LUKA 6:7 - Jinghpaw Hanson Version Bible

⁷ Dai rai nna, laika ka ai sara ni hte Hparishe ni gaw, shi hta mara shagun lu hkra, “Laban nhtoi hta shamai ya na ra ai kun?” nga nna shi hpe gyam yu ma ai:

Jinghpaw Common Language Bible 2009

⁷ Tara sara nkau mi hte Hparishe nkau mi gaw, Madu hpe mara shagun lu hkra lam tam mayu ai majaw, Bansa Nhtoi hta dai wa hpe shamai ya na ra ai kun? nga nna shi hpe gyam yu nga ma ai.

LUKA 6:7 ပူးပေါင်းရင်းမြစ်များ

SHAKAWN KUNGDAWN 38:12

Nye a myit masin hpe tam ai ni, mahkam hkam nna, Ngai hpe n kaja ai maw ai ni, hkalem ai ga tsun nga ma ai: Shani tup myit magaw ai lam a daw nga ma ai.

ESAIA 29:21

tara lam manai nna, chyinghka lam e sa shawk ai wa hpe mahkam hkam ai hte, dinghpring ai wa hpe pagawn gang kau let, n hkru n hkra galaw maw ai ni yawng, shamyit kau ai hkrum ma ai.

YEREMIA 20:10

Masha ni a shatan nhkan ai hpe ngai na lu nngai; shoihpa shoirang shara magup rai nga ai: nye a makyin jinghku ni pyi, Mara shagun mu, anhte shi hpe mara shagun na ga ai; anhte shi hpe lau lu nna, dang kau lu na nhten; shi hpe matai dawp lu nhten, nga nna ngai hpe gyam yu ai ni tsun ma ai.

MAHTE 5:39

Ngai mahtang nanhte hpe tsun made ai gaw, N hkru ai wa hpe hpa mung hkum tai mu; na a hkra shabyi bye ai wa hpe, maga mi naw ja ya u.

MARKU 3:2

Laban nhtoi hta e, dai wa hpe shamai ya na kun? nga nna, Yesu hpe mara shagun na, shanhte gyam yu nga ma ai.

LUKA 13:14

Shing rai Yesu gaw laban nhtoi e shamai ya ai majaw, tara jawng agyi wa gaw masin kahtet nna shawa masha ni hpe, “Amu bungli galaw mai ai nhtoi kru ya nga ai; dai nhtoi ni hta shamai la na sa mu: laban nhtoi hta gaw hkum sa myit,” ngu nna tsun mu ai.

LUKA 20:20

Dai rai nna shanhte gaw shi hpe gyam yu ai hte, mung up du hte ahkang aya lu ai munggyi wa kaw, shi hpe ap kau lu na matu, shi a ga hta mara shagun na lam mu hkra, dingman hpyi hpun ai kin-yu masha shangun dat ma ai.

YAWHAN 9:16

Shaloi Hparishe ni nkau mi gaw, “Dai wa gaw laban nhtoi n gawn ai majaw, Karai Kasang kaw na du sa ai wa n rai,” nga ma ai: bai nkau mi gaw, “Yubak lu ai masha gaw, ning re ai lamik kumla kaning rai galaw lu na a ta?” nga ma ai. Shing nga nna shada da bra mat ma ai.