LUKA 5:13 - Jinghpaw Hanson Version Bible

¹³ Yesu gaw lata ladawn nna shi hpe ahtawk let, “Ngai hkraw nga nngai, san pra wa nu,” ngu wu ai. Shaloi jang dai manggang shi kaw na pru mat wa ai.

Jinghpaw Common Language Bible 2009

¹³ Yesu gaw lata ladawn nna shi hpe ahtawk let, “Ngai hkraw nga nngai, san pra wa nu,” ngu wu ai. Shaloi jang dai manggang ana mai mat wa ai.

LUKA 5:13 ပူးပေါင်းရင်းမြစ်များ

NINGPAWT NINGHPANG 1:3

Shaloi Karai Kasang gaw, “Ahtoi tai wa u ga,” ngu wu ai rai nna, ahtoi tai wa ai.

NINGPAWT NINGHPANG 1:9

Bai Karai Kasang gaw, “lamu kata e nga ai hka hpung ni, shara mi hta shinggyin hpawng nga nna hkarang ga dawng pru u ga,” nga ai: dai mung shing rai nga ai.

2 HKAWHKAM 5:10

Shaloi Elisha gaw shi hpang de shangun ma dat nna, “Nang gaw Yawdan hka hta e sanit lang sa shin u; shaloi na a hkum shan galai wa nna, nang san pra na rin dai,” ngu nna tsun shangun wu ai.

2 HKAWHKAM 5:14

Shing rai shi gaw, Karai Kasang a masha wa tsun ai hte maren, Yawdan hka de yu wa nna, shi hkum hpe sanit lang kapruk jang, shi a hkum shan gaw ma kaji a hkum shan zawn rai mat nna, shi gaw san pra wa ai.

SHAKAWN KUNGDAWN 33:9

Kaning rai nme law, shiga tsun nna byin nga ai, Shi htet da nna shi a ga grin nga ai.

EZEKELA 36:29

Nanhte a agang chyalang yawng hpe ngai shatsai kau na nngai: nanhte hku wa n hkrum hkra, ngai nai mam tu shangun nna, shalaw na nngai.

HOSEA 14:4

“Nye a pawt bu ai myit kawp mat sai majaw, shanhte a htak mat ai hpe ngai shamai shatsai ya nna, hpa n hpyi ai sha, shanhte hpe tsawra na nngai.

MAHTE 8:3

Shi chyawm gaw lata ladawn nna, shi hpe ahtawk let, “Ngai hkraw nga nngai, san pra wa nu,” ngu wu ai: dai shaloi jang, shi a manggang san pra mat lu ai.

LUKA 4:39

Dai numsha a makau e tsap nga let, dai hkali hpe shi daru kau wu ai rai nna, shi a hkali kawp mat wa ai: shaloi jang shi rawt nna, shanhte hpe galaw daw mu ai.

LUKA 5:12

Lang mi na mare langai mi hta shi nga nga yang, yu mu, hkum ting manggang kap ai masha langai mi nga ai: dai wa gaw Yesu hpe mu jang, dingnyawm dagup nna, “Madu e, nang hkraw n-yang gaw, ngai hpe shapra ya lu na rai nga ndai,” ngu nna hpyi nem wu ai.

LUKA 5:14

“Dai lam kadai hpe mung n tsun dan ai sha, Nang pru wa nna hkinjawng wa hpe na hkum madun dan nhtawm, shanhte a matu sakse tai u ga, nang san pra ai a matu Mawshe tawn da ai hte maren, hkungga wa nawng ya u,” ngu nna shi hpe ginhtim dat wu ai.