LUKA 6:25 - Jinghpaw Hanson Version Bible

²⁵ Ya hkru kat nga ai ni nanhte dingnye lu myit dai: kaning rai nme law, nanhte gaw kawsi ai hkrum na marin dai. Ya mani nga ai ni nanhte dingnye lu myit dai: kaning rai nme law, nanhte gaw sharung shayawt ai hte hkrap ngu hkrap ngoi ai hkrum na marin dai.

Jinghpaw Common Language Bible 2009

²⁵ Ya hkru kat nga ai ni, nanhte hkrithpa dingnye lu myit dai; hpa majaw nga yang nanhte kawsi ai hkrum na marin dai. Ya mani nga ai ni, nanhte hkrithpa dingnye lu myit dai: kaning rai nme law, nanhte gaw sharung shayawt ai hte hkrap ngu hkrap ngoi ai hkrum na marin dai.

LUKA 6:25 ပူးပေါင်းရင်းမြစ်များ

SHAKAWN KUNGDAWN 49:19

Kaji kawoi ni kaw shi shang na ra ai: Shanhte galoi mung nhtoi n mu lu na ma ai.

GA SHAGAWP 14:13

Mani nga yang pyi, myit kaji nga ai; Pyaw hpa a jahtum e ruyak hkrai rai nga ai.

GA SHAGAWP 30:9

Matsan mayan rai yang, ngai lagu nna, Nye a Karai Kasang a amying hpe awu asin n di kau u ga mung, Asak bau ram ai shat sha karan jaw e law.

HPAJI NINGLI 2:2

Mani ai gaw, Myit n su ai rai nga ai; ngwipyaw ai gaw, Hpa lam la a ta? nga nna ngai tsun nngai.

HPAJI NINGLI 7:3

Yawn hkyen ai gaw mani ai hta grau kaja nga ai; kaning rai nme law, yawn hkyen ai myi man majaw, myit masin gaw kaja wa nga ai.

HPAJI NINGLI 7:6

Kaning rai nme law, angawk ai wa a mani ai gaw, dibu npu a ju hpun hkru kahpre ai hte bung nga ai: dai mung kaman lila rai nga ai.

ESAIA 28:7

Rai timung shanhte pyi tsabyi majaw shut masai; chyaru majaw ndi nda hkawm masai; hkinjawng wa hte myihtoi wa gaw chyaru majaw shut masai; shanhte tsabyi jahku hta galu nna, chyaru majaw ndi nda hkawm ma ai; shanhte teng ai shingran n mu, tengman ai hku tara n dara ma ai.

ESAIA 65:13

Dai re ai majaw Madu Yehowa gaw, “Yu mu, nye a shangun ma ni sha lu na mara ai, nanhte chyawm gaw kawsi hkrum na myit dai; yu mu, nye a shangun ma ni lu lu na mara ai, nanhte chyawm gaw hpang kara na myit dai; yu mu, nye a shangun ma ni kabu gara na mara ai, nanhte chyawm gaw kaya kahpa hkrum na myit dai;

ESAIA 8:21

Shanhte gaw hki ba ai hte kawsi hkrum let lai mat wa na mara ai: kawsi hkrum yang, shanhte myit kahtet nna, ntsa de dap mada yu let, tinang a hkawhkam wa hte, tinang a Karai Kasang hpe dagam kau na mara ai:

ESAIA 9:20

Manashe amyu gaw Ehprim amyu hpe, Ehprim amyu gaw Manashe amyu hpe kawa sha na mara ai; shan lahkawng gaw rau, Yuda amyu hpe gumlau na mara ai: rai timung, shi a pawt sindawng ai gaw sim wa sai n rai; shi a lata naw a ladawn nga ai.

AMO LAIKA (AMOS) 8:10

Nanhte a pyaw poi ni hpe yawn hkyen ai hte, nanhte a mahkawn mangoi ga hpe sharung shayawt ai hte, ngai galai kau na nngai; masha yawng lachyit nba kyit nna, abaw yawng krin nga na lam, ngai shabyin na nngai; kasha shingtai si ai majaw hkrap ai zawn ngai hkrap shangun nna, de a jahtum ai gaw n hpru n mai ai nhtoi zawn tai na ra ai.

NAHUM 1:10

Kaning rai nme law, shanhte gaw ju hpun zawn shada gindun nga nna, tinang a lauhki hte nang nga ai majaw, yi hku chyahkraw zawn, shanhte htum hkra hkru mat na mara ai.

LUKA 12:20

Shaloi Karai Kasang gaw dai wa hpe, “Masha angawk e, dai na jang na a myit masin hpe dawm la kau ya na ra ai: dai rai nna, nang mahkawng shachyip da ai arai ni gaw, gade a matu tai na ra ta?” ngu wu ai.

LUKA 13:28

Abraham, Isak, Yaku hte myihtoi ni nlang, Karai Kasang a mungdan e nga nga ai hpe nanhte mu lu nna, nanhte hkum dai gaw shinggan de shapraw kau hkrum myit dai shaloi, dai yang e hkrap ngu hkrap ngoi ai hte wa urin udik ai, rai na ra ai.

LUKA 6:24

“Rai timung, sut su ai ni nanhte dingnye lu myit dai: kaning rai nme law, nanhte gaw tinang a shalan shabran ai lu la manit dai.

LUKA 6:26

Masha yawng mayawng nanhte hpe kaja ai ngu myit yang, nanhte dingnye lu myit dai: kaning rai nme law, shanhte a kaji kawa ni mung dai zawn myihtoi masu ni hpe ngu yu manu ai.

LUKA 8:53

Ma gaw si mat sai shanhte chye ma ai majaw, shi hpe asawng asang ngu kau mu ai.

EHPESU 5:4

n sun n ang re ai ga kinsha, nlem ai ga, shatu shakra ai ga mung n tsun ai sha, shakawn kungdawn nga u ga.

1 HTESALONI 5:3

Shanhte gaw, Ngwipyaw ai hte asan apan rai nga ai, nga nna tsun ma yang gaw, na-um nasin re ai numsha gaw shinggyim machyi hkrum ai zawn, shanhte a ntsa e hten byak wa ai gaw akajawng sha du na ra ai rai nna, shanhte kaning rai mung hprawng wa lu na ma ai n rai.

YAKU 4:9

Nji nmu, sharung shayawt ai hte, hkrap ngu hkrap ngoi rai nga mu; nanhte a mani ai gaw sharung shayawt ai hte, nanhte a kabu gara ai gaw yawn du krung ai hte galai mat u ga.

SHINGRAN 3:17

Kaning rai nme law, Ngai gaw sut su nga nngai, ngai hta sut ring gan chying sali ai, ngai hpa n ra ni ai, nga ninglen, tsin-yam tsindam hkrum ai wa, chyaren garen ai wa, matsan mayan, myi kyaw ai hte singgu krin re ai wa, nang rai nga ndai hpe, nang n chye n hka!

1 SAMUELA 2:5

Hkru kat nga ai ni mahtang, shahpa tam na nchyang shang masai, Kawsi nga ai ni chyawm gaw, hkru kat lu masai: Maudung jan mahtang kasha sanit shangai nu ai, Kasha law ai jan chyawm gaw, n-gun yawm mat nu ai.