LUKA 9:42 - Jinghpaw Hanson Version Bible

⁴² Dai ma sa wa nga yang pyi, nat gaw shi hpe kadawng tawn nna htan kashan shangun nga ai: Yesu chyawm gaw dai n seng ai nat hpe daru kau nna, dai ma hpe shamai ya nhtawm kawa e ap ya wu ai.

Jinghpaw Common Language Bible 2009

⁴² Dai la sha ma sa wa nga yang pyi, nat gaw shi hpe kadawng tawn nna htan gari shangun nga ai. Yesu gaw, dai n seng ai nat hpe ma kaw na pru mat na hkang dat ai hte dai ma hpe shamai ya nhtawm, kawa hpe bai ap ya wu ai.

LUKA 9:42 ပူးပေါင်းရင်းမြစ်များ

1 HKAWHKAM 17:23

Shaloi Elia gaw dai ma hpe ntsa gawk de na woi yu wa nhtawm, nta nhku de kanu hpe ap ya let, “Yu u, na nsha gaw hkrung wa salit dai,” ngu nna shi hpe tsun wu ai.

2 HKAWHKAM 4:36

Ya Elisha gaw Gehazi hpe, “Shunem num hpe shaga u,” ngu wu ai. Shing rai shi shaga nna, dai num jan du jang, Elisha gaw, “Na nsha hpe pawn la u,” ngu wu ai.

MARKU 9:20

Shaloi shanhte gaw dai ma hpe woi sa mu ai. Shi hpe mu hkrup ai shaloi jang, dai nat gaw shi hpe htan kashan shangun nna, shi ga de kadawng wa ai hte, hkumbawp lawu let gumkan galu nga ai.

LUKA 7:15

Si ai wa mung rawt dung nna ga tsun nga ai. dai Madu gaw shi hpe kanu e ap ya wu ai.

LUKA 9:39

yu u, shi hta nat shung nna, shi akajawng sha shabam wa ai hte, hkumbawp pru hkra shi hpe bu kashan shangun nna, machyi la hkra shatsang ngut jang she nachying yak la ai hte shi kaw na pru mat wa wa re ai.

LUKA 9:41

Dai rai nna Yesu gaw, “Makam masham n rawng ai hte nhtan shai ai amyu e, ngai nanhte hte rau gaten du hkra nga nna, sharang ya lu na rai nga a ta? na nsha hpe nang de woi sa rit,” ngu nna htan wu ai.

LUKA 9:43

Nga manga hte mung Karai Kasang a daru magam nsam majaw mau mahka nga ma ai. Shing rai shi galaw ai amu mahkra a majaw, nlang hte gaw mau nga ma yang, shi gaw,

YAWHAN 6:19

Dai re ai majaw mai masum mali daram shap sa wa sayang, Yesu gaw hka ntsa e hkawm let, li makau du hkra du sa wa ai hpe, shanhte hkap mu nna, hkrit kajawng nga ma ai.

KASA 9:41

Petru mung lata ladawn nna gang sharawt nhtawm, chyoi pra ai ni hte gaida jan ni hpe shaga la nna, shi hpe chyahkrung ap ya wu ai.

SHINGRAN 12:12

Dai re ai majaw, sumsing lamu ni hte dai hte hta rawng nga ai ni e, kabu gara nga mu: ginding aga hte nammukdara chyawm gaw dingnye lu ma ai: kaning rai nme law, Nat gaw, shi a nhtoi loi mi sha ngam sai chye wu ai majaw, n-yun bu let nanhte hpang de yu wa sai, nga nna tsun ma ai hpe, ngai na nngai.