LUKA 7:8 - Jinghpaw Hanson Version Bible

⁸ Kaning rai nme law, ngai mung du a lawu e dang da ai masha rai nngai: nye a lawu de mung hpyen masha nga ma ai rai nna, langai wa hpe, Sa u, ngu yang, shi sa wa ai; kaga wa hpe, Wa rit, ngu yang, shi wa ai: nye mayam wa hpe mung, Ndai galaw u, ngu yang, shi galaw nga ai, ngu nna tsun shangun dat wu ai.

Jinghpaw Common Language Bible 2009

⁸ Hpa majaw nga yang, ngai mung lahta de na du ni e dang da hkrum ai masha rai nngai, nye a lawu de mung hpyen la ni nga ma ai. Ngai gaw, ndai langai wa hpe, ‘Sa su!,’ ngu yang shi sa wa ai; Kaga wa hpe ‘Wa rit!,’ ngu yang shi wa ai; nye mayam wa hpe mung, ‘Ndai galaw u!,’ ngu yang shi galaw nga ai,” ngu nna tsun shangun dat wu ai.

LUKA 7:8 ပူးပေါင်းရင်းမြစ်များ

LUKA 7:7

dai majaw ngai mung nang kaw sa na ging dan nngai, ngu nna n myit nngai: rai timung, na ga hkaw mi tsun dat rit, shaloi nye ma mai na ra ai.

LUKA 7:9

Yesu gaw dai ga na jang, dai wa a lam hpe mau nna, shi kaw hkan nang ai shawa masha ni hpe kayin yu let, Nanhte hpe ngai tsun made ga, Israela amyu hta pyi, ndai hte wa kamsham ai gaw ngai n mu hkrup nngai, ngu mu ai.

KASA 23:17

Pawlu mung, hpyen du langai mi hpe shaga la nna, “Ndai ma hpe hpyen du kaba wa hpang de woi wa ya e: shi lama mi tsun mayu ai da,” ngu dat wu ai.

KASA 23:23

Bai shi gaw, hpyen du lahkawng shaga la nna, “Dai na ahkying masum hta Kesare mare de sa wa na, hpyen ma ni tsa, gumra jawn ai sanit shi, ri lang ai ni tsa hte hpe shajin tawn mu,” ngu wu ai:

KASA 23:26

“Klawdi Lusi gaw, grau htum ai munggyi Hpilik hpe ngwipyaw ga shana dat nngai.

KASA 23:31

Shing rai, hkang dat ai hte maren hpyen ma ni mung Pawlu hpe woi nna, Antipatri du hkra shana e sa sa dat mu ai.

KASA 24:23

Pawlu hpe mung majoi naw a sin tawn da nna, shi a jinghku jing-yu ni kadai sa galaw jaw mayu yang, galaw jaw shangun mu, ngu nna hpyen du wa hpe hkang da wu ai.

KASA 25:26

Sa dat nga yang mung, nye a Madu hpang de shi a lam azin ayang ka shana dat na mi, n rawng lu ai. Dai rai nna, dai wa hpe manaw yu ngut yang, ka dat lu na ga langai ngai ngai mu lu hkra, nanhte a man e mung, grau nna nang hkawhkam Agripa man e mung, ngai shi hpe shapraw dan de ai.

KOLOSE 3:22

Mayam ni e, nanhte a mungkan Madu ni hpe lam shagu hta madat mara nga mu: myi man pa mayu ai hte masha a myit shapyaw na zawn n re ai sha, myit mang langai sha hte dai Madu hpe hkrit kang nga let madat mara nga mu.