LUKA 8:18 - Jinghpaw Hanson Version Bible

¹⁸ Dai re ai majaw, nanhte kaning rai na la myit dai hpe sadi nga mu: kaning rai nme law, lu ai wa kadai hpe mung, naw jat jaw na ra ai; n lu ai wa kaw na chyawm gaw, shi lu dum ai hpe pyi, naw shaw la ya na ra ai, ngu wu ai.

Jinghpaw Common Language Bible 2009

¹⁸ “Dai re ai majaw, nanhte gara hku madat la myit dai hpe sadi nga mu; hpa majaw nga yang, lu ai wa kadai hpe mung, naw jat jaw na ra ai; n lu ai wa kaw na chyawm gaw, shi lu dum ai kachyi mi hpe pyi naw shaw la kau ya na ra ai,” ngu mu ai.

LUKA 8:18 ပူးပေါင်းရင်းမြစ်များ

GA SHAGAWP 14:12

Masha myit ai hte maren, tinang lam malang nga timung, De a jahtum gaw, si ai kaw byawn rai nga ai.

MAHTE 13:12

Kaning rai nme law, lu ai wa kadai hpe mung naw jat jaw na rai nna, shi law wa na ra ai; n lu ai wa kaw na pyi shi lu ai hpe naw shaw la na ra ai.

MAHTE 25:29

lu ai wa kadai hpe mung, naw jaw nna shi law htam wa na ra ai: n lu ai wa kaw na chyawm gaw, shi lu malu hpe pyi naw shaw la na ru ai.

MARKU 13:14

Dai jahten shabya ai matsat shabat gaw, n da ang ai shara e tawn da ai hpe nanhte mu myit yang gaw, laika hti nga ai wa gaw myit yu nga u ga; dai shaloi e, Yuda mung hta e nga ai ni gaw, bum lang de hprawng mu ga;

LUKA 19:26

“Ngai nanhte hpe tsun made ga. Lu ai wa kadai hpe mung, naw jat jaw na rai nga ai; n lu n lawm ai wa kaw na chyawm gaw, shi lu ai made hpe pyi naw la kau ya na rai nga ai.

LUKA 9:44

“Dai Masha Kasha gaw masha ni a lata de ap kau ai hkrum na ra ai, ga ndai hpe nanhte a na hta madat gun da mu,” ngu nna sape ni hpe tsun mu ai.

YAWHAN 15:2

Ngai hta asi n si ai lakung shagu hpe gaw, shi krum kau wu ai: asi si ai lakung shagu hpe chyawm gaw, asi grau si u ga nga, tsan kau ya wu ai.

KASA 10:33

Dai majaw, shaloi jang ngai nang hpang de shangun dat ai rai nna, ya nang du ai gaw, mai kaja nga ai. Dai rai nna, shi Madu nang hpe hkang da mada madat la na, ya anhte nlang Karai Kasang a man e, rai nga ga ai,” ngu nna tsun wu ai.

KASA 17:11

Dai mare masha ni gaw Htesaloni masha ni hta myit grau su ma ai rai nna, dai mungga hta myit shawn loi ai hte, dai lam ni teng ai n teng ai chye lu hkra, Chyum laika hpe shani shagu a yu nga ma ai.

ROMA 12:3

Dai rai nna, kadai mung tinang hkum hpe shadawn sharam ai hta nau wa n rai dum ai sha, Karai Kasang gaw langai hte langai hpe makam masham ren di nna karan jaw ai hte maren, mai myit ai lam chyu sha myit nga n ga, ngu nna ngai hpe jaw ai chyeju hte, nanhte kaw na langai hte langai hte hpe, ngai tsun dat nngai.

1 KORINHTU 14:37

Marai langai ngai myihtoi, shing n rai Wenyi rawng ai wa rai nga nngai, nga nna myit la a yang gaw, ngai nanhte hpe ka ya ai lam gaw, dai madu a htet da ai ga rai nga ai, dum chye u ga.

1 KORINHTU 3:18

Kadai rai timung tinang hkum hpe hkum hkalem nga myit ga. Marai langai ngai ndai mungkan ga e nanhte hta, Hpaji byeng-ya rawng nga nngai, nga nna grang a yang gaw, dai wa gaw hpaji byeng-ya lu la hkra, angawk angak tai wa u ga.

1 KORINHTU 8:2

Marai langai ngai, lama ma chye nngai, nga nna myit a yang gaw, chye mai ai lam pyi shi garai n chye wu ai:

HPILIPI 3:4

ngai chyawm gaw hkum shan hta pyi shamyet shanat na lam lu ang na nngai. Masha kaga gaw dai hkum shan hta shamyet shanat na lam lu nngai, nga nna myit a yang gaw, ngai grau nna lu ang nngai.

HEBRE 2:1

Dai re ai majaw na la sai lam hta na anhte n yit mat wa u ga, dai hte hpe grau nna madat mara shara rai nga ai.