LUKA 6:24 - Jinghpaw Hanson Version Bible

²⁴ “Rai timung, sut su ai ni nanhte dingnye lu myit dai: kaning rai nme law, nanhte gaw tinang a shalan shabran ai lu la manit dai.

Jinghpaw Common Language Bible 2009

²⁴ “Rai ti mung, sut su ai ni nanhte gaw hkrithpa dingnye lu myit dai: hpa majaw nga yang nanhte gaw ndai prat hta grai pyaw ai hku nga lu manit dai!

LUKA 6:24 ပူးပေါင်းရင်းမြစ်များ

GA SHAGAWP 1:32

Myit n su ai ni, tinang htak wa ai lam hte sat kau ai hkrum ma ai; Angawk ai ni gaw n dum n myi hte hten byak hkrum ma ai.

HAGI 2:9

Ndai nta a hpang jahtum na hpung shingkang gaw, shawng na hta grau kaba na ra ai, nga nna Zaw nawng zaw wa up ai Yehowa tsun ai: ndai shara hta e ngwipyaw lam ngai tawn da na nngai, nga nna Zaw nawng zaw wa up ai Yehowa tsun ai.

MAHTE 6:16

Bai, nanhte lusha gam nga myit yang, sawt ai masha ni zawn, nanhte a myi man hpe hkum kabyi myit; masha ni a man e shanhte a lusha gam ai dan lu u ga, shanhte gaw tinang a myi man hpe jasum ma ai: nanhte hpe ngai teng teng tsun made ai gaw, shanhte tinang a shabrai lu la manu ai.

MAHTE 6:2

Nang alu jaw n-yang gaw, masha ni a shakawn ai ga lu la lu u ga, tara jawng ni hta, lam hkan e mung, sawt ai masha ni galaw ai zawn, na a man e pahtau hkum dum shangun u: nanhte hpe ngai teng teng tsun made ai gaw, shanhte gaw, tinang a shabrai lu la manu ai.

MAHTE 6:5

Nanhte akyu hpyi nga myit yang gaw, sawt ai masha ni zawn hkum rai myit: kaning rai nme law, masha ni shanhte hpe mu lu mu ga, tara jawng ni hta, mare lam nshe ni hta tsap nga nna akyu hpyi nga na shanhte tsaw nga ma ai: nanhte hpe ngai teng teng tsun made ai gaw, shanhte tinang a shabrai lu la manu ai.

LUKA 6:25

Ya hkru kat nga ai ni nanhte dingnye lu myit dai: kaning rai nme law, nanhte gaw kawsi ai hkrum na marin dai. Ya mani nga ai ni nanhte dingnye lu myit dai: kaning rai nme law, nanhte gaw sharung shayawt ai hte hkrap ngu hkrap ngoi ai hkrum na marin dai.

1 TIMOHTI 6:17

Ndai prat e sutgan lu ai ni gaw, gumrawng gumtawng n re ai hte, n grin ai sutgan hpe n shamyet nga ai sha, ngamu ngamai nga na matu, arai yawng mayawng anhte hpe n daw n hta jaw ai Karai Kasang hpe shamyet shanat nga na hte,

YAKU 2:6

Nanhte mahtang matsan mayan wa hpe n gawn n sawn di kau mu hka; sut su ai ni chyawm gaw, nanhte hpe zingri zingrat di myit dai rai nna, tinang a lata hte nan tara tingnyang ni a man de, nanhte hpe dun ahkyit la myit dai, n rai ni?