LUKA 9:1 - Jinghpaw Hanson Version Bible

¹ Dai hpang, shi gaw dai sape shi lahkawng hte hpe shaga la nhtawm, nat nlang hpe dang lu na mung, machyi makaw shamai ya na mung, shanhte hpe atsam hte ahkang jaw nna,

Jinghpaw Common Language Bible 2009

¹ Yesu gaw sape shi lahkawng hte hpe shaga la nhtawm, nat ni yawng hpe shaden kau lu na hte ana ahkya ni hpe shamai ya lu na atsam hte ahkaw ahkang shanhte hpe jaw mu ai.

LUKA 9:1 ပူးပေါင်းရင်းမြစ်များ

MAHTE 16:19

Sumsing lamu na mungdan a sumsaw ni ngai nang hpe ap ya na de ai rai nna, dinghta ga hta nang gyit da mada gaw, sumsing lamu hta mung gyit da ai hkrum na ra ai; dinghta ga hta nang raw maraw gaw, sumsing lamu hta mung, raw kau ai hkrum na ra ai,” ngu nna shi hpe htan wu ai.

MAHTE 4:24

Dai majaw, shi a kajai gumhkawng ai shiga gaw, Suri mung ting hta e pri rai wa sai rai nna, shanhte gaw, hkum n pyaw ai, machyi makaw amyu myu hte kawa machyi hkrum ai ni hte, nat kap ai, mamu mu ai hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya wu ai.

MAHTE 8:9

Kaning rai nme law, ngai mung du lawu na masha rai nga nngai, nye a lawu de mung hpyen masha nga ma ai rai nna, marai mi hpe, ‘Sa u,’ ngu yang, shi sa wa ai; kaga wa hpe, ‘wa rit’ ngu yang, shi wa ai; nye a mayam wa hpe mung, ‘Ndai galaw u,’ ngu yang, shi galaw nga ai,” ngu nna htan wu ai.

LUKA 10:1

Dai hpang, dai Madu gaw sape kaga sanit shi san la nna, shi hkum dai sa magang ai mare hte shara shagu de, marai lahkawng yep di nna, shi a shawng e shangun dat wu ai.

LUKA 10:19

Yu mu, lapu hte n-gawgawk ni hpe kabye lu na hte, gumlau a atsam nlang hpe dang lu na ahkang, ngai nanhte hpe jaw made ai rai nna, hpa e mung nanhte hpe hkala lu na myit dai n rai.

YAWHAN 14:12

Nanhte hpe ngai gaja wa teng teng tsun made ai gaw, Ngai hpe kamsham ai wa gaw, ngai galaw ai amu lu galaw na ra ai; dai hta grau kaba ai amu mung, lu galaw na ra ai: kaning rai nme law, ngai gaw Wa hpang de wa na nngai.

KASA 1:8

rai timung, Chyoi pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga htum hkra, nye a sakse ni tai na marin dai,” ngu nna shanhte hpe tsun mu ai.

KASA 3:16

Shi a amying ningsang hpe kamsham ai a marang e, shi a amying nan, ndai nanhte mu chye ai wa hpe n-gun shaja nu ai; rai sa, shi kaw na makam masham gaw, ndai wa hpe, nanhte yawng a man e, hkum hkum shamai tawn nu ai.

KASA 4:30

na a mayam ni, na a mungga hpe nden ja ai myit hte tsun dan nga lu hkra, karum ya mi law,” nga nna hpyi ma ai.

KASA 9:34

Shaloi Petru gaw, “Ainea e, Yesu Hkristu nang hpe shamai nit dai: rawt u, na hpun panep lajang u,” ngu nna shi hpe tsun wu ai: shaloi jang shi rawt wa lu ai.