LUKA 8:44 - Jinghpaw Hanson Version Bible

⁴⁴ shi hpang de sit sa nna, shi a palawng banbyau ahtawk wu ai: shaloi jang shi a sai htaw ai ana gaw sim mat lu ai.

Jinghpaw Common Language Bible 2009

⁴⁴ Shi gaw Yesu a shingdu maga hku shawa masha ni hte sanyen nna, Madu hpang de sit sa nhtawm, shi a palawng banbyau hpe ahtawk wu ai, shaloi jang shi a sai htaw ai ana gaw sim mat lu ai.

LUKA 8:44 ပူးပေါင်းရင်းမြစ်များ

PRU MAT 15:26

shi gaw, “Na a Karai Kasang Yehowa a nsen hpe nang azin ayang madat nna, shi a man e dingman ai hku galaw ndai hte, shi hkang da mada hpe nang madat mara ya nna, shi a ga matsun nlang hte hpe hkan nang n yang gaw, Egutu masha ni hta ngai shakap ai ana ahkya langai mi mung nang hta shakap na n rai: ngai gaw nang hpe shamai ya ai Yehowa rai nga nngai,” ngu wu ai.

MALAHKI 4:2

Nye a amying hpe hkrit hkungga ai ni a nta e chyawm gaw, dinghpring shangun ai ajan gaw, shamai shatsai ai singkaw hte, du pru na ra ai: nanhte mung pru wa nna, ulawng na dumsu kasha zawn, gumtawng na marin dai.

MAHTE 20:34

Shaloi Yesu shan hpe matsan dum nna, shan a myi hpe ahtawk ya mu ai; shaloi jang, shan myi mu wa nna, shi kaw hkan nang ma ai.

MAHTE 8:3

Shi chyawm gaw lata ladawn nna, shi hpe ahtawk let, “Ngai hkraw nga nngai, san pra wa nu,” ngu wu ai: dai shaloi jang, shi a manggang san pra mat lu ai.

MAHTE 9:20

Shaloi, yu mu, shi lahkawng ning sai htaw machyi ai numsha langai mi shi hpang de sit sa wa nna, shi a palawng a banbyau ahtawk wu ai;

MARKU 6:56

Dai hta kaga, gara kahtawng hta e rai timung, mare hta e rai timung, htinghkrai shara hta e rai timung, shi shang wa yang, dai yang na htingwang hta e, ana ahkya hkrum ai ni hpe shanhte tawn da mu ai rai nna, shi a hpun palawng banbyau hpe sha pyi ahtawk na ahkang hpyi nem mu ai: shi hpe ahtawk lu ai ni yawng hte nan, mai mat wa ma ai.

LUKA 13:13

shi a ntsa e lata mung mara ya wu ai: shaloi jang shi a malang jan rai lu nna, Karai Kasang hpe shakawn kungdawn nga ai.

LUKA 7:38

shingdu maga Yesu a lagaw nhpang e hkrap tsap nga let shi a lagaw hpe myi prwi hte madit ya wu ai rai nna, shi a kara hte katsut kau ya wu ai: shi a lagaw hpe mung shi pup nna, mura hte chya ya wu ai.

LUKA 8:43

Dai shaloi, shi lahkawng ning tup sai htaw machyi nna, gade e muk n shamai ya lu ai numsha langai mi gaw,

LUKA 8:45

Shaloi Yesu gaw, “Ngai hpe ahtawk ai kadai rai ta?” ngu wu ai. Nlang hte gaw ndang nga ma yang Petru gaw, “Madu e, shawa masha ni nang hpe ahtu hkra ai hte, kanawng matep hkra rai nga ma ai,” ngu wu ai.

YAWHAN 5:13

Rai timung, machyi mai ai wa gaw, kadai re ai mung n chye dat wu ai: kaning rai nme law, dai yang e masha hpawng nga ai majaw, Yesu gaw mayun pru mat wa sai.

KASA 19:12

Pawlu lang ai hpajet re ai, shingkyit re ai, lama ma machyi ai ni hpang de la wa jang, dai ni mai mat wa ai hte, shung ai nat ni mung pru mat wa ma ai.

KASA 5:15

dai rai nna, Petru lai sa wa yang, langai ngai a ntsa e shi a shingnip sha pyi hkra u ga, nga nna machyi makaw hkrum ai ni hpe, mare lam makau de hpai shapraw nhtawm yup ku ni hte panep ni hta, tawn da shajang ma ai.

TARA JAHPRANG 22:12

Nang lawai ai nba a matu mali maga de shingman madat da na rai ndai.