LUKA 5:17 - Jinghpaw Hanson Version Bible

¹⁷ Lani mi hta shi sharin shaga nga yang, Galile mung, Yuda mung, kahtawng shagu hkan na hte, Yerusalem mare de na Hparishe hte tara sara ni sa du dung nga ma ai: machyi shamai na matu mung dai Madu a atsam gaw shi a ntsa e nga nga ai.

Jinghpaw Common Language Bible 2009

¹⁷ Lani mi hta Yesu sharin shaga nga yang, Galile mung, Yuda mung, kahtawng shagu hkan na hte, Yerusalem mare de na Hparishe ni hte Tara Sara ni sa du dung nga ma ai. Machyi shamai ya na matu Madu Karai Kasang a atsam gaw Yesu hta nga nga ai.

LUKA 5:17 ပူးပေါင်းရင်းမြစ်များ

MAHTE 11:5

myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai hte, matsan mayan ni a matu kabu gara shiga hkaw dan nga ai:

MAHTE 15:1

Dai shaloi e, Yerusalem mare de na Hparishe ni hte laika ka ai sara ni, Yesu kaw sa du nna,

MARKU 1:45

Shi mahtang pru wa nna, dai hpe aja awa hkai dan ai hte dai lam hpe kajai gumhkawng dat wu ai: shing rai Yesu gaw, mare kata de leng leng n shang lu ai rai nna, nam mali hkan e anga nga ai: shara magup hkan na ni mung, shi hpang de sa du ma ai.

MARKU 16:18

tinang a lata hte lapu hpe magra jum lu ma ai hte, si ai baw gung hpe lu ma timung, hpa mung n hkrum na ma ai; machyi makaw hkrum ai ni a ntsa e shanhte lata mara ya nna, dai ni bran wa na mara ai,” ngu nna matsun dat mu ai.

MARKU 3:22

Dai hta n-ga, Yerusalem na yu wa ai laika ka ai sara ni mung, “Shi gaw Bezebula rawng ai wa rai nga ai; nat ni a agyi wa hte shi nat ni hpe shaden kau mu ai,” nga nna tsun ma ai.

MARKU 5:30

Yesu gaw, shi hta na atsam pru wa ai hpe, shi a myit hta shaloi jang chye dum wu ai majaw, dai shawa hpawng de kayin wa let, “Nye a hpun palawng hpe kadai ahtawk nga nit ta?” ngu nna san mu ai.

MARKU 7:1

Dai shaloi e, Hparishe ni hte, Yerusalem na lung wa ai laika ka ai sara ni nkau mi gaw, shi kaw sa zup ma ai rai nna,

LUKA 15:2

Dai rai nna Hparishe ni mung, laika ka ai sara ni mung, “Ndai wa gaw yubak kap ai ni hpe hkap la nna, shanhte hte rau lu sha nga ai,” nga nna aput angun nga ma ai.

LUKA 2:46

Ya masum ya na wa sayang she, dai nawku Htingnu kata, sara ni a ka-ang e, shanhte a ga madat la nna, shanhte hpe jasan let dung nga ai hpe, shan sa mu mu ai.

LUKA 5:21

Shaloi laika ka ai sara ni hte Hparishe ni gaw, “Ning nga shatan nhkan tsun ai wa gaw, kadai wa rai ta? Karai Kasang sha n rai yang yubak dat kau ya lu ai gaw kadai wa rai nga a ta?” nga nna myit aru yu nga ma ai.

LUKA 5:30

Dai rai nna Hparishe ni hte shanhte a laika ka ai sara ni gaw, shi a sape ni a lam wu wu di di nga nna, “Nanhte hpa rai kang hta ai ni hte yubak kap ai ni rau lu sha nga myit ta?” nga nna tsun ma ai.

LUKA 6:19

Shawa masha ni nlang shi hpe ahtawk na tam ma ai: kaning rai nme law, shi hkum na atsam pru nna mahkra hpe shamai nga ai.

LUKA 7:30

Hparishe ni hte tara sara ni chyawm gaw, Shi jaw ai baptisma n hkam la ma ai hta, Karai Kasang a maw mawn ai hku hpe, tinang a matu ran kau ma ai.

LUKA 8:46

Yesu gaw, “Marai langai ngai, ngai hpe ahtawk sai: ngai hta na atsam pru wa sai hpe ngai hkan chye dat nngai,” nga ai.

YAWHAN 3:10

Yesu gaw “Nang gaw Israela masha ni hta sara wa mi ting rai da nhtawm, ndai lam nang n chye nni?

YAWHAN 3:21

Tengman ai lam hkan galaw ai wa chyawm gaw, tinang galaw ai amu Karai Kasang hta shachyen nga ai gaw, dan pru u ga nga, dai nhtoi de sit sa wa ai,” ngu nna shi hpe htan wu ai.

KASA 19:11

Karai Kasang mung, Pawlu a lata hte chyalai magam ningsam madun wu ai rai nna,

KASA 4:30

na a mayam ni, na a mungga hpe nden ja ai myit hte tsun dan nga lu hkra, karum ya mi law,” nga nna hpyi ma ai.

KASA 5:34

Rai timung, mung masha ni mahkra man e arawng lu ai tara sara Gamale ngu ai Hparishe langai mi, dai salang bawng hta rawt nna, kasa ni hpe hkring mi shapraw tawn shangun nhtawm,