LUKA 8:2 - Jinghpaw Hanson Version Bible

² n hkru ai nat hte machyi makaw hta na shamai la ai numsha nkau mi mung, nat sanit pru mat ai Magdala ngu ai Mari,

Jinghpaw Common Language Bible 2009

² N hkru ai nat kap ai hte machyi makaw hta na shamai la hkrum ai numsha nkau mi mung, nat sanit pru mat ai Magdala Mari;

LUKA 8:2 ပူးပေါင်းရင်းမြစ်များ

MAHTE 4:24

Dai majaw, shi a kajai gumhkawng ai shiga gaw, Suri mung ting hta e pri rai wa sai rai nna, shanhte gaw, hkum n pyaw ai, machyi makaw amyu myu hte kawa machyi hkrum ai ni hte, nat kap ai, mamu mu ai hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya wu ai.

MARKU 16:1

Ya, laban nhtoi lai mat jang, Magadala Mari yan Yaku a kanu Mari hte Salome gaw, dai moi mang hpe chya ya na matu, manam pyaw ai sau mari ma ai.

MARKU 16:9

Ya, dai nhtoi bat mi a shawng shani jau jau e, shi hkrung rawt mat wa ai hpang, nat sanit shaden kau ya ai Magdala Mari hpe, shi hkum shawng shadan dan wu ai.

LUKA 23:27

Masha wunawng wuwa kaba hte, shi a lam hkrap ngu hkrap ngoi, sharung shayawt nga ai numsha ni mung, shi a hpang e hkan nang ma ai.

LUKA 23:49

Shi hpe chye machye ni hte, Galile mung nna shi kaw hkan nang ai num ni gaw, tsan tsan e tsap nna, dai lam ni hpe mada yu let, nga nga ma ai.

LUKA 23:55

Galile mung nna shi hte rau pru sa ai numsha ni mung, hpang e hkan nang nna, dai lup hpe mung, shi a hkum tsawp hpe kaning di tawn da ai mung, mu da ma ai.

LUKA 8:30

Shaloi Yesu gaw, Na amying hpa rai lit ta? ngu nna shi hpe san wu ai. Shi gaw Legio rai li ai, ngu wu ai: kaning rai nme law, nat law law wa shi hta shang nga masai.

YAWHAN 19:25

Dai majaw hpyen masha ni shing rai galaw ma ai. Ya Yesu a wudang makau e shi a kanu hte, kanu a nau na Klopa a madu jan Mari hte, Magdala Mari hte tsap nga ma ai.

KASA 1:14

Shanhte nlang hte gaw, numsha ni hte Yesu a kanu Mari hte mung, shi a kanau ni hte mung, myit langai sha hte akyu hpyi shaja let nga nga ma ai.