MAHTE 10:14 - Jinghpaw Hanson Version Bible

¹⁴ Nanhte hpe n hkap hkalum la nna, nanhte a ga hpe n madat ya yang gaw, dai nta kaw na, shing n rai, dai mare kaw na pru wa nhtawm, nanhte a lagaw hta kap ai nhpu hpe ahpu kau mu.

Jinghpaw Common Language Bible 2009

¹⁴ Nanhte hpe n hkap hkalum la nna nanhte a ga hpe n madat yang gaw, dai nta kaw na, shing n rai, dai mare kaw na pru wa nhtawm, nanhte a lagaw hta kap ai nhpu hpe ahpu da mu.

MAHTE 10:14 ပူးပေါင်းရင်းမြစ်များ

NEHEMIA 5:13

Dai hta kaga ngai gaw, nye a palawng galu ahpu let, “Ndai ga shaka n hkan ai wa kadai hpe mung, shi a nta hte shi a amu bungli hta na, Karai Kasang ahpu kau u ga: dai zawn ahpu kau ai hte man mat ai hkrum mu ga,” nga nna tsun jang, shawa hpawng ting, “Amen,” nga nna Yehowa hpe shakawn kungdawn ma ai. Mung masha ni gaw ndai ga shaka tawn da ai hte maren hkan galaw ma ai.

MAHTE 10:13

dai nta hta ging dan nga a yang gaw, nanhte a shaman ai ga shi ntsa e du u ga; ging dan ai wa n rai yang gaw, nanhte a shaman ai ga nanhte hpang de bai nhtang wa u ga.

MAHTE 18:5

Ndai ma kaji zawn re ai wa langai mi hpe, nye a amying hte hkap la ai wa kadai mung, ngai hpe hkap la nga ai.

MARKU 6:11

Gara shara hta e rai timung, nanhte hpe n hkap la nna, nanhte hpe n madat mara nga ma yang gaw, dai yang na pru wa let, shanhte hpang maga de sakse tai u ga, nanhte a lagaw lahpan hta kap ai ga nhpu hpe, ahpu sharun kau da mu,” ngu nna shanhte hpe tsun dat mu ai.

MARKU 9:37

“Ma kaji ni hta na, ndai zawn re ai ma langai mi hpe, nye a amying majaw hkap la ai wa kadai mung, ngai hpe hkap la nga ai: ngai hpe hkap la ai wa mung, ngai hpe hkap la ai n rai, ngai hpe shangun dat ai wa hpe she hkap la ai rai nga ai.”

LUKA 9:48

“Ndai ma hpe nye a amying majaw, hkap la ai wa kadai mung, ngai hpe hkap la ai rai nga ai; ngai hpe hkap la ai wa mung, ngai hpe shangun dat ai wa hpe hkap la ai rai nga ai: dai rai nna, nanhte mahkra hta grau kaji ai wa gaw kaba grau ai wa rai nga ai.

LUKA 9:5

Nanhte hpe n hkap la ai ni hpe gaw, shanhte a mare na pru wa yang, shanhte a man e sakse tai na matu, nanhte a lagaw hta kap ai nhpu hpe ahpu sharun kau da mu,” ngu nna tsun dat mu ai.

YAWHAN 13:20

Ngai nanhte hpe gaja wa teng teng tsun made ai gaw, Ngai shangun dat ai wa e hkap la ai wa gaw, ngai hpe hkap la ai, rai nga ai: ngai e hkap la ai wa mung, ngai hpe shangun dat ai wa e hkap la ai, rai nga ai,” ngu nna shanhte hpe tsun wu ai.

KASA 13:51

Shan gaw tinang a lagaw na nhpu shanhte hpang maga ahpu kau da nna, Ikoni mare de du ma ai.

KASA 18:6

Shanhte chyawm gaw hkap ndang ai hte aroi ara nga ma yang, shi palawng ahpu dan let, “Nanhte a asai gaw nanhte a baw e mara nga nu ga; ngai chyawm gaw lawt ni ai: ya kaw nna gaw, maigan amyu ni hpang de ngai kayin mat wa na ni ai,” ngu nna shanhte hpe tsun mu ai.

1 HTESALONI 4:8

Dai rai nna, n kaw n law re ai wa kadai mung, masha hpe n rai, nanhte hta shi a Chyoi pra ai Wenyi jaw ya ai Karai Kasang hpe n kaw n law di da wu ai.