LUKA 6:39 - Jinghpaw Hanson Version Bible

³⁹ Dai hta kaga, ga shadawn mung shi shanhte hpe tsun mu ai gaw, Myi kyaw ai wa gaw myi kyaw ai wa hpe lam woi madun lu a ni? shan lahkawng nhkun hta hkrat na ma ai, n rai ni?

Jinghpaw Common Language Bible 2009

³⁹ Dai hta kaga, ga shadawn mung shanhte hpe tsun mu ai gaw, “Myi n mu ai wa langai mi gaw, kaga myi n mu ai wa langai mi hpe lam n woi madun lu ai; shing rai yang, lahkawng yan nhkun hta di hkrat bang na mara ai.

LUKA 6:39 ပူးပေါင်းရင်းမြစ်များ

ESAIA 56:10

Shi a sin langa ni gaw, myi kyaw nga ma ai: shanhte yawng du ladi rai nga ma ai: shanhte nlang ma-a nna, n wau lu ai gwi rai nga ma ai: yup mang mu let hpum yup nga na, grau ra nga ma ai.

ESAIA 9:16

Dai re ai majaw Madu gaw shanhte shabrang ni hta n kabu lu ai hte, shanhte a chyahkrai ma ni hte gaida ni hpe, matsan n dum nga ai: kaning rai nme law, yawng hte gaw matsa mawa ga tsun ai hte, n shawp ai amu galaw ai ni hkrai rai nga nna, n-gup shagu angawk ai ga tsun nga ma ai. Dai rai nna shi a pawt sindawng ai gaw sim wa sai n rai; shi a lata naw a ladawn nga ai.

YEREMIA 6:15

Shanhte gaw matsat shabat amu galaw nhtawm, kaya nga ma ni? gaja wa, n kaya nga ma ai, myi man mung n sum ma ai; dai rai nna shanhte gaw kataw ai ni hte rau, kataw na mara ai; ngai shanhte hpe kawan katsan yu ai aten e, shanhte jahkrat kau ai hkrum na mara ai,” nga nna Yehowa tsun ai.

YEREMIA 8:12

Shanhte gaw matsat shabat amu galaw nhtawm, kaya nga ma ni? gaja wa, n kaya nga ma ai, myi man mung n sum ma ai; dai rai nna shanhte gaw kataw ai ni hte rau, kataw na mara ai; ngai shanhte hpe kawan katsan ai aten e, shanhte jahkrat kau ai hkrum na mara ai,” nga nna Yehowa tsun ai.

MAHTE 13:3

Shaloi, lam law law wa ga shadawn hku hte shi shanhte hpe tsun mu ai gaw, “Nli gat ai wa gaw nli gat na pru sa wa ai.

MAHTE 15:14

Shanhte gaw nga nga mu ga: myi kyaw ninglen lam madun ai ni rai nga ma ai: myi kyaw ai wa gaw, myi kyaw wa hpe lam madun a taw gaw, shan lahkawng gaw nhkun kata de hkrat na mara ai,” ngu mu ai.

MAHTE 23:33

Lapu ni e pu htum a amyu e, Ngarai mung a ari hta na, nanhte kaning rai lawt lu na myit ta?

ROMA 2:19

myi kyaw ai ni a lam woi ai wa, nsin e lup nga ai ni a nhtoi,

2 TIMOHTI 3:13

N hkru n hkra ai hte sawt ai masha ni chyawm gaw, hkalem sha nna, hkalem sha ai nhtang hkrum let, n hkru ai lam hta je je kaba wa na mara ai.