LUKA 9:32 - Jinghpaw Hanson Version Bible

³² Petru hte shi hte rau nga ai yan gaw yup shamwi nga ma ai: rai timung, dum hprang mat ma jang, shi a hpung shingkang hte shi hte rau tsap nga ai yan hpe shanhte mu ma ai.

Jinghpaw Common Language Bible 2009

³² Petru hte shi a manang yan gaw yup shamwi taw nga ma ai, rai ti mung, dum hprang wa yu yang, shi a hpung shingkang hte shi hte rau tsap nga ai masha lahkawng hpe mu ma ai.

LUKA 9:32 ပူးပေါင်းရင်းမြစ်များ

ESAIA 60:19

Shani e nang hta htoi ai nhtoi gaw, ya kaw nna jan a nhtoi n rai; shata a htoi kabrim ai mung, nang hpe htoi ya na n rai: kaning rai nme law, Yehowa gaw na a matu htani htana nhtoi, na a Karai Kasang gaw na a arawng sadang, tai na ra ai.

Daniela 10:9

Rai timung, dai wa a nsen hpe ngai na nngai; ya shiga tsun ai nsen ngai na yang, ngai ga de gum dagup nna, nawng mat nga nngai.

Daniela 8:18

Ya shi gaw ngai hpe ga tsun yang, ngai ga hta gum dagup let, nawng mat nga nngai: shi chyawm gaw ngai hpe ahtawk nna, jan rai tsap shangun nngai.

MARKU 14:40

Bai, nhtang wa yang, shanhte a myi yup shamwi ai majaw, shanhte naw a yup pyaw nga ma ai hpe shi mu mu ai rai nna, shi hpe kaning ngu htan na, shanhte n chye ma ai.

YAWHAN 1:14

Dai Mungga gaw masha a hkum shan dagraw la nna, chyeju hte tengman ai hpring let, anhte hta nga nga yu sai rai nna, Kawa hta na Kasha shingtai a hpung shingkang zawn, anhte shi a hpung shingkang hpe, mu lu sagaw ai.

YAWHAN 17:24

“Wa e, gingding aga garai n lat kaw nna, nang ngai hpe tsawra nga ndai majaw, nang ngai e jaw ai hpung shingkang hpe, ngai hpe jaw da ai ni mung mada mu lu mu ga, ngai nga ai shara e shanhte ngai hte rau nga nga lu na hpe, ngai ra nga nngai.

2 PETRU 1:16

Kaning rai nme law, anhte a Madu Yesu Hkristu a hpung atsam hte, du sa wa na ra ai lam, shi nanhte hpe shana dan ai shaloi e, hpaji maumwi ga hpe hkan let, anhte hkai ga ai n rai; anhte hkum nan shi a dan hkung ai hpung shingkang hpe tinang dai mu lu ai ni rai nga ga ai.

1 YAWHAN 3:2

Tsawra ai ni e, Karai Kasang a kashu kasha ni, anhte ya e rai nga ga ai rai nna, anhte hpa mi tai na, garai n dan pru nga ai: rai timung, shi dan pru nga yang, anhte shi hte bung na ga ai, anhte chye ga ai: kaning rai nme law, shi hkum hpe nan anhte mu lu na gaw ai.