LUKA 6:20 - Jinghpaw Hanson Version Bible

²⁰ Shaloi shi a sape ni hpe shi mada yu nna tsun mu ai gaw: “Nanhte matsan mayan ni a lu myit dai: kaning rai nme law, Karai Kasang a mungdan gaw, nanhte a mungdan rai nga malit dai.

Jinghpaw Common Language Bible 2009

²⁰ Yesu gaw shi a sape ni hpe mada yu nna tsun mu ai gaw: “Nanhte matsan mayan ni a lu myit dai, kaning rai nme law, Karai Kasang a Mungdan gaw nanhte a mungdan rai nga malit dai.

LUKA 6:20 ပူးပေါင်းရင်းမြစ်များ

SHAKAWN KUNGDAWN 37:16

Tara n lang ai ni a n taw n tsang lu ai hta, Dingman ai wa a kaji sha gaw, grau mai nga ai:

GA SHAGAWP 16:19

Matsan mayan ni hte rau myit nem nga ai gaw, Gumrawng ai ni hte rau lanep karan la ai hta, grau mai nga ai.

GA SHAGAWP 19:1

Hkalem hkalau ga tsun ai masha angawk wa hta, Tengman ai lam hkan ai, matsan mayan wa gaw, grau mai nga ai.

ESAIA 29:19

Myit kyip ai ni gaw, Yehowa hta hpa let kabu gara shalaw na mara ai; ga ntsa na matsan mayan ni gaw, Israela a Chyoi pra ai Wa hta awng sharawng na mara ai.

ESAIA 66:2

Nye a lata dai lam yawng mayawng hpe galaw da nna, dai ni mahkra byin wa sai: rai timung ngai gaw, myit kyip ai hte gawng run nna, nye a ga majaw hkrit gari chye ai wa hpe, mada yu nngai.

ZEHPANI 3:12

Nni nkri hkrum ai, matsan mayan amyu hpe, na a ka-ang e ngai jahti da nna, shanhte gaw Yehowa amying hta, shingbyi nga na mara ai.

ZEHKARIA 11:11

Dai shani e dai ga shaka run kau ai hkrum nna, dai lam gaw Yehowa kaw na rai nga ai, sagu hpung hta na, nye a ga madat ai matsan mayan sagu ni, chye nga ma ai.

MAHTE 11:5

myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai hte, matsan mayan ni a matu kabu gara shiga hkaw dan nga ai:

MAHTE 25:34

Shaloi e dai Hkawhkam wa gaw shi a hkra maga de nga ai ni hpe, “Nye a Wa kaw na shaman ya lu la ai ni e, sa marit; ginding aga nnan lat kaw nna nanhte a matu lajang tawn da ai mungdan ngu ai sali wunli hpe hkam la mu:

MAHTE 5:1

Ya, dai wunawng wuwa ni hpe mu hkrup jang, dai bum de shi lung wa sai: shi dung nga yang, shi a sape ni shi kaw du ma ai rai nna,

LUKA 12:32

Sagu hpung kaji e, hkum hkrit et; dai mungdan nanhte hpe jaw na, nanhte a Kawa myit sharawng nga ai.

LUKA 13:28

Abraham, Isak, Yaku hte myihtoi ni nlang, Karai Kasang a mungdan e nga nga ai hpe nanhte mu lu nna, nanhte hkum dai gaw shinggan de shapraw kau hkrum myit dai shaloi, dai yang e hkrap ngu hkrap ngoi ai hte wa urin udik ai, rai na ra ai.

LUKA 14:15

Shi hte rau sha dung nga ai masha langai mi dai ga na jang, “Karai Kasang a mungdan hta shat sha lu na wa gaw a lu ai, ngu nna shi hpe tsun wu ai.

LUKA 16:25

Shaloi Abraham gaw, “Sha e, nang gaw naw hkrung nga ai hte yang, na a ngamu ngamai lu la nit dai mung, Lazaru gaw dai hte yang tsin-yam tsindam hkrum nga ai mung, dum nga u; ya chyawm gaw shi nang e bran nga sai, nang mahtang gaw nji nmu hkrum nga nit dai.

LUKA 4:18

“Madu a Wenyi nye a ntsa e nga nga ai: Matsan mayan ni hpe kabu gara shiga hkaw tsun na matu, shi ngai hpe namman chya ni ai: Bawng dung ai ni hpe shalawt lu na lam, Myi kyaw ai ni hpe myi bai mu na lam, hkaw tsun na matu mung, Zingri zingrat hkrum ai ni hpe dat dat shangun na hte,

KASA 14:22

sape ni a myit shangang ya let, dai makam masham lam hta agrin nga na matu shadum jahprang ai hte, “Karai Kasang a mungdan de ru tsang ai law law hte shang wa na rai ga ai,” ngu nna sharin da mu ai.

2 KORINHTU 6:10

adup achyin hkrum ai ni zawn rai timung, n si n mat ai ni; yawn hkyen hkrum ai ni zawn rai timung, tutnawng e a kabu nga ai ni; matsan mayan re ai ni zawn rai timung, masha law law hpe shalu jasu chye ai ni; hpa n lu ai ni zawn rai timung, yawng mayawng hpe madu nga ai ni rai nga ga ai rai nna, Karai Kasang a bungli daw ai sara ni rai nga ga ai gaw, lam shagu hta anhte hkum marai dan nga ga ai.

2 KORINHTU 8:2

tsin-yam tsindam law law hta dinglik hkrum rai timung, shanhte a ladu lai ai kabu gara ai myit hte, shanhte a sung la ai matsan mayan ai hta, sutgan n daw n hta shapraw hkra law htam wa masalu ai.

2 KORINHTU 8:9

kaning rai nme law, anhte a Madu Yesu Hkristu gaw sut su nga ai rai timung, nanhte a matu mara matsan mayan hkrum nna, shi a matsan mayan ai hta nanhte sut su lu na rai nga ai chyeju hpe, nanhte chye nga myit dai.

1 HTESALONI 1:6

Nni nkri law law hkrum timung, Chyoi pra ai Wenyi a kabu gara ai hte dai mungga hpe hkap la let, nanhte gaw anhte a samnang ai ni mung, dai Madu a samnang ai ni mung, tai nga manit dai rai nna,

2 HTESALONI 1:5

Karai Kasang mungdan a matu mara nanhte nni nkri hkrum myit dai majaw, dai mungdan hta nanhte ging dan nga myit ga, dai lam gaw Karai Kasang a dingman ai jeyang ai lam a kumla tai nga ai.

YAKU 1:12

Agung alau hkrum yang shakut sharang ai wa gaw, a nga lu ai: kaning rai nme law, dinglik yu ai hkrum ngut jang, Karai Kasang shi e tsawra ai ni hpe ndat da ai asak janmau gaw, shi lu la na ru ai.

YAKU 2:5

Ngai tsawra ai hpunau ni e, madat mara la mu: kamsham ai sutgan hta lu su nna, Karai Kasang hpe tsawra ai ni a matu mara, ndat da ai mungdan a sali wunli hpe hkam la lu mu ga, Karai Kasang gaw mungkan ga na matsan mayan ni hpe lata la manu ai, n rai ni?

SHINGRAN 2:9

Nang hkrum ai zingri zingrat hte matsan mayan hpe ngai chye nga nngai; rai timung, nang sut su nga ndai: Yuda masha ngu ai, rai timung, Yuda masha n teng ai sha, Satan a nawku jawng ngu ai ni a shatan nhkan ai hpe, ngai chye nga nngai.

1 SAMUELA 2:8

Matsan mayan ni hpe ga nhpu kata na, Kawsi jaren ni hpe hkumpup kata na, Shi sharawt la nna, du magam kasha ni hte rau dung let, Magam tingnyang sali dagraw lu ai ahkang jaw wu ai: Ginding aga madi wa daw ni hpe Yehowa madu nga ai rai nna, Dai ni a ntsa e mungkan aga de tawn wu ai.