LUKA 7:38 - Jinghpaw Hanson Version Bible

³⁸ shingdu maga Yesu a lagaw nhpang e hkrap tsap nga let shi a lagaw hpe myi prwi hte madit ya wu ai rai nna, shi a kara hte katsut kau ya wu ai: shi a lagaw hpe mung shi pup nna, mura hte chya ya wu ai.

Jinghpaw Common Language Bible 2009

³⁸ Shingdu maga, Yesu a lagaw nhpang e hkrap tsap nga let, Madu a lagaw hpe myi prwi hte madit ya wu ai, dai hpang shi a kara hte katsut kau ya wu ai, shi a lagaw hpe mung pup nhtawm, manam pyaw ai mura hte chya ya wu ai.

LUKA 7:38 ပူးပေါင်းရင်းမြစ်များ

NINGPAWT NINGHPANG 18:4

ntsin loi mi la sa ya de ga, nanhte a lagaw kashin kau ngut jang, dai hpun npu e naw sa nga mu:

EZRA 10:1

Ya Ezra gaw Karai Kasang a nta ndaw e, hkum dagup nna myi prwi pru let akyu hpyi tawngban nga yang, Israela masha wunawng wuwa kaba numsha, lasha, ma kaji law law wa, shi hpang de sa hpawng nna, ja ja hkrap ngu hkrap ngoi nga ma ai.

SHAKAWN KUNGDAWN 38:18

Ngai shut hpyit ai gaw, ngai nem lu na rai nga nngai; Nye a yubak majaw, myit yawn nga na nngai.

SHAKAWN KUNGDAWN 51:17

Karai Kasang tsaw nga ai shagu hkungga gaw, Gawng run mat ai wenyi hpe rai nga ai. Karai Kasang e, gawng run nna htum mat ai myit hpe, Nang gang kau nga na ndai n rai.

HPAJI NINGLI 9:8

Na a hpun palawng tutnawng hpraw nga u ga; na a baw sau n kadawn nga u ga.

Shawlumon A Mahkawn Ga 1:3

Na namman gaw, manam pyaw ai sau rai nga ai; Na amying shingteng gaw ru bun ai sau rai nga ai: Dai rai nna hkawnsek ni nang hpe tsawra ma ai.

ESAIA 57:9

Nang gaw sau lang let hkawhkam wa hpang de sa wa nna, manam pyaw ai baw shalaw ai hte, na a kasa ni hpe sumtsan mung de shangun dat nna, Katsan ga du hkra, tinang dai shagrit kau nit dai.

ESAIA 61:3

Ziun mare hta sharung shayawt ai ni hpe, wan dap a malai nampan shanghkawng, sharung shayawt ai a malai kabu gara ai namman, myit kaji ai a malai kabu gara ai hpun palawng jaw na matu mung, shi ngai hpe shangun dat nngai; shing rai, Yehowa gaw arawng sadang lu la na matu, shanhte gaw, shi hkai da ai dinghpring ai hpun ni ngu ai mying, mying na mara ai.

YEREMIA 31:9

Shanhte hkrap let wa na mara ai; akyu hpyi tawngban ai ni hpe, ngai woi wa na nngai; hka kau lam hte, ahtu kataw shara n nga ai, malang ai numda lam hku, ngai shanhte hpe lakawn wa na nngai; kaning rai nme law, ngai gaw Israela kawa rai nga nngai; Ehprim gaw nye a kasha alat rai nga ai.

YOELA 2:12

Ya rai timung, Yehowa gaw, Lusha gam let, hkrap ngu hkrap ngoi nna, sharung shayawt let, nanhte a myit masin mahkra hte ngai hpang de nhtang wa marit:

ZEHKARIA 12:10

“Dawi a nta ntsa e mung, Yerusalem mare na ni a ntsa e mung, chyeju dum ai hte tawngban ai myit, ngai ru bun na nngai; shanhte gaw tinang galun waw ai, ngai hpe, mu mada na mara ai rai nna, kasha shingtai a matu hkrap ai zawn, shanhte gaw shi a matu hkrap ngu hkrap ngoi na mara ai: kasha alat a matu myit ru ai zawn, shi a matu myit ru na mara ai.

MAHTE 5:4

Yawn hkyen hkrum ai ni gaw, a lu ma ai; kaning rai nme law, shanhte shalan shabran ai hkrum na mara ai.

LUKA 22:62

shaloi shi gaw shinggan de pru nna ja ja hkrap nga ai.

LUKA 6:21

Ya kawsi nga ai ni, nanhte a lu myit dai: kaning rai nme law, nanhte hkru kat lu na marin dai. Ya hkrap nga ai ni, nanhte a lu myit dai: kaning rai nme law, nanhte mani na marin dai.

LUKA 7:37

Shaloi, yu mu, dai mare na yubak kap ai numsha langai mi nga ai rai nna, Yesu gaw dai Hparishe a nta e dung nga ai hpe shi chye wu yang mura lunghpraw gawm la sa nhtawm,

LUKA 7:39

Yesu hpe shaga ai Hparishe wa dai mu jang, Ndai wa dai myihtoi rai yang gaw, shi hpe hkra ai numsha gaw, kadai hte kaning re ai numsha re ai mung, yubak kap ai jan rai nga ai mung, shi chye na wu ai, nga nna shi a kraw e myit nga ai.

YAWHAN 11:2

Dai Mari gaw Madu hpe mura chya nna, lagaw hpe shi a kara hte katsut kau ai numsha rai nga ai: dai machyi nga ai Lazaru gaw, shi a kayung rai nga ai.

YAKU 4:9

Nji nmu, sharung shayawt ai hte, hkrap ngu hkrap ngoi rai nga mu; nanhte a mani ai gaw sharung shayawt ai hte, nanhte a kabu gara ai gaw yawn du krung ai hte galai mat u ga.