LUKA 5:26 - Jinghpaw Hanson Version Bible

²⁶ Nlang hte gaw grai wa mau mahka nga ma ai rai nna, Karai Kasang hpe shakawn kungdawn nga ma ai; nachying hkrit la ai hte mung, “Dai ni anhte mauhpa amu mu saga ai,” nga nna tsun ma ai.

Jinghpaw Common Language Bible 2009

²⁶ Yawng mayawng gaw, grai wa mau mahka nga nna, hkrit la ai hte Karai Kasang hpe shakawn kungdawn let, “Dai ni anhte mauhpa amu ni mu lu sagaw ai,” nga nna tsun ma ai.

LUKA 5:26 ပူးပေါင်းရင်းမြစ်များ

YEREMIA 33:9

Ndai mare masha ni hpe ngai galaw ai ngamu ngamai lam yawng, ga ntsa amyu ni mahkra na lu nna, ndai mare a matu ngai shapraw ai mai kaja ai hte ngwipyaw ai lam hpe tau yu nna, hkrit gari let mau mahka nga ma ai majaw, ndai mare gaw nye a matu kabu gara ai mying, shakawn kungdawn shara hte arawng sadang, shanhte a man e tai na ra ai.

HOSEA 3:5

Dai hpang Israela kashu kasha ni gaw bai wa nna, tinang a Karai Kasang Yehowa hte, shanhte a hkawhkam Dawi hpe, hkan tam let, hpang jahtum na nhtoi ni hta Yehowa hte shi a mai kaja ai hpang de, hkrit hkungga ai myit hte du na mara ai.

MAHTE 12:23

Dai majaw shawa masha ni mau mahka nna, “Ndai wa gaw Dawi a kasha rai nga a hka?” nga nna tsun shajang ma ai.

MAHTE 28:8

Shaloi shan gaw hkrit kahpra ai hte kabu gara ai myit kaba hte dai lup de na alawan wa nhtawm, shi a sape ni hpe shana ya na, gat wa ma ai.

MAHTE 9:8

Dai hpe mu ai shawa masha ni, hkrit kamyin nga ma ai rai nna, shinggyim masha ni hpe ning re ai ahkang jaw ai Karai Kasang hpe sharawng awng nga ma ai.

MARKU 2:12

Shaloi jang shi rawt nna, shi a yup rai hpe lang let, mahkra a man e pru wa ai; dai majaw nlang hte gaw mau mahka nga ma ai rai nna, Karai Kasang hpe shakawn kungkawn let, “Anhte galoi mung, dai zawn re ai n mu yu ga ai,” nga ma ai.

LUKA 1:65

Dai re ai majaw, shanhte a makau grup yin hkan na ni nlang hte a ntsa e hkrithpa tai wa ai rai nna, dai ga mahkra gaw, Yuda bum ga ting hta e kajai gumhkawng wa ai.

LUKA 5:8

Simun Petru gaw dai mu jang, Yesu a lahput nhpang e dingnyawm nna, “Madu e, ngai kaw na wa mat u; ngai gaw yubak kap ai masha rai nga nngai,” ngu wu ai.

LUKA 7:16

Masha nlang hte mung hkrit mau mat shajang ma ai rai nna, Karai Kasang hpe shagrau sha-a let, Myihtoi kaba anhte kaw paw pru ra ai, nga nna mung, Karai Kasang gaw shi a amyu hpe kawan katsan yu nga ai, nga nna mung, tsun gara wa ma ai.

LUKA 8:37

Shaloi Gerase mung a ginwang hkan na masha nlang hte gaw, hkrit kaba hte hkrit mat ma ai majaw, shi shanhte kaw na pru mat wa na, shi hpe jawm hpyi ma ai: shi chyawm gaw li de shang nna bai wa mat ai.

KASA 4:21

Shaloi shanhte gaw, mung masha ni hpe tau yu let, shan hpe ari jaw na lam n mu mu ai majaw, shan hpe bai daru nna dat dat mu ai; kaning rai nme law, dai byin ai amu majaw, masha nlang Karai Kasang hpe shagrau sha-a ma ai.

GALATI 1:24

nye a lam Karai Kasang hpe shakawn kungdawn nga ma ai.