LUKA 5:11 - Jinghpaw Hanson Version Bible

¹¹ Li yan hpe danam e sek tawn da nhtawm, shanhte gaw arai mahkra kau da nna, shi kaw hkan nang ma ai.

Jinghpaw Common Language Bible 2009

¹¹ Dai ni hpe danam e jahkring tawn da nhtawm, shanhte gaw, arai mahkra kau da nna, Yesu kaw hkan nang ma ai.

LUKA 5:11 ပူးပေါင်းရင်းမြစ်များ

MAHTE 10:37

Kadai mung, ngai hpe tsawra ai hta, kanu kawa hpe grau nna tsawra ai wa gaw, ngai hte n ging n dan nga ai: ngai hpe tsawra ai hta, shayi shadang sha hpe grau nna tsawra ai wa mung, ngai hte n ging n dan nga ai.

MAHTE 19:27

Shaloi Petru htan nna, “Yu u, anhte gaw arai yawng mayawng hpe kau da nna, nang kaw hkan nang saga ai; dai rai nna anhte hpa lu la na rai nga ga ta?” ngu wu ai.

MAHTE 19:29

Nye amying a matu mara, nta, kahpu kanau, kajan, kanu kawa, kashu kasha hte yi hkauna hte hpe kau da ai wa kadai rai timung, htam law law wa lu la nna, htani htana asak a sali wunli hkam la na ru ai.

MAHTE 4:20

Shaloi jang, shan gaw dai sumgawn ni hpe kau da nna shi kaw hkan nang ma ai.

MAHTE 4:22

Shaloi jang, shan gaw dai li hte shan a kawa hpe rap di kau da nna, shi kaw hkan nang ma ai.

MARKU 10:21

Yesu shi hpe azi yu let, shi hpe tsawra wu ai rai nna, “Lam langai mi nang naw ra nga ndai: nang wa su, lu malu hte hpe dut kau nna matsan mayan ni hpe karan jaw u; shing rai jang she sumsing lamu ntsa e nang sutgan lu na rin dai; ngai kaw mung sa hkan nang rit,” ngu nna shi hpe tsun wu ai.

LUKA 5:28

Shi gaw arai yawng mayawng kau da nhtawm, rawt nna shi kaw hkan nang nga ai.