LUKA 8:52 - Jinghpaw Hanson Version Bible

⁵² Nlang hte gaw dai ma a majaw hkrap ngu hkrap ngoi nga nna sharung shayawt nga ma ai. Shi chyawm gaw, “Hkum hkrap myit, shi si ai n rai, yup pyaw nga ai,” ngu mu ai.

Jinghpaw Common Language Bible 2009

⁵² Yawng mayawng gaw, dai ma a majaw, hkrap ngu hkrap ngoi nga nna sharung shayawt nga ma ai. Yesu gaw, “Hkum hkrap myit, shi si ai n rai, yup pyaw nga ai,” ngu mu ai.

LUKA 8:52 ပူးပေါင်းရင်းမြစ်များ

2 SAMUELA 18:33

Shaloi hkawhkam wa masin kahpra nna, mare chyinghka ntsa na gawk de lung wa let hkrap nga ai: shing rai lung wa yang, Ngai sha Absalom e, ngai sha, ngai sha absalom e! nang si na malai ngai si n ga law e; ngai sha. ngai sha, Absalom e, nga nna hkrap sharung nga ai.

PRU MAT 24:17

Yehowa a hpung shingkang gaw, dai bum pungding ntsa e, grung nga ai wan zawn, Israela kashu kasha ni a man e mahkran nga ai.

ZEHKARIA 12:10

“Dawi a nta ntsa e mung, Yerusalem mare na ni a ntsa e mung, chyeju dum ai hte tawngban ai myit, ngai ru bun na nngai; shanhte gaw tinang galun waw ai, ngai hpe, mu mada na mara ai rai nna, kasha shingtai a matu hkrap ai zawn, shanhte gaw shi a matu hkrap ngu hkrap ngoi na mara ai: kasha alat a matu myit ru ai zawn, shi a matu myit ru na mara ai.

MAHTE 11:17

Nanhte a matu anhte sumpyi dum ga timung, nanhte n ka myit dai: Anhte sharung shayawt timung, nanhte n yawn myit dai, nga nna, gat hkan e dung let, shada da gintan hkat ai ma ni hte bung nga ma ai.

LUKA 23:27

Masha wunawng wuwa kaba hte, shi a lam hkrap ngu hkrap ngoi, sharung shayawt nga ai numsha ni mung, shi a hpang e hkan nang ma ai.

LUKA 23:48

Dai lam yu na nga, sa hpawng ai masha nlang hte mung, shing rai byin ai lam ni hpe mu mu yang, sinda adup let bai wa ma ai.

LUKA 8:51

Nta de du ma yang, Petru, Yawhan, Yaku hte, dai numsha ma a kanu yan kawa hta kaga, shi hte rau nhku de kadai hpe mung n shang shangun wu ai.

LUKA 8:53

Ma gaw si mat sai shanhte chye ma ai majaw, shi hpe asawng asang ngu kau mu ai.

YAWHAN 11:4

Yesu gaw dai ga na jang, “Dai machyi gaw si machyi n rai: de a majaw Karai Kasang a Kasha hpung shingkang dan pru u ga nga nna, Karai Kasang a hpung shingkang matu byin ai rai nga ai,” ngu nna tsun dat wu ai.