LUKA 6:27 - Jinghpaw Hanson Version Bible

²⁷ Dai hta kaga, madat la ai ni nanhte hpe ngai tsun made ga, Nanhte a hpyen ni hpe tsawra mu; nanhte hpe n dawng n yawt ai ni e kaja ai hku galaw mu;

Jinghpaw Common Language Bible 2009

²⁷ “Rai ti mung, madat la nga ai ni nanhte hpe ngai tsun made ga, nanhte a hpyen ni hpe tsaw ra mu; nanhte hpe n dawng n yawt ai ni hpe kaja ai hku galaw mu.

LUKA 6:27 ပူးပေါင်းရင်းမြစ်များ

1 HKAWHKAM 13:6

Shaloi hkawhkam wa gaw Karai Kasang a masha hpe, “Nye a lata bai mai wa lu hkra, nye a matu na a Karai Kasang Yehowa hpe akyu hpyi ya e,” ngu nna tawngban wu yang, Karai Kasang a masha gaw Yehowa hpe akyu hpyi nna, hkawhkam wa a lata gaw mai wa ai hte shawoi na hte maren majing bai rai mat sa lu ai.

SHAKAWN KUNGDAWN 7:4

Ngai hte hku ai wa hpe n kaja ai lam bai tai nna, Ngai hpe gumlau ai wa hpe pyi, pagawn di taw gaw:

GA SHAGAWP 24:17

Nang hpe hpyen ai wa kataw yang, hkum kabu et; Shi ahtu kadawng yang, myit hkum sharawng et.

GA SHAGAWP 25:2

Lama ma hpe makoi da ai gaw, Karai Kasang a arawng rai nga ai: Lama ma hpe sawk yu na chyawm gaw, hkawhkam a arawng rai nga ai.

MARKU 4:24

Bai shi shanhte hpe tsun mu ai gaw, “Nanhte hpa na la myit dai gaw, sadi nga mu: nanhte hteng ya ai dang hte nanhte hpe bai hteng ya na marin dai: rai sa, nanhte myat wa na marin dai.

LUKA 23:34

Shaloi Yesu gaw, “Wa e, shanhte a mara dat kau ya mu: shanhte galaw ai lam hpe shanhte n chye nga ma ai,” nga ai. Shanhte gaw shi a hpun palawng ni hpe mung, hpaida da nna karan la ma ai.

LUKA 6:22

Masha ni gaw nanhte hpe n dawng n yawt ai hte, dai Masha Kasha a majaw shadaw jahka di kau nna, asawng asang di ai hte nanhte a mying hpe n hpru n mai ai arai hpe zawn shaden kau ai hkrum myit yang, nanhte a lu myit dai.

LUKA 6:35

Dai rai nna nanhte gaw, nanhte a hpyen ni hpe tsawra mu; shanhte hpe kaja ai hku galaw mu; myit hpa mung n ru ai sha hkoi shap ya mu; shing rai jang, nanhte a shabrai kaba wa na hte, Tsaw htum ai wa a kasha ni mung nanhte tai na marin dai: kaning rai nme law, shi gaw chyeju malap kau ai ni hte, n hkru n hkra re ai ni hpe malawm magawm di mu ai.

LUKA 8:15

Ga kaja hta hkrat ai nli chyawm gaw, dai mungga hpe kangka rai nna kaja ai myit hte madat la ngut jang, lashum lanoi rai nna hkam sharang ai myit hte asi si ai ni rai ma ai.

LUKA 8:18

Dai re ai majaw, nanhte kaning rai na la myit dai hpe sadi nga mu: kaning rai nme law, lu ai wa kadai hpe mung, naw jat jaw na ra ai; n lu ai wa kaw na chyawm gaw, shi lu dum ai hpe pyi, naw shaw la ya na ra ai, ngu wu ai.

LUKA 8:8

Nkau mi gaw ga kaja hta hkrat ai rai nna, tu kaba wa jang, htam latsa si mayat wa ai, ngu wu ai: shi shing nga tsun ai ninglen, Na la na, na tu ai wa gaw, na la u ga, nga nna jahtau wu ai.

KASA 10:38

dai gaw Nazaret wa Yesu a lam rai nga ai; Karai Kasang gaw Chyoi pra ai Wenyi hte mung, n-gun atsam hte mung, shi hpe chya ya wu ai; Karai Kasang shi hte rau rai nga ai majaw, mai kaja ai amu shi galaw nna, nat gumlau e zingri zingrat hkrum ai ni yawng mayawng hpe shamai ya let, kawan katsan hkawm nga ai.

KASA 16:28

Pawlu chyawm gaw, “Nang dai, na hkum hpe hkum shaza et, anhte nlang ahkum sha rai nga ga ai law,” ngu nna aja awa jahtau tsun wu ai.

KASA 7:60

Bai, hput di let, “Madu e ndai mara shanhte hpe hkum shagun ya et,” nga nna nsen kaba hte jahtau wu ai: dai tsun ngut jang shi yup mat wa ai.

GALATI 6:10

Dai re ai majaw, aten ladaw naw pra nga yang, anhte masha nlang hte hpe mai kaja ai amu galaw nga ga, rai timung, makam masham a dinghku na ni hpe, grau nna galaw nga ga.

1 HTESALONI 5:15

kadai hpe mung n kaja ai a jaw e n kaja ai hku bai n tai myit ga, sadi sahka nga mu; nanhte shada da hta mung, masha mahkra matu mara mung, tutnawng e mai kaja ai lam hpe hkan shachyut nga mu, ngu nna anhte nanhte hpe shadut jahkat made ai.

3 YAWHAN 1:11

Tsawra ai wa e, n kaja ai hku n rai, kaja reng ai hku hpe hkan sharau nga u; kaja ai amu galaw ai wa gaw, Karai Kasang hte seng nga ai: n kaja ai amu galaw ai wa chyawm gaw, Karai Kasang hpe n mu chye ai.