LUKA 6:30 - Jinghpaw Hanson Version Bible

³⁰ Nang kaw hpyi ai wa kadai hpe mung jaw u; na a arung arai la kau ya ai wa kaw bai hkum hpyi nit.

Jinghpaw Common Language Bible 2009

³⁰ Nang kaw hpyi ai wa kadai hpe mung jaw u; Marai langai ngai na a arung arai la kau ya ai shaloi bai hkum hpyi mu.

LUKA 6:30 ပူးပေါင်းရင်းမြစ်များ

SHAKAWN KUNGDAWN 112:9

Shi gat hkai nna matsan mayan ni hpe gam jaw mu ai, Shi a dinghpring ai gaw htani htana anga nga ai; Shi a nrung arawng hte rawt nga lu ai.

SHAKAWN KUNGDAWN 41:1

Matsan mayan ni hpe dum ai wa gaw, a nga ai; Yehowa gaw dai wa hpe kyin dut ai nhtoi e shalawt dat na wu ai.

GA SHAGAWP 19:17

Matsan mayan wa hpe matsan dum ai wa gaw, Yehowa hpe hkoi ya ai rai nna, Shi galaw ai hte maren bai hkam la na ra ai.

GA SHAGAWP 21:26

Langai ngai gaw, shani tup grai marit bu nga ai; Dinghpring ai wa chyawm gaw, n lahpawt ai sha, gam jaw nga ai.

GA SHAGAWP 22:9

N-gaw nwai ai myi tu ai wa gaw, matsan mayan ni hpe gam jaw ai majaw, shaman ai hkrum na ra ai.

HPAJI NINGLI 11:2

Marai sanit sha n rai, marai matsat hpe karan jaw u; kaning rai nme law, ga ntsa e n hkru ai hpa byin na hpe nang n chye ndai.

HPAJI NINGLI 8:16

Shing rai, hpaji hparat hpa rai nga ai hte, ga ntsa e shakut sharang ai majaw, masha law law wa shani shana n yup lu ai hpe, ngai myit sumru yu yang,

MAHTE 18:35

Shing rai nanhte hta na kadai wa rai timung, tinang a hpunau wa mara hpe myit masin yawng hte n raw kau ya myit yang gaw, sumsing lamu na nye Wa mung, nanhte hpe tai na marin dai,” ngu wu ai.

MAHTE 5:39

Ngai mahtang nanhte hpe tsun made ai gaw, N hkru ai wa hpe hpa mung hkum tai mu; na a hkra shabyi bye ai wa hpe, maga mi naw ja ya u.

MAHTE 6:12

Masha ni anhte hpe shut ai mara, anhte raw kau ya ai zawn, anhte a mara hpe mung raw kau ya mi;

LUKA 11:41

Rai timung, kata de rawng ai arai hpe alu jaw mu; shaloi, yu mu, nanhte a matu nlang san pra nga na rai malit dai.

LUKA 12:33

Nanhte lu ai arai dut kau nna alu jaw mu; tinang a matu dingsa n chye ai gumhpraw jan galaw nna, lagut mung n du, manut e mung n sha lu ai, sumsing lamu e n htum n ma chye ai sutgan, kyem da mu.

LUKA 18:22

Yesu gaw dai ga na jang, Lam langai mi nang naw ra nga ndai: nang lu malu dut kau nna matsan mayan ni hpe karan jaw u; shing rai jang she, sumsing lamu ntsa e nang sutgan lu na rin dai: ngai kaw mung sa hkan nang rit,” ngu nna shi hpe tsun wu ai.

LUKA 6:29

Na a shabyi maga mi bye ai wa hpe, maga mi naw ja ya u; na a palawng galu la kau ya ai wa hpe, na a lawnghkoi mung hkum ndang u.

LUKA 6:31

Masha ni nanhte hpe hkan galaw na, nanhte tsaw myit dai hte maren, nanhte mung dai zawn shanhte hpe hkan galaw mu.

LUKA 6:38

Jaw mu, shing rai jang, nanhte hpe jaw na marin dai: hpring kabrat hkra anin garin, man ai dang hte nanhte a lahpyen e shanhte jaw na mara ai: kaning rai nme law, nanhte hteng ya ai dang hte, nanhte hpe bai hteng ya na marin dai.

KASA 20:35

Shing rai galaw shaja nna, gawng kya ai ni hpe shadaw mai ai lam mung, Hkam sha ai hta jaw ya ai mahtang grau a nga ai, nga nna Madu Yesu nan tsun ai ga dum ga, ngu nna mung, ngai lam shagu hta nanhte a ningli tai ni ai law,” ngu nna tsun mu ai.

2 KORINHTU 8:9

kaning rai nme law, anhte a Madu Yesu Hkristu gaw sut su nga ai rai timung, nanhte a matu mara matsan mayan hkrum nna, shi a matsan mayan ai hta nanhte sut su lu na rai nga ai chyeju hpe, nanhte chye nga myit dai.

EHPESU 4:28

Lagu ga ai wa gaw, bai hkum lagu u ga; kadawn nga ai ni hpe karan jaw lu hkra, tinang a lata hte mai kaja ai shachyen let, magam bungli galaw nga u ga.