LUKA 5:29 - Jinghpaw Hanson Version Bible

²⁹ Shaloi Lewi gaw shi a nta e Yesu a matu poi kaba galaw nna, kang hta ai ni hte masha kaga law law wa, shanhte hte rau sha dung nga ma ai.

Jinghpaw Common Language Bible 2009

²⁹ Shaloi Lewi gaw shi a nta e, Yesu a matu lusha poi kaba galaw wu ai, Manam ni hta kang hta ai ni law law hte kaga masha ni shanhte hte rau dung nga ma ai.

LUKA 5:29 ပူးပေါင်းရင်းမြစ်များ

MAHTE 11:19

Dai Masha Kasha du sa nna, lu nga sha nga ai rai timung, Ndai sha marim ai wa, tsabyi lu shalai ai hte, kang hta ai ni, yubak kap ai ni a jinghku hpe yu mu, nga nna bai tsun ma ai. Hpaji byeng-ya chyawm gaw, shi a amu bungli hta awlaw ai hkrum nga ai,” ngu mu ai.

MAHTE 5:46

Nanhte hpe tsawra ai ni hpe sha tsawra myit yang gaw, nanhte hpa shabrai lu la na myit ta? kang hta ai ni mung, dai hte maren galaw ma ai, n rai ni?

MAHTE 9:10

Dai hpang dai wa a nta e dung nga a yang, yu mu, kang hta ai ni hte yubak kap ai masha law law wa, Yesu hte shi a sape ni hte rau sa dung nga ma ai.

MAHTE 9:9

Yesu gaw dai shara kaw na sat sa wa yang, kang hta ai sum e dung nga ai Mahte ngu ai wa hpe shi mu hkrup nna, “Ngai kaw hkan nang rit,” shi hpe ngu wu ai: shaloi shi rawt nna shi kaw hkan nang nga ai.

MARKU 2:15

Dai hpang shi a nta de shat sha na shi dung nga ai rai nna, kang hta ai ni hte yubak kap ai masha law law wa, Yesu hte shi a sape ni rau dung nga ma ai: kaning rai nme law, law law wa rai nga ma ai rai nna shanhte shi kaw hkan nang ma ai.

LUKA 15:1

Ya, kang hta ai ni hte yubak kap ai ni nlang hte gaw, shi a ga madat na nga, shi hpang de sa ma ai.

YAWHAN 12:2

Shaloi shanhte gaw shi hpe shana shat hkap daw mu ai rai nna, Marhta gaw shat lusha jau nga ai: Lazaru gaw shi hte dung nga nna lusha ai hta lawm ai wa langai mi, rai nga ai.

1 KORINHTU 10:27

N kam n sham ai wa langai ngai, nanhte hpe shaga nna, nanhte sa mayu myit yang gaw, nanhte a man e baw jaw majaw hte hpe sha mu; myit ung ang ai a jaw e hpa hkum san hkum gawn myit.