LUKA 5:10 - Jinghpaw Hanson Version Bible

¹⁰ Simun a manang Zebedi a kasha Yaku yan Yawhan mung dai zawn mau mat ma ai. Shaloi Yesu gaw, Simun hpe, “Hkum hkrit et; ya kaw nna nang masha hpe hkan hkwi na rin dai,” ngu wu ai.

Jinghpaw Common Language Bible 2009

¹⁰ Dai hte maren, Simun a manang ni rai nga ai, Zebedi a kasha Yaku yan Yawhan mung mau mat ma ai. Shaloi Yesu gaw, Simun hpe, “Hkum hkrit et, ya kaw nna nang masha ni hpe hkan hkwi na rin dai,” ngu wu ai.

LUKA 5:10 ပူးပေါင်းရင်းမြစ်များ

MAHTE 13:47

Bai, sumsing lamu a mungdan gaw, nawng hta e kabai bang nna, nga amyu myu hpe magawn la ai sumgawn hte bung nga ai.

MAHTE 14:27

Shaloi jang Yesu gaw, “Myit apyaw sha nga mu; ngai she rai nngai; hkum hkrit nga myit,” ngu nna shanhte hpe tsun mu ai.

MAHTE 20:20

Dai shaloi e, Zebedi a kasha yan a kanu gaw, shi kasha yan hte rau, shi kaw sit sa nna nawku let shi hpe lama ma hpyi wu ai.

MAHTE 4:19

Shaloi shi gaw, “Ngai kaw hkan marit; masha hpe hkan hkwi na masha, ngai nan hpe shatai na made ai,” ngu nna shan hpe tsun mu ai.

MAHTE 4:21

Bai, dai kaw na hkawm wa yang, kaga shan nau, Zebedi a kasha Yaku hte shi a kanau Yawhan yan gaw, shan a kawa Zebedi hte rau li hta nga nga nna, shanhte a sumgawn kapa nga ma ai hpe, shi mu hkrup mu ai rai nna, shan hpe shaga la mu ai.

MARKU 1:17

Shaloi Yesu gaw, “Ngai kaw hkan marit; masha hpe hkan hkwi na masha, ngai nan hpe shatai na made ai,” ngu nna shan hpe tsun mu ai.

LUKA 5:7

li kaga hta nga ai manang ni hpe sa karum la na, dingsi shaga mu ai. Shanhte mung sa ma ai rai nna, dai li lahkawng yan lupwa magang hkra, bang jahpring mu ai.

LUKA 5:9

Kaning rai nme law, shing rai nga magawn la lu ai majaw, shi mung, shi kaw hkan nang ai ni nlang hte mung, mau mahka mat ma ai;

LUKA 6:14

dai ni gaw, Petru ngu nna shi e shamying ai Simun hte shi a kanau Andre; Yaku yan Yawhan; Hpilip yan Barhtolume;

YAWHAN 21:2

Simun Petru hte Didumu ngu ai Htawma, Galile mung Hkana kahtawng na Nahtanela, Zebedi a kasha yan, kaga sape lahkawng, dai hte rau nga ma ai.

KASA 2:4

Shanhte nlang hte mung, Chyoi pra ai Wenyi hpring shajang nna, Wenyi e shadut mu ai hte maren, ga amyu kaga ga hku shaga wa ma ai.

2 KORINHTU 8:23

Titu a lam chye mayu yang, shi gaw, nye a kanawn manang hte nanhte a matu shingdep shingtau ai wa rai nga ai; anhte a hpunau yan a lam chye mayu yang, shan gaw, Hpung ni a kasa yan hte Hkristu a arawng sadang mung rai nga ma ai.

2 TIMOHTI 2:26

nat a myit hku hkan na, shi a dawnggawng hta rim la hkrum ai ni, bai dum hprang wa dam ma nhten law.