LUKA 9:40 - Jinghpaw Hanson Version Bible

⁴⁰ Dai nat shaden kau ya mi, ngu nna na a sape ni hpe ngai hpyi nme timung, shanhte n di lu ma ai,” ngu wu ai.

Jinghpaw Common Language Bible 2009

⁴⁰ Dai nat shaden kau ya na matu, na a sape ni hpe ngai hpyi nem nngai, rai ti mung shanhte n galaw lu ma ai,” ngu wu ai.

LUKA 9:40 ပူးပေါင်းရင်းမြစ်များ

2 HKAWHKAM 4:31

Gehazi mahtang shan a shawng e sa wa nna, dawhkrawng hpe ma a myi man ntsa e mara da wu timung, ma gaw n shaga, hpa mung n dum nga ai. Dai rai nna shi gaw Elisha hpe sa tau let, “Ma gaw n hprang hkraw nga ai,” ngu nna shi hpe tsun wu ai.

MAHTE 17:20

Shi gaw, “Nanhte ai n kam myit dai majaw, n di lu mu ai; nanhte hpe ngai teng teng tsun made ai gaw; Kamsham ai myit chyinghkrang tum daram nanhte rawng nga myit yang gaw, ndai bum hpe, Wora de htawt sit mat u, ngu nna nanhte tsun mu yang, dai htawt sit mat na ra ai: nanhte n di lu na amu hpa mung n nga na re ai,” ngu nna shanhte hpe tsun mu ai.

LUKA 9:1

Dai hpang, shi gaw dai sape shi lahkawng hte hpe shaga la nhtawm, nat nlang hpe dang lu na mung, machyi makaw shamai ya na mung, shanhte hpe atsam hte ahkang jaw nna,

LUKA 9:39

yu u, shi hta nat shung nna, shi akajawng sha shabam wa ai hte, hkumbawp pru hkra shi hpe bu kashan shangun nna, machyi la hkra shatsang ngut jang she nachying yak la ai hte shi kaw na pru mat wa wa re ai.

LUKA 9:41

Dai rai nna Yesu gaw, “Makam masham n rawng ai hte nhtan shai ai amyu e, ngai nanhte hte rau gaten du hkra nga nna, sharang ya lu na rai nga a ta? na nsha hpe nang de woi sa rit,” ngu nna htan wu ai.