LUKA 8:28 - Jinghpaw Hanson Version Bible

²⁸ Dai wa gaw Yesu hpe mu jang, jahtau nna shi a man e dingnyawm dagup let, Tsaw htum ai Karai Kasang a Kasha Yesu e, ngai nang hte hpa daw nga ga ta? nang ngai hpe n zingri n ga, ngai nang hpe hpyi nga nngai, ngu nna nsen kaba hte tsun wu ai.

Jinghpaw Common Language Bible 2009

²⁸ Dai wa gaw Yesu hpe mu jang, jahtau nna shi a man e dingnyawm dagup let, “Tsaw Htum ai Karai Kasang a Kasha Yesu e, nang ngai hte hpa daw nga a ta? Nang ngai hpe n zingri n ga, ngai nang hpe hpyi nem nga nngai,” ngu nna marawn tsun wu ai.

LUKA 8:28 ပူးပေါင်းရင်းမြစ်များ

ESAIA 27:1

Dai shani e, Yehowa gaw, shi a ja la ai, galu kaba nna n-gun ja ai nhtu hte, lawan chye a baren lapu hte magyi magaw re ai baren lapu hpe, kawan katsan yu nna, nammukdara e, rawng ai numraw hpe sat kau na ra ai.

MAHTE 8:29

Shan gaw, “Karai Kasang a Kasha e, an nang hte hpa seng nga ga ta? aten garai n du yang, an hpe zingri na nang sa du rin ni?” ngu nna jahtau mu ai.

LUKA 8:27

Shi hkarang de pru lung wa yang, dai mare na nat kap ai wa langai mi shi hpe sa tau wu ai: dai wa gaw aten na na wa hpun palawng n bu hpun ai hte, nta e mung n nga ai sha, lupwa hkan e nga nga ai.

LUKA 8:29

Kaning rai nme law, dai wa kaw na pru wa na, dai n seng ai nat hpe shi daru da nu ai. Dai nat gaw dai wa hta law law lang shung ai majaw, shi hpe sharen da ai hte, hpri sumri hte hkang hkyihkyang e gyit hkang shadang rai timung, dai sumri ni hpe gang dut kau nhtawm, nat gaw dai wa hpe nam mali de shapoi la la a rai nga ai.

YAKU 2:19

Karai Kasang gaw langai sha rai nga ai, nang kam nga n hka? Rai sa, mai kaja nga ndai: nat ni mung kamsham nga nna, hkrit gari nga ma ai.

2 PETRU 2:4

Kaning rai nme law, Karai Kasang gaw yubak galaw kau ai lamu kasa ni hpe pyi lahpawt lama n di ai sha, ngarai mung de jahkrat kau mu ai rai nna, tara dara ai nhtoi du hkra shanhte hpe rim da let, chyang htat ai nsin sin ai nhkun hta e rawng da mu ai hte;

1 YAWHAN 3:8

Yubak galaw ai wa gaw, Nat kaw na rai nga ai; kaning rai nme law, Nat gaw shawng npawt kaw nna, yubak galaw nga ai. Dai rai nna, Nat a amu bungli hpe sharun jahten kau u ga, Karai Kasang a Kasha gaw paw pru wa sai.

SHINGRAN 20:10

Shanhte hpe hkalem la ai Nat mung, wan hte kan grung ai nawng hta jahkrat bang kau ai hkrum wu ai: dai yang e, dai matse labye hte, dai masu ai myihtoi mung, rawng nga ma ai rai nna, shanhte gaw shani shana nni nkri hkrum let, htani htana prat dingsa arawng nga lu na mara ai.