LUKA 7:7 - Jinghpaw Hanson Version Bible

⁷ dai majaw ngai mung nang kaw sa na ging dan nngai, ngu nna n myit nngai: rai timung, na ga hkaw mi tsun dat rit, shaloi nye ma mai na ra ai.

Jinghpaw Common Language Bible 2009

⁷ Ngai hkum nan mung nang kaw sa na ging dan nngai ngu nna n myit nngai, na a ga hkaw mi sha tsun dat rit, shaloi nye a ma mai na ra ai.

LUKA 7:7 ပူးပေါင်းရင်းမြစ်များ

SHAKAWN KUNGDAWN 107:20

Shi a mungga shi dat dat nna, shanhte hpe shamai mu ai, dai nhkun hta na shanhte hpe shalawt dat mu ai.

SHAKAWN KUNGDAWN 33:9

Kaning rai nme law, shiga tsun nna byin nga ai, Shi htet da nna shi a ga grin nga ai.

PRU MAT 15:26

shi gaw, “Na a Karai Kasang Yehowa a nsen hpe nang azin ayang madat nna, shi a man e dingman ai hku galaw ndai hte, shi hkang da mada hpe nang madat mara ya nna, shi a ga matsun nlang hte hpe hkan nang n yang gaw, Egutu masha ni hta ngai shakap ai ana ahkya langai mi mung nang hta shakap na n rai: ngai gaw nang hpe shamai ya ai Yehowa rai nga nngai,” ngu wu ai.

MARKU 1:27

Nlang hte gaw mau mahka nga nna, Ndai gaw, hpa rai nga a ta? ningnan sharin shaga ai lam rai i? daru magam ahkang hte n seng ai nat ni hpe pyi shi htet da nna, shanhte madat mara nga ma ai, nga nna shada da tsun hkat ma ai.

LUKA 4:36

Dai majaw nlang hte gaw mau mahka nga ma ai rai nna, “Ndai ga gaw kaning re ai ga re ai i? daru magam ahkang hte mung, n-gun atsam hte mung, n san n seng ai nat ni hpe shi htet da nna shanhte pru mat wa ma ai,” nga nna shada da tsun hkat ma ai.

LUKA 5:13

Yesu gaw lata ladawn nna shi hpe ahtawk let, “Ngai hkraw nga nngai, san pra wa nu,” ngu wu ai. Shaloi jang dai manggang shi kaw na pru mat wa ai.

LUKA 7:6

Dai rai nna Yesu gaw shanhte hte rau sa wa ai. Shi dai nta hte gade n tsan kaw du jang, hpyen du wa gaw shi a jinghku ni hpe shangun dat nna, Madu e, na hkum hpe hkum shatsang et; nye nta a magaw npu e nang sa shang na gaw, ngai n ging n dan nngai:

LUKA 7:8

Kaning rai nme law, ngai mung du a lawu e dang da ai masha rai nngai: nye a lawu de mung hpyen masha nga ma ai rai nna, langai wa hpe, Sa u, ngu yang, shi sa wa ai; kaga wa hpe, Wa rit, ngu yang, shi wa ai: nye mayam wa hpe mung, Ndai galaw u, ngu yang, shi galaw nga ai, ngu nna tsun shangun dat wu ai.

TARA JAHPRANG 32:39

Ngai dai, ngai nan, Karai wa rai nga nngai, Ngai hta kaga, Karai shaje n nga ai gaw, yu yu mu: Jasi ai mung, ngai, jahkrung ai mung, ngai, Jahpye ai mung, ngai, shamai ai mung, ngai, Nye lata na kadai n shaw la lu ma ai.

1 SAMUELA 2:6

Katsan ga de jahkrat kau ai hte sharawt la ai wa rai nga ai.