LUKA 6:36 - Jinghpaw Hanson Version Bible

³⁶ Nanhte a Kawa matsan dum chye ai hte maren, nanhte mung matsan chye dum mu.

Jinghpaw Common Language Bible 2009

³⁶ Nanhte a Kawa Karai Kasang matsan dum chye ai hte maren, nanhte mung matsan chye dum mu.

LUKA 6:36 ပူးပေါင်းရင်းမြစ်များ

MAHTE 5:48

Dai majaw, sumsing lamu na nanhte a Kawa gaw kup nga ai hte maren, nanhte mung kup kup rai nga mu.

LUKA 6:35

Dai rai nna nanhte gaw, nanhte a hpyen ni hpe tsawra mu; shanhte hpe kaja ai hku galaw mu; myit hpa mung n ru ai sha hkoi shap ya mu; shing rai jang, nanhte a shabrai kaba wa na hte, Tsaw htum ai wa a kasha ni mung nanhte tai na marin dai: kaning rai nme law, shi gaw chyeju malap kau ai ni hte, n hkru n hkra re ai ni hpe malawm magawm di mu ai.

LUKA 6:37

N jeyang ai nga mu; shing rai jang, nanhte jeyang ai n hkrum na myit dai: n dawdan ai nga mu; shing rai jang, nanhte dawdan ai n hkrum na myit dai: mara dat kau mu; shing rai jang, nanhte dat kau ai hkrum na myit dai.

EHPESU 4:31

Myit gadun ai, sindawng katawt ai, masin pawt ai, ga law ga la ai, shatan nhkan ai amyu myu hte, n hkru n hkra ai yawng hte nawng, nanhte hte tsan gang nga u ga.

YAKU 3:17

Ntsa de na hpaji byeng-ya chyawm gaw, shawng npawt e san seng ai rai nga ai; dai hpang e, htingrai htingrat chye ai, sumnung ai, shingdi ai, matsan dum ai hte kaja ai asi hte hpring nga ai, gale galau n re ai hte hpyi hpun n chye ai hpaji byeng-ya rai nga ai.