LUKA 9:44 - Jinghpaw Hanson Version Bible

⁴⁴ “Dai Masha Kasha gaw masha ni a lata de ap kau ai hkrum na ra ai, ga ndai hpe nanhte a na hta madat gun da mu,” ngu nna sape ni hpe tsun mu ai.

Jinghpaw Common Language Bible 2009

⁴⁴ “Ngai nanhte hpe tsun dan hkyen ai ga hpe hkum malap kau mu, Masha Kasha gaw masha ni a lata de ap kau ai hkrum na ra ai,” ngu nna tsun mu ai.

LUKA 9:44 ပူးပေါင်းရင်းမြစ်များ

2 SAMUELA 24:14

Shaloi Dawi gaw, Ngai myit grai ru nngai; Yehowa a lata hta mahtang a rai u ga; shi a matsan dum ai myit kaba la sai; masha a lata hta ngai n du n ga, ngu nna myihtoi Gad hpe tsun wu ai.

MAHTE 16:21

Dai aten kaw nna Yesu Hkristu gaw, Yerusalem mare sa lu na hte agyi salang ni, hkinjawng agyi ni hte laika ka ai sara ni a lata hta e nni nkri law law wa hkrum nna, sat kau na hpe hkam la nhtawm, masum ya nhtoi hta e, bai sharawt la lu na lam, shi a sape ni hpe madun dan hpang wu ai.

MAHTE 26:2

“Ni ni lai jang dai Shalai wa ai poi du na ra ai, nanhte chye nga myit dai rai nna, Masha Kasha hpe wudang hta e jen da na matu, ap kau ai hkrum na ra ai,” ngu wu ai.

MARKU 8:31

Dai shaloi e, Dai Masha Kasha gaw nni nkri law law wa hkrum nna, agyi salang ni, hkinjawng agyi ni hte laika ka ai sara ni e nyet kau ai hkrum na hte, sat kau ai hkrum nhtawm, masum ya nhtoi hpang e bai hkrung rawt wa lu na lam, shi shanhte hpe sharin achyin hpang mu ai.

MARKU 9:31

Kaning rai nme law, “Dai Masha Kasha gaw masha ni a lata hta e ap kau ai hkrum nna, shanhte shi hpe sat kau na maru ai hte, sat kau ai hkrum ngut jang, masum ya nhtoi hpang e, shi bai hkrung rawt wa na ra ai,” ngu nna shi a sape ni hpe sharin achyin ya nna, tsun dan mu ai.

LUKA 1:66

Na mana ni yawng hte mung, tinang a kraw kata e dai hpe matsing da nna, “Ndai ma gaw, kaning re ai wa rai na ra ai i?” nga ma ai: kaning rai nme law, dai Madu a lata gaw shi hte rau nga nga ai.

LUKA 18:31

Shaloi shi gaw sape shi lahkawng hte hpe shaga la nna, “Yu mu, Anhte Yerusalem mare de lung wa nga ga ai; myihtoi ni a lata hte ka da mada gaw, Masha Kasha hta dik wa na ra ai.

LUKA 2:19

Mari chyawm gaw dai ga yawng mayawng hpe matsing gun la nna, shi kraw kata e a ru yu nga ai.

LUKA 2:51

Shi chyawm gaw shan hte rau yu wa nna, Nazaret mare de du wa ai: shan a npu e mung shi taw nga ai: shi a kanu gaw dai ga mahkra hpe shi kraw hta matsing da wu ai.

LUKA 24:44

Shaloi shi gaw, “Mawshe a tara hta mung, myihtoi ni a laika hta mung, Shakawn Kungdawn laika ni hta mung, ngai hpe sha-ang nna ka da mada yawng gaw dik lu na ra ai, ngu nna nanhte hte rau naw nga yang, ngai nanhte hpe tsun ni ai, nye a ga gaw, ndai rai nga ai,” ngu nna shanhte hpe tsun mu ai.

LUKA 9:22

kaning rai nme law, “Dai Masha Kasha gaw nni nkri law law wa hkrum nna, agyi salang ni, hkinjawng agyi ni, laika ka ai sara ni e nyet kau ai hkrum na hte sat kau ai hkrum nhtawm, masum ya nhtoi hta sharawt la ai hkrum na rai nga ai,” nga ai.

YAWHAN 16:31

Yesu bai htan wu ai gaw, “Nanhte ya kam manit ni?

YAWHAN 16:4

Rai timung, shanhte a nhtoi du ai shaloi, ngai nanhte hpe ning ngu tsun hkap da sai gaw, nanhte dum lu myit ga, ngu nna ga ndai ngai nanhte hpe tsun nngai: shawng de gaw ngai nanhte hte rau naw nga nngai majaw, ngai nanhte hpe ning ngu n tsun yu nngai.

YAWHAN 19:11

Yesu gaw, “Nang hpe ntsa de nna, ahkang jaw da sai n rai taw gaw, nye a ntsa e hpa ahkang mung, nang n lu na ndai: dai majaw ngai hpe nang kaw sa ap ya ai wa gaw, yubak grau kaba lu ai,” ngu nna, shi hpe htan wu ai.

KASA 2:23

ndai wa gaw, Karai Kasang shatawng ngut tawn sai hpaji hte, tau chye tau chyang ai lam hku ap kau hkrum wu yang, nanhte gaw, n tara ai masha a lata hte, shi hpe wudang hta jen sat kau myit dai:

HEBRE 2:1

Dai re ai majaw na la sai lam hta na anhte n yit mat wa u ga, dai hte hpe grau nna madat mara shara rai nga ai.