LUKA 7:25 - Jinghpaw Hanson Version Bible

²⁵ Shing n rai, hpa yu na sa myit ta? mani ai hpun palawng bu hpun ai wa hpe rai ni? yu mu, tsawm htap ai hpun palawng bu hpun nna nhpaw n-ya rai nga lu ai ni gaw, hkawhkam a htingnu ni hta nga ma ai.

Jinghpaw Common Language Bible 2009

²⁵ Shing n rai, hpa hpe yu na sa myit ta? Mani tsawm ai bu hpun palawng bu hpun tawn ai wa hpe rai ni? Dai zawn tsawm htap ai bu hpun palawng bu hpun nna nhpaw n-ya ningngai nga lu ai gaw, hkawhkam htingnu ni hta mu lu nga ai.

LUKA 7:25 ပူးပေါင်းရင်းမြစ်များ

2 SAMUELA 19:35

Dai ni nye a asak matsat shi ning rai sali ai. Kaja ai hte n kaja ai naw chye ginhka na a ni? Na a mayam lusha mu n mu naw chye na na a ni? Mahkawn shabrang ni a mahkawn mangoi ai nsen na lu na a ni? Dai rai nna, na a mayam nang hkawhkam wa hpe hpa majaw naw shatsang na rai ta?

1 HKAWHKAM 10:5

shi a sha ku na lu sha shahpa hpe mung, shi a ali ama ni dung nga ai lam hpe mung, shi a hkringjung hkringmang ni tsap nga ai hte shanhte a bu hpun ai lam hpe mung, shi a tsabyi gawm jau ai ni hte, shi Yehowa a nta de lung wa ai lam hpe mung mu wu yang, shi a minla byaw mat lu ai rai nna,

2 HKAWHKAM 1:8

Shanhte gaw, “Dai wa gaw mun grai tu nna, shanhpyi shingkyit kyit ai wa re ai,” ngu nna htan mu ai. Shi gaw, “Dai wa Tishbi masha Elia nan rai nga ai,” nga ai.

ESHTA 1:11

hkawhkam janmau gup let, hkawhkam wa hpang de jashawn na lam, Mehuman, Bizhta, Harabona, Bighta, Abaghta, Zehtara, Hkarahka ngu ai, unuk masha marai sanit hpe hkang da mu ai: kaning rai nme law, shi gaw grai ahpraw tsawm ai num rai nga ai.

ESHTA 1:3

shi hkaw dung ai masum ning hta e, shi a du salang ni hte ali ama ni mahkra a matu poi galaw nga ai Persi, Medi hpyen du ni, mungdaw ni a agyi salang ni hte du ni gaw, shi a man e nga nga ma ai:

ESHTA 4:2

Lachyit nba bu hpun ai hte, hkawhkam chyinghka de kadai n mai shang timung, shi gaw hkawhkam chyinghka ndaw e nan, sa tsap nga ai.

ESHTA 5:1

Ya, masum ya e rai yang, Eshta gaw, shi a hkawhkam jan hpun palawng sumraw nna, hkawhkam htingnu tawtap, hkawhkam htingnu a kata wang e tsap nga ai; hkawhkam wa gaw, htingnu a chyinghka lam tawtap na, hkawhkam htingnu kata e, shi a hkawhkam tingnyang hta dung nga ai.

ESHTA 8:15

Ya Mordehkai gaw amut, ahpraw nsan ai, hkawhkam hpun palawng bu hpun nna, ja janmau kaba gup ai hte mani ai lachyit nba ahpraw hte hkyeng sawm ai nba lawai let, hkawhkam wa kaw na pru wa nna, Shushan mare masha ni gaw, kabu gara ai hte jahtau garu nga ma ai.

ESAIA 59:17

Shing rai shi gaw, dinghpring ngu ai sinda magap dagap nna, hkye hkrang la ngu ai hpri gup chyawp chyawp nga ai; matai dawp ngu ai hpun palawng, shi bu hpun nna, nja nhpra myit ngu ai nba lawai nga ai.

MAHTE 11:8

shing n rai, hpa yu na sa myit ta? mani ai hpun palawng bu hpun ai wa hpe, rai ni? Yu mu, mani ai hpun palawng bu hpun ai ni gaw, hkawhkam a htingnu ni hta nga ma ai.

MAHTE 3:4

Dai Yawhan chyawm gaw, gawla-uk mun hte da ai nba bu hpun nna, shi nshang e shanhpyi shingkyit kyit nga ai: shi a shahpa mung, dinggam-yaw hte nam na lagat jahku rai nga lu ai.

MAHTE 6:29

rai timung, ngai nanhte hpe tsun made ai gaw, Shawlumon pyi shi a hpung kaba mahkra hta, dai nampan langai mi zawn, bu hpun lu ai n rai.

LUKA 16:19

Lang mi na sahti langai mi gaw, hkyeng ai nba hte mani ai hpun palawng bu hpun sumli nna, shani shanang pyaw pyaw ningngai nga ai.

LUKA 7:24

Yawhan a kasa yan wa mat ai hpang, shi Yawhan a lam hpe lakap nna shawa masha ni hpe tsun hpang mu ai gaw, Dai nam de hpa hpe hpu yu na nanhte sa myit ta? nbung e kanga ai mai-aw hpe rai ni?

LUKA 7:26

Dai hpe n rai taw, hpa yu na sa myit ta? myihtoi hpe rai ni? Rai nga ai; ngai nanhte hpe tsun made ai gaw, myihtoi hta grau kaba ai wa shi rai nga ai.