LUKA 5:20 - Jinghpaw Hanson Version Bible

²⁰ Shanhte a kamsham ai myit mu jang, shi gaw, “Masha wa e, na a yubak dat kau ya sade ai,” ngu wu ai.

Jinghpaw Common Language Bible 2009

²⁰ Yesu shanhte hta kam sham ai myit gade daram rawng ai lam mu ai shaloi, katsing si ai wa hpe, “Masha wa e, na a yubak mara ni dat kau ya sade ai,” ngu wu ai.

LUKA 5:20 ပူးပေါင်းရင်းမြစ်များ

NINGPAWT NINGHPANG 22:12

“lamu kasa gaw, Na a lata dai ma e hkum hkra et, hpa mung hkum di et; na a shadang sha shingtai hpe ngai e jaw na nang n shim da ndai majaw nang Karai Kasang hpe hkrit hkungga ndai gaw, ya ngai chye sade ai,” ngu wu ai.

ESAIA 38:17

Yu u, ngwipyaw lu la hkra, ngai ru tsang grai hkrum nngai; Nye myit masin hpe nang tsawra ndai majaw, hten byak nhkun kaw na dai hpe shaw la nu ai; Nye a yubak yawng, nang na a shingdu de kabai kau nu ai.

MAHTE 9:2

Shaloi, Yu mu, panep hta taw nga ai katsing si ai masha langai mi hpe, shanhte shi hpang de hpai sa mu ai. Yesu gaw shanhte a kamsham ai myit mu jang, “Sha e, ngwipyaw nga n ga; na a yubak dat kau ya sade ai,” ngu nna katsing si ai wa hpe tsun wu ai.

MAHTE 9:5

Na a yubak dat kau ya sade ai; shing n rai, Rawt hkawm wa u, ning ngu tsun ai ga yan hta, gara mahtang grau tsun loi a ta?

MARKU 2:5

Yesu gaw shanhte a kamsham ai myit mu jang, Sha e, na a yubak dat kau ya sade ai, ngu nna katsing si ai wa hpe tsun wu ai.

LUKA 7:48

Dai numsha hpe mung, Na a yubak raw dat kau ya sade ai, ngu nna tsun wu ai.

YAWHAN 2:25

masha wa a lam hpe gade e muk sakse sa hkam ya na, n ra ai majaw mung, shi hkum nan shanhte hta myit n krem da wu ai.

YAWHAN 5:14

Dai hpang Yesu gaw nawku Htingnu e dai wa hpe mu hkrup nna, “Yu u, nang ya hkam kaja nit dai: shawng na hta grau ai tsin-yam n hkrum n ga, yubak hkum bai galaw et,” ngu nna shi hpe tsun wu ai.

KASA 11:23

Dai wa du nna, Karai Kasang a chyeju mu lu yang, kabu gara nga ai hte, shanhte dai Madu hta lashum shawt manoi manat nga na matu, nlang hte hpe shadum jahprang mu ai:

KASA 14:9

Shi mung Pawlu tsun ai ga madat nga ai; dai wa hpe Pawlu azi yu wu yang mai wa lu hkra kamsham ai myit rawng nga ai hpe shi chye ya nna,

2 KORINHTU 2:10

Kadai wa a mara nanhte raw dat myit yang gaw, ngai mung raw dat nngai: kaning rai nme law, ngai lama ma raw dat ni yang gaw, Satan gaw anhte hpe n dang kau u ga, nanhte a majaw, Hkristu a man e, ngai raw dat nngai;

KOLOSE 3:13

shada da hkam mana ai hte, mara langai ngai nga yang gaw, shada da raw dat kau hkat nga mu: dai Madu nanhte a mara hpe raw dat kau ya ai hte maren, nanhte mung galaw nga mu.

YAKU 2:18

Bai lam mi gaw, Nang makam masham rawng nga ndai, ngai mahtang magam bungli rawng nga nngai, nga nna marai langai ngai tsun nga a yang gaw, magam bungli n lawm ai, na a makam masham gaw ngai hpe madun dan e, shaloi nye a magam bungli hte nye a makam masham, ngai nang hpe madun dan na de ai.