MAHTE 1:22 - Jinghpaw Hanson Version Bible

²² De a lam yawng hte, dai Madu gaw myihtoi hta tsun ai ga dik wa u ga majaw byin wa sai.

Jinghpaw Common Language Bible 2009

²² Ndai lam ni gaw Madu nan myihtoi a n-gup hku nna tsun da sai ga dik wa u ga she byin wa sai.

MAHTE 1:22 ပူးပေါင်းရင်းမြစ်များ

1 HKAWHKAM 8:15

Bai shi gaw, “Nye a amyu Israela hpe Egutu mung na shapraw ai shani kaw nna, Israela amyu ni a mare langai mi hta nye a amying shanu nga na matu nta galaw da na ngai garai n lata la timung, nye a amyu Israela ntsa e up nga na matu ngai Dawi hpe lata la se ai,

1 HKAWHKAM 8:24

na shangun ma, nye wa Dawi hpe ga ndat tawn da ai hte maren nang shadik ya nu ai; rai sa nang n-gup ga hte tsun nna, dai ni mu lu ai hte maren, na lata hte nan dai hpe shadik ya nu ai.

EZRA 1:1

Ya Yeremia htawn tsun ai Yehowa ga dik wa na matu, Persi hkawhkam hkaw dung ai shawng shaning hta e, Yehowa gaw shi a myit masin hpe shamu shamawt ya nna, shi gaw shi a mungdan ni mahkra hproi hkra hkang dat ai laika shabra dat nna,

MAHTE 12:17

Dai byin wa ai lam gaw, “Ngai lata la ai, nye a shangun ma hpe, Ngai myit sharawng awng ai nja nhpra wa hpe, yu mu.

MAHTE 13:21

kraw hta e ru n jung ai majaw, ladaw mi sha nga nga nhtawm, dai mungga a majaw ru tsang ai hte zingri zingrat hkrum jang, shaloi e myit kataw re ai wa hpe rai nga ai.

MAHTE 13:35

“Nye a n-gup, ga shadawn hte ngai hpaw nna, Ginding aga nnan lat kaw nna, makoi da ai ga hpe ngai htai dan na nngai,” nga nna myihtoi tsun ai ga dik wa u ga, ga shadawn hte n rai yang gaw, shi shanhte hpe hpa mung n tsun dan yu ai.

MAHTE 2:15

Dai gaw, “Ngai sha hpe Egutu mung na ngai shaga la se ai,” nga nna myihtoi a n-gup hte dai Madu tsun ai ga gaw, dik wa u ga she byin wa ai.

MAHTE 2:23

Dai rai nna, “Nazare wa shi hpe ngu na maru ai,” nga nna myihtoi ni tsun ai ga gaw dik wa sai.

MAHTE 5:17

Dai jep ai tara hte myihtoi ni a ga hpe raw dat kau na, nga nna ngai sa du ai gaw, hkum nawn nga myit; raw dat kau na matu n rai, dai hpe shadik na she, ngai sa du ring ngai.

MAHTE 8:17

Dai gaw, Shi hkum nan, “anhte a ana ahkya hpe la kau ya nna, anhte a nji nmu hte hpe gun la kau nu ai,” nga nna, myihtoi Esaia tsun ai ga dik wa u ga, rai nga ai.

LUKA 21:22

kaning rai nme law, ka da mada yawng shadik na matu, dai nhtoi ni gaw, matai htang na nhtoi ni rai na ra ai.

LUKA 24:44

Shaloi shi gaw, “Mawshe a tara hta mung, myihtoi ni a laika hta mung, Shakawn Kungdawn laika ni hta mung, ngai hpe sha-ang nna ka da mada yawng gaw dik lu na ra ai, ngu nna nanhte hte rau naw nga yang, ngai nanhte hpe tsun ni ai, nye a ga gaw, ndai rai nga ai,” ngu nna shanhte hpe tsun mu ai.

YAWHAN 10:35

Chyum laika hta na ga hpe n kau mai ai rai nna, Karai Kasang a mungga dep la lu ai ni hpe, Karai daw ni ngu lu ai rai yang gaw,

YAWHAN 15:25

Rai timung dai gaw, Mara n nga nga timung, shanhte ngai hpe n dawng n yawt ma ai, nga nna shanhte a tara laika hta ka da ai ga dik wa na matu, rai nga ai.

YAWHAN 17:12

Ngai shanhte hte rau nga nga ai hte yang, nang ngai e jaw ai ni hpe, na a amying ningsang hta ngai shagrin shangang da nna, shanhte hpe makawp maga mase ai: shanhte hta na hten bya ai a kasha hta kaga gaw, langai mi muk n hten n bya ma ai; dai wa a hten bya ai chyawm gaw, Chyum laika hta rawng ai ga dik wa na matu rai nga ai.

YAWHAN 18:9

dai gaw, Nang ngai e jaw ai ni hta na, langai mi hpe muk ngai n shayet kau nngai, nga nna shawng de shi tsun ai ga dik wa na matu, rai nga ai.

KASA 3:18

Dai gaw, Karai Wa a Hkristu nni nkri hkrum na re ai, nga nna myihtoi ni yawng a n-gup hte tau tsun shangun ai Karai Kasang shi nan, ning re ai lam hte shadik nu ai.

ROMA 1:2

Karai Kasang gaw moi moi shi a myihtoi ni e ndat da ai, shi a Kasha a lam ngu ai, Karai Kasang a kabu gara shiga a jaw e san da hkrum ai, ngai Pawlu gaw,

SHINGRAN 17:17

Kaning rai nme law, Karai Kasang a myit hku shadik na hte, shanhte myit langai sha rawng lu na, Karai Kasang a mungga dik wa ai nhtoi du hkra, tinang a mungdan dai matse labye hpe ap ya mu ga nga, Karai Kasang gaw shanhte a kraw lawang hta hpaji daw bang ya mu ai.