LUKA 8:17 - Jinghpaw Hanson Version Bible

¹⁷ kaning rai nme law, n dan n pru lu na makoi da ai arai hpa mung n nga ai; makoi magap da ai arai hpa mung, n chye lu na hte n dan n leng wa lu na, n nga ai.

Jinghpaw Common Language Bible 2009

¹⁷ Hpa majaw nga yang, makoi da ai arai hpa mung dan dawng ai de shapraw shadan dat na ra ai; ka-up magap da ai, hpa baw mung, mu lu ai nhtoi de shapraw dan na ra ai.

LUKA 8:17 ပူးပေါင်းရင်းမြစ်များ

GA SHAGAWP 26:26

Shi masin n si ai hpe, hkalem ai hte ka-up da timung, Shi n hkru ai myit gaw, shawa hpawng a man e dandawng na ra ai.

HPAJI NINGLI 12:14

Kaning rai nme law, Karai Kasang gaw makoi magap da ai amu yawng mayawng hpe, kaja ai rai timung, n kaja ai rai timung, tara tingnyang hta dawdan na ra ai.

MAHTE 10:26

Dai re ai majaw shanhte hpe hkum hkrit mu: kaning rai nme law, magap da nna, n pru n dan lu na arai gaw n nga ai; makoi da nna n chye na lu na arai mung n nga ai.

MARKU 4:22

kaning rai nme law, n dan n pru lu hkra makoi da ai arai n nga ai; dai hta kaga, makoi magap da ai arai mung, n dan n leng wa lu na, n nga ai.

1 KORINHTU 4:5

Dai re ai majaw, aten garai n du ai hte, nsin hta naw makoi magap da ai arai ni hpe hpaw shadawng dat nna, kraw lawang na myit mang ai hpe shapraw shadan dan na Madu du sa ai du hkra, hpa mung hkum jeyang nga myit; dai shaloi e Karai Kasang gaw langai hte langai hpe hkap shakawn na ra ai.