LUKA 4:43 - Jinghpaw Hanson Version Bible

⁴³ Shi gaw, “Karai Kasang mungdan a kabu gara shiga hpe, mare kaga ni hta mung ngai hkaw tsun lu na nngai; dai matu ngai hpe shangun dat ni ai,” ngu nna shanhte hpe tsun mu ai.

Jinghpaw Common Language Bible 2009

⁴³ Shi gaw, “Karai Kasang a Kabu Gara Shiga hpe mare kaga ni hta mung ngai hkaw tsun lu na rai nngai, dai galaw na matu Karai Kasang ngai hpe shangun dat mi ai,” ngu nna shanhte hpe tsun mu ai.

LUKA 4:43 ပူးပေါင်းရင်းမြစ်များ

ESAIA 48:16

Ngai hpang de sit sa nna, ndai ga madat mara mu; ngai gaw npawt kaw nna mayun e tsun ai n rai: byin pru ai shani kaw nna ngai lawm nga nngai; ya mung Madu Yehowa hte shi a Wenyi ngai hpe shangun dat nngai.

MAHTE 4:23

Bai, shi gaw Galile mung ting hta kawan hkawm let, shanhte a tara jawng ni hta shi sharin shaga nga nna, dai mungdan a kabu gara shiga hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.

MARKU 1:35

Jahpawt manap jau jau e, nhtoi garai n htoi yang, shi rawt pru nna, nam na machyi shim ai shara de sa wa nhtawm, dai yang e akyu hpyi nga ai.

YAWHAN 20:21

Bai Yesu gaw, “Nanhte ngwipyaw nga myit ga; nye Wa ngai hpe shangun dat nngai hte maren, ngai mung nanhte hpe shangun dat made ai,” ngu nna shanhte hpe tsun mu ai.

YAWHAN 9:4

Ngai hpe shangun dat ai wa a magam amu hpe, shani nhtoi naw rai nga yang, anhte gun hpai lu na rai nga ai: kadai muk amu n gun n hpai lu ai shana ahkying du na ra ai.

KASA 10:38

dai gaw Nazaret wa Yesu a lam rai nga ai; Karai Kasang gaw Chyoi pra ai Wenyi hte mung, n-gun atsam hte mung, shi hpe chya ya wu ai; Karai Kasang shi hte rau rai nga ai majaw, mai kaja ai amu shi galaw nna, nat gumlau e zingri zingrat hkrum ai ni yawng mayawng hpe shamai ya let, kawan katsan hkawm nga ai.

2 TIMOHTI 4:2

dai mungga hpe hkaw dan nga u; du hkra ladaw ang ai rai timung, n ang ai rai timung, a shaja nga u; myit galu kaba ai hte, sharin shaga ai hku yawng hkan let, daru jet nga u, yubak madun nga u, shadut jahkat nga u.