LUKA 5:22 - Jinghpaw Hanson Version Bible

²² Shanhte a myit aru yu ai hpe Yesu chye wu ai majaw, “Nanhte hpa rai kraw kata e myit aru yu nga myit ta?

Jinghpaw Common Language Bible 2009

²² Shanhte myit aru yu ai lam hpe Yesu chye wu ai majaw, “Nanhte hpa rai kraw kata hta dai lam ni myit aru yu nga myit ta?

LUKA 5:22 ပူးပေါင်းရင်းမြစ်များ

1 HKAWHKAM LABAU 28:9

“Ya chyawm gaw, ngai sha Shawlumon e, na nwa a Karai Kasang hpe chye u: ngwipyaw ai myit hte tsawra ai kraw lawang hte, shi hpe daw jau u; Yehowa gaw myit masin mahkra hpe sawk yu nna, myit mamyit lam mahkra hpe chye ya nga ai: nang shi hpe tam yang, mu na wu ai; shi hpe kau da yang, nang hpe tutnawng kau da na ndai.

SHAKAWN KUNGDAWN 139:2

Ngai dung nga ai hte rawt wa ai gaw nang chye nga ndai: Ngai myit mang ai hpe mung, Tsan tsan kaw nna pyi nang chye nga ndai.

GA SHAGAWP 15:26

Yehowa gaw mawp lu mawp sha ai lam hpe, matsat nga ai; Ngwipyaw ai ga chyawm gaw, san seng ai ga rai nga ai.

ESAIA 66:18

Kaning rai nme law, shanhte a arawn alai hpe mung shanhte a myit mang ai hku hpe mung, ngai chye nngai; masha amyu ni hte, ga amyu baw kaga tsun ai ni mahkra hpe, ngai zuphpawng shangun na aten du ra ai; shanhte mung sa du nna, nye a arawng sadang hpe mu lu na maru ai.

EZEKELA 38:10

“Madu Yehowa ning nga ai: Dai shani e, nang myit mang la nna, n hkru ai hku maw na ndai:

MAHTE 12:15

Yesu dai hpe chye jang, kaga de htawt mat wa ai. Masha law law mung, shi kaw hkan nang ma ai rai nna, shanhte nlang hte hpe shamai shatsai di nhtawm,

MAHTE 12:25

Shanhte a myit mang ai hku chye ya mu ai majaw, shi shanhte hpe tsun mu ai gaw, “Dinghku brun ai mungdan shagu gaw hten bya mat na ra ai: gara mare, gara nta rai timung, dinghku bra mat wa yang, hking nga lu na n rai.

MAHTE 9:4

Yesu gaw shanhte a myit mang ai hpe chye ya jang, “Nanhte a kraw hta e, hpa majaw n kaja ai myit nga myit ta?

MARKU 8:17

Yesu dai hpe chye wu yang, “Nanhte muk n gun ai lam, hpa rai tsun hkat nga myit ta? ya du hkra nanhte n htai la lu nna, n chye na nga myit ni? nanhte a myit masin aja nga malit ni?

LUKA 24:38

Dai rai nna shi gaw, “Nanhte hpa rai myit ung ang nga myit ta? hpa majaw nanhte kraw hta le le waw waw myit nga myit ta?

LUKA 5:21

Shaloi laika ka ai sara ni hte Hparishe ni gaw, “Ning nga shatan nhkan tsun ai wa gaw, kadai wa rai ta? Karai Kasang sha n rai yang yubak dat kau ya lu ai gaw kadai wa rai nga a ta?” nga nna myit aru yu nga ma ai.

LUKA 5:23

Na yubak dat kau ya sade ai, ngu ai hte, Rawt hkawm wa u, ngu ai ga yan hta, gara mahtang grau tsun loi a ta?

KASA 5:3

Dai rai nna Petru gaw, “Anani e, Chyoi pra ai Wenyi hpe masu kau na hte, ga jahpu hta na kau mi ip da na gaw, hpa majaw Satan na a myit jahpring ya lu a ta?

HEBRE 4:12

Kaning rai nme law, Karai Kasang a mungga gaw, ahkrung nga ai hte alet nga ai rai nna, nshan lahkawng maga dai ai hpa baw ningtawng nhtu hta mung grau dai ai hte, myit masin hte wenyi hpe mung, nra hkrihkraw hte laswi hpe mung, dinghkren ginhka chye nna, kraw lawang na myit mamyit hte maw mawn ai hku hpe jeyang hparan ya lu ai.

SHINGRAN 2:23

Shi a kashu kasha ni hpe si lam hte ngai sat kau na we ai: shaloi, nhkyun hte kraw lawang hpe sawk yu ai wa ngai rai nga nngai gaw, Hpung ni yawng chye lu n mara ai: nanhte hta na langai hte langai hte hpe, tinang ni a amu hte maren ngai htang jaw na made ai.