA 21:15

kaning rai nme law, nanhte a gumlau maga na ni nlang, n hkap htang lu hkra, ngai nanhte hpe n-gup ga hte hpaji jaw na made ai.

KASA 20:29

Ngai pru ai hpang, Hpung hpe matsan n dum ai, n hkru ai chyahkyawn, nanhte hta shang na ra ai, ngai chye nga nngai:

1 KORINHTU 14:20

Hpunau ni e, myit mang ai lam hta ma kaji hkum tai myit; n hkru n hkra ai lam hta she ma kaji tai nga mu; myit mang ai lam hta chyawm gaw, myit su ai ni tai nga mu.

2 KORINHTU 1:12

Kaning rai nme law, Karai Kasang a chyoi pra nna san seng ai myit hte, dinghta hpaji n lawm ai sha, Karai Kasang a chyeju hte, mungkan ga e anhte htinglet nga nna, nanhte hte rau grau nna dai zawn rai nga ga ai hpe, anhte a myit masin a sakse hkam ai lam ngu ai gaw, anhte a gumrawng shara rai nga ai.

2 KORINHTU 11:14

Dai gaw mau na shara n nga ai; kaning rai nme law, Satan pyi nhtoi hta na lamu kasa a hpyi hpun chye nga ai;

2 KORINHTU 11:3

Rai timung, lapu gaw shi a hkalem ai hte Ewa hpe lau kau wu ai zawn, Hkristu a san seng ai hte chyoi pra ai lam hpe kau da hkra, nanhte a myit mang hten na hpe, ngai tsang nga nngai.

2 KORINHTU 8:20

anhte a lata hte galaw daw ai, ndai alu kaba lahkawn ai hta, kadai mung anhte hpe mara shagun shara n nga u ga, sadi nga ga ai;

HPILIPI 2:15

shing rai yang mara n rawng nna yubak n kap ai sha, ndai ja la nna myit magaw ai prat a ka-ang e agang chyalang n re ai Karai Kasang a kashu kasha ni nanhte tai wa ai hte,

KOLOSE 1:9

Dai re ai majaw, anhte mung na yu lu ai shani kaw nna, nanhte a matu mara akyu hpyi na, n sim n sa rai nga ai hte: Wenyi hte seng ai hpaji byeng-ya hte nyan amyu myu hta shi a myit mang ai a chye chyang ai lam hte nanhte hpring chyat lu nna,

KOLOSE 4:5

Shinggan de nga ai ni a man e hpaji byeng-ya hte hkawm nga nna, ahkying aten hpe lata mari la mu.

1 HTESALONI 2:10

Kamsham nga ai ni nanhte a man e, anhte kaning rai chyoi pra ai hte dinghpring nna mara n kap ai rai nga ga ai hpe, nanhte mung, Karai Kasang mung, sakse rai nga myit dai.

1 HTESALONI 5:22

N kaja ai lam baw sumhpa hpe koi gam nga mu.