LUKA 8:6 - Jinghpaw Hanson Version Bible

⁶ Nkau mi gaw nlung ntsa e hkrat nna, tu pru wa yang, ga n madi nga ai majaw, nyip si mat ma ai.

Jinghpaw Common Language Bible 2009

⁶ Nkau mi gaw nlung hkrai re ai ga ntsa e hkrat nna, tu pru wa yang, ga n madi nga ai majaw nyip si mat ma ai.

LUKA 8:6 ပူးပေါင်းရင်းမြစ်များ

YEREMIA 5:3

Yehowa e, na a myi kangka lam hpe tau yu nga ai, n rai ni? Nang shanhte hpe kayat timung, shanhte hpa n nawn ma ai; shaza kau timung, sharin achyin ai n hkam hkraw ma ai: tinang a myi man hpe nlung hta grau shaja ma ai; shanhte bai wa na, n hkraw ma ai.

EZEKELA 11:19

Ngai shanhte hpe myit masin langai sha hte, nanhte a kraw e wenyi ningnan bang ya na nngai:

EZEKELA 36:26

Myit masin ningnan ngai nanhte hpe jaw nna, nanhte a kraw lawang hta, wenyi ningnan bang ya na nngai: nanhte a hkumhkrang na nlung salum hpe ngai shaw kau nna, shan salum bang ya na nngai.

AMO LAIKA (AMOS) 6:12

Gumra gaw lungbra hkan e gat lu a ni? dumsu hte dai hpe shawt lu a ni? nanhte mahtang tara malang ai hku shagri, dinghpring ai hpe lashi pila hte galai kau manu ai;

LUKA 8:13

Nlung hta nga ai ni gaw, dai mungga hpe na jang, kabu gara ai myit hte hta la ai rai timung, ru n jung ma ai majaw, tawng marang mi sha kamsham nhtawm, gunglau hkrum ai nhtoi hta e bai htak mat wa ai ni rai ma ai.

LUKA 8:5

Nli gat ai wa gaw shi a nli gat na pru sa wa ai; gat dat wu yang, nkau mi gaw lam makau e hkrat nna, masha e kabye kau ai hte, ntsa malen na u ni hta sha kau ma ai.

LUKA 8:7

Nkau mi gaw ju hpun ka-ang e hkrat nna, ju hpun ni dai hte rau tu kaba wa ai hte, dai hpe lim kau mu ai.

HEBRE 3:15

Bai laika hta, “Nanhte dai ni shi a nsen na myit yang gaw, Pawt bu shangun ai nhtoi e zawn, nanhte a myit masin hpe hkum shaja myit,” nga nna tsun nga yang,