LUKA 6:49 - Jinghpaw Hanson Version Bible

⁴⁹ Ga na la nna n hkan galaw ai wa chyawm gaw, npawt n gaw ai sha, gaman hta wahpang gaw ai wa hte bung nga ai: hka hpungla ni dai nta hpe ahtu adawt nna, shaloi jang kadawng daw mat ai; dai nta a hten run ai gaw kaba la nga ai.

Jinghpaw Common Language Bible 2009

⁴⁹ Rai ti mung, ga na la nna n hkan galaw ai chyawm gaw, npawt nhpang n gaw ai sha ga man hta wahpang gaw ai wa hte bung nga ai, hka hpungla ni dai nta hpe ahtu adawt nna kadawng daw mat ai, dai nta a hten run mat ai lam gaw hkrithpa kaba rai nga ai!”

LUKA 6:49 ပူးပေါင်းရင်းမြစ်များ

GA SHAGAWP 28:18

Myit malang ai hku hkan ai wa gaw, tsin-yam lawt na ra ai; Magaw ai lam hkan ai wa chyawm gaw, akajawng sha kataw na ra ai.

EZEKELA 33:31

Shanhte gaw shawa hpawng sa nna, nye a masha ni zawn na a man e dung nga ninglen, na a ga na la timung, n galaw hkraw ma ai: shanhte gaw tinang a n-gup hte ga ngwi grai tsun timung, tinang a lawhpa myit sutgan hta jung nga malu ai.

HOSEA 4:14

Nanhte a shayi sha ni shawa num, nanhte a nnam ni la shaw ai num tai yang, ngai shanhte hpe ari jaw na, n rai: kaning rai nme law, la ni pyi shawa num hkan tam nna, n se ai num ni hte rau hkungga nawng ya ma ai: nyan n rawng ai amyu gaw, htum mat ai hkrum na ra ai.

MAHTE 23:3

Dai re ai majaw shanhte a tsun matsun hpe hkan galaw nna shatup nga mu; rai timung, shanhte a arawn alai hte maren hkum galaw nga myit: kaning rai nme law, shanhte tsun da nhtawm e, tinang dai n hkan galaw ma ai.

MAHTE 24:10

Dai shaloi e, masha law law myit kataw wa nna, shada da ap kau ai hte, shada da n dawng n wawm na mara ai.

MARKU 4:17

rai timung, shanhte hta ru n jung nga ai rai nna, tawng marang mi sha nga nga ma ai: dai hpang, dai mungga a majaw ru tsang ai hte zingri zingrat hkrum ai shaloi jang, shanhte myit kataw wa ma ai.

LUKA 12:47

Tinang madu a myit chye da ninglen, madu a myit hku n hkan, chyip chyip rai n hkyen nga ai mayam kadai rai timung, anu ajin di ai, law hkrum na ra ai.

LUKA 19:14

Shi a mung masha ni chyawm gaw, shi hpe n dawng da mu ai rai nna, ‘Ndai wa anhte a ntsa e up nga na, anhte n ra ga ai,’ ngu nna shi a hpang e kasa hkan shangun dat mu ai.

LUKA 19:27

Dai hta kaga, shanhte a ntsa e ngai hpe up shangun na n ra ai, nye a gumlau ni hpe, nang de dun wa nna, nye a man e sat kau maru, ngu nna hkang dat mu ai,” ngu wu ai.

LUKA 6:46

Ngai tsun ai hte maren n hkan galaw myit dai mi, hpa rai nanhte ngai hpe, ‘Madu e, Madu e,’ nga myit ta?

LUKA 6:48

dai wa gaw, wahpang gaw yang, sung sung htu nna lunghkrung ntsa e npawt gaw ai wa hte bung nga ai: hka rawt hka tung wa yang, hka hpungla ni dai nta hpe ahtu adawt rai timung, ngang ngang kang kang gaw da sai majaw, dai hpe n shamawt lu ai.

LUKA 7:1

Shi gaw shawa masha ni hpe shi a ga mahkra tsun htum jang, Kaperna-um mare de shang wa ai.

YAWHAN 15:2

Ngai hta asi n si ai lakung shagu hpe gaw, shi krum kau wu ai: asi si ai lakung shagu hpe chyawm gaw, asi grau si u ga nga, tsan kau ya wu ai.

KASA 20:29

Ngai pru ai hpang, Hpung hpe matsan n dum ai, n hkru ai chyahkyawn, nanhte hta shang na ra ai, ngai chye nga nngai:

KASA 26:11

Tara jawng magup hta mung shanhte hpe law law lang ari jahkrum let, Yesu hpe shatan shangun lu hkra shaja se ai: shanhte hpe nachying pawt ai n-yun, bu nna, masha ga hkan na kahtawng mare du hkra pyi, hkan zingri mase ai.

1 HTESALONI 3:5

Dai rai nna ngai naw n sharang nga lu nngai majaw, gunglau ai wa gaw nanhte hpe gunglau ai hte anhte a bungli kaman lila tai mat nhten, nga nna nanhte a makam masham hpe chye lu na, ngai shangun dat we ai.

2 PETRU 2:20

Dai hta kaga, anhte a Madu hte Hkye hkrang la ai wa Yesu Hkristu hpe chye chyang lu ai a gawp e, shanhte gaw mungkan ga a matsat shabat lawt lu nhtawm e, dai hta e a gyit ahkang da nga ai hpe bai hkrum hkrup nna, dai gaw shanhte hpe bai dang kau mu yang gaw, dai ni a hpang na gaw shawng na hta grau nna yak wa nga ai.

1 YAWHAN 2:19

Anhte kaw na shanhte pru ma timung, anhte hte nseng ga ai. Kaning rai nme law, anhte hte seng taw gaw shanhte anhte hte anga nga na mara ai: rai timung, shanhte nlang anhte hte n seng ga ai gaw dan wa u ga, shanhte pru wa ma ai.