LUKA 6:45 - Jinghpaw Hanson Version Bible

⁴⁵ Kaja ai wa gaw, tinang kraw lawang a kaja ai sutdek hta na, kaja ai rai shapraw dan ai; n kaja ai wa mung n kaja ai sutdek hta na, n kaja ai rai shapraw dan ai: kaning rai nme law, kraw hta hpring chyat nga ai kaw na, shi a n-gup de tsun pru nga ai.

Jinghpaw Common Language Bible 2009

⁴⁵ Kaja ai masha gaw, kaja ai arai hte hpring rawng nga ai kraw lawang sut dek hta na kaja ai rai shapraw dan ai; n kaja ai wa mung, n kaja ai sut dek hta na n kaja ai shapraw dan ai, hpa majaw nga yang, kraw hta hpring chyat nga ai kaw na shi a n-gup hte tsun pru nga ai.

LUKA 6:45 ပူးပေါင်းရင်းမြစ်များ

SHAKAWN KUNGDAWN 140:5

Gumrawng ai ni nye a matu mahkam hte sumri up da nna, Nye a lam e, sumgawn nep da mu ai: Nye a matu ndaw mung jun da mu ai. [Selah.]

SHAKAWN KUNGDAWN 59:12

Shanhte a n-gup na yubak hte nten e shut ai ga, Shanhte a matsa mawa hte masu ai ga majaw, Tinang a gumrawng ai hta ahkang nga mu ga.

SHAKAWN KUNGDAWN 59:7

N-gup hte grang ai ga shanhte tsun ma ai; Shanhte a nten hta nhtu lawm nga malu ai: Shanhte gaw, “Kadai wa chye lu na kun?” nga nna tsun ma ai.

GA SHAGAWP 12:18

Nhtu hte galun ai zawn, laji magra nna tsun ai wa mung nga ai; Hpaji rawng ai wa a shinglet chyawm gaw, ana pyi shamai ya lu ai.

GA SHAGAWP 15:23

Masha gaw tinang htan ai ga hta kabu nga lu ai; Ahkyak e tsun ai ga gaw, gade pyaw nga a hka!

GA SHAGAWP 4:23

Myit masin gaw asak a npawt nhpang rai nga ai majaw, Dai hpe tsam mari bau sin nga u.

YAWHAN 7:38

Ngai hpe kamsham ai wa gaw, Chyum laika hta tsun ai hte maren, dai wa a kraw lawang hta na asak hkrung ai ntsin a hka nu lwi pru nga na ra ai,” ngu nna jahtau tsun wu ai.

KASA 5:3

Dai rai nna Petru gaw, “Anani e, Chyoi pra ai Wenyi hpe masu kau na hte, ga jahpu hta na kau mi ip da na gaw, hpa majaw Satan na a myit jahpring ya lu a ta?

EHPESU 3:8

Rai sa, anhte a Madu Hkristu Yesu hta e shatawng da ai prat dingsa na bawng hkut ai hku hte maren, lamu lahta tang e nga ai du magam ni hte ahkang aya lu ai ni kaw, Karai Kasang a chyahtum chyalai re ai hpaji byeng-ya hpe, dai Hpung a lata hte, ya e shana dan u ga,

EHPESU 4:29

N se ai ga hkaw mi mung nanhte a n-gup na hkum pru u ga; madat mara nga ai ni a matu akyu byin hkra, ra nga ai hte maren shadaw shalan na matu, mai kaja ai ga sha a tsun na mu.

EHPESU 5:19

shakawn kungdawn ga, mahkawn mangoi ga, Wenyi hte seng ai laka ga hte shada da tsun nga let, nanhte a kraw lawang hta dai Madu hpe mahkawn mangoi nga nna, mahku shangwi nga mu:

KOLOSE 3:16

Hkristu a mungga gaw hpaji byeng-ya amyu myu hte nanhte hta n taw n tsang ashanu nga u ga: shakawn kungdawn ga, mahkawn mangoi ga, Wenyi hte seng ai laka ga hte, chyeju hku hkan nna, nanhte shada da sharin shaga nna shadum jahprang nga let, nanhte a kraw lawang hta Karai Kasang hpe mahkawn mangoi nga mu.

KOLOSE 4:6

Langai hte langai hpe kaning rai htan lu na chye lu u ga, nanhte a ga hta galoi mung chyeju lawm nga nna, jum hte a shum nga u ga.

HEBRE 8:10

Da ndai gaw, dai nhtoi ni a hpang e Israela a nta hte ngai shaka na ga shaka rai nga ai: Nye a tara hpe shanhte a myit hta ngai bang da nna, Shanhte a kraw lawang hta ka da na we ai; Ngai shanhte a Karai Kasang tai na we ai, Shanhte mung nye a amyu tai na mara ai;

YUDA 1:15

tara n hkungga ai ni nlang hte gaw, tara n hkungga ai myit hte galaw dan ai tara n hkungga ai amu mahkra a matu mara mung, tara n hkungga ai yubak galaw ai ni, shi a lam tsun dan mu ai n hkru ai ga mahkra a matu mara mung, shanhte hpe madun dawdan mu ga, dai Madu gaw shi a chyoi pra ai luksuk mun sen ni hte, du sa ra ai, nga ai.