LUKA 7:21 - Jinghpaw Hanson Version Bible

²¹ Dai ahkying e nan shi gaw masha law law hpe machyi makaw, ana ahkya hte n hkru ai nat hta na shamai kau ya mu ai: myi kyaw ai masha law law hpe mung, myi bai mu ai chyeju jaw mu ai.

Jinghpaw Common Language Bible 2009

²¹ Dai ahkying e nan Yesu gaw, shanhte a machyi makaw ni, ana ahkya ni hte n hkru ai nat kap ai ni hpe shamai kau ya mu ai, myi kyaw ai masha law law hpe mung myi bai mu lu shangun mu ai.

LUKA 7:21 ပူးပေါင်းရင်းမြစ်များ

1 HKAWHKAM 8:37

“Dai mungdan hta n-gawn hku wa wa ai, ana zinli, hkau pyi pyi ai, man maru ru ai, dinggam-yaw hte shingchyut sha ai mung; shanhte hpe hpyen ai ni gaw shanhte a mung na mare ni hpe sa wang tawn ai mung; hpa ana ahkya hte hpa machyi makaw hkrum yang mung;

JAW JAU 14:48

Bai dai nta hpe engade nnan chya ngut ai hpang, hkinjawng wa shang yu yang, ana n maden wa yang gaw, ana mai ai re ai majaw, nta dai hpe san seng ai ngu na rai wu ai.

MAHTE 4:23

Bai, shi gaw Galile mung ting hta kawan hkawm let, shanhte a tara jawng ni hta shi sharin shaga nga nna, dai mungdan a kabu gara shiga hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.

MAHTE 4:24

Dai majaw, shi a kajai gumhkawng ai shiga gaw, Suri mung ting hta e pri rai wa sai rai nna, shanhte gaw, hkum n pyaw ai, machyi makaw amyu myu hte kawa machyi hkrum ai ni hte, nat kap ai, mamu mu ai hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya wu ai.

MARKU 3:10

kaning rai nme law, masha law law hpe shi shamai ya mu ai majaw, ana ahkya hkrum ai ni nlang hte, shi hpe ahtawk lu hkra, nga nna shi kaw anin shang wa ma ai.

MARKU 5:29

Shaloi jang, shi a sai nhpang hkyet mat wa nna, shi a atsu atsam mai mat ai hpe, shi hkum dai dum chye wu ai.

MARKU 5:34

Shi mahtang, “Shayi sha e, na a kamsham ai gaw nang hpe shamai ya nit dai: ngwipyaw ai hte wa u: na a atsu atsam mai wa nu ga,” ngu nna shi hpe tsun dat wu ai.

LUKA 7:20

Dai yan gaw Yesu kaw du jang, Nang gaw dai du sa na wa rai nga n ni? shing n rai, kaga hpe anhte naw myit mada lu na rai nga a ni? nga nna Baptisma Sara Yawhan gaw, nang hpang de an hpe san shangun dat mi ai, ngu mu ai.

HEBRE 12:6

Madu gaw tsawra ai wa hpe sharin ga ai, Hkap la ai kasha nlang hpe kayat ga ai,” nga nna ma hpe sharin ai zawn, nanhte hpe shadum jahprang ai ga hpe nanhte malap kau manit dai.