LUKA 4:35 - Jinghpaw Hanson Version Bible

³⁵ Shaloi Yesu gaw, “Atsin sha nga u, shi kaw na pru wa u,” ngu nna shi hpe daru kau wu ai. Dai rai nna Nat gaw dai wa hpe ka-ang e kadawng kau tawn da nhtawm, hkala nba n di ai sha, shi kaw na pru mat wa ai.

Jinghpaw Common Language Bible 2009

³⁵ Shaloi Yesu gaw, “Atsin sha nga u, shi kaw na pru mat wa u,” ngu nna shi hpe daru kau wu ai. Dai rai nna nat gaw dai wa hpe shanhte a ka-ang e kadawng kau tawn da nhtawm, hkala nba n di ai sha, shi kaw na pru mat wa ai.

LUKA 4:35 ပူးပေါင်းရင်းမြစ်များ

SHAKAWN KUNGDAWN 50:16

Bai, tara n lang ai wa hpe Karai Kasang gaw, “Nye a arawn alai nang hpa rai hkai dan nga nna, Na a n-gup hte nye a ga shaka hpe hpa rai tsun nga n ta?

ZEHKARIA 3:2

Shaloi Yehowa gaw, “Satan e, Yehowa nang hpe daru u ga; Yerusalem mare hpe lata la ai Yehowa gaw, nang hpe gaja wa daru u ga: ndai gaw, wan hta na gare la ai wan nhtaw sha rai nga ai, n rai ni?” ngu nna Satan hpe tsun wu ai.

MAHTE 17:18

Shaloi Yesu shi hpe daru kau wu ai rai nna, dai nat gaw shi kaw na pru mat wa ai; dai ahkying kaw nna dai ma gaw mai mat lu ai.

MAHTE 8:26

Shi gaw, “Ai n kam ai ni e, hpa rai hkrit nga myit ta?” ngu nna shanhte hpe tsun mu ai. Shaloi shi rawt nna, nbung hte nawng hpe daru kau wu ai: shing rai nachying atsin sim rai nga ai.

MARKU 1:26

Dai rai nna, dai n seng ai nat gaw shi hpe bu lashan shangun nna, nsen kaba hte jahtau let shi kaw na pru mat wa ai.

MARKU 4:39

Dai majaw shi rawt nna, nbung hpe daru wu ai hte, dai nawng hpe, “Atsin sim rai nga u,” ngu wu ai. Dai nbung mung num mat wa nna, a katsi sha rai mat wa ai.

MARKU 9:26

Shaloi, shabam wa ai hte shi hpe bu kashan dat nhtawm, shi pru mat wa ai: dai ma mung si ai zawn rai mat ai hte, masha law law wa, “Shi si mat sai,” nga shajang ma ai.

LUKA 11:22

shi hta n-gun grau ja ai wa sa nna, dai wa hpe gasat dang kau ngut jang she, shi kam ai ri nhtu hpe magawn la kau ya nhtawm, shi a arai ni hpe karan kachyan di la kau ya wu ai.

LUKA 4:23

Dai rai nna shi gaw, “Nanhte gaja wa teng teng, Tsi sara e, tinang hkum dai shamai la u; anhte na ai hte maren, Kaperna-um mare e shabyin ai amu zawn, nang na a buga e mung galaw dan u,” nga nna ga shadawn ndai hte ngai hpe tsun na marin dai.

LUKA 4:39

Dai numsha a makau e tsap nga let, dai hkali hpe shi daru kau wu ai rai nna, shi a hkali kawp mat wa ai: shaloi jang shi rawt nna, shanhte hpe galaw daw mu ai.

LUKA 4:41

Nat ni mung, “Nang gaw Karai Kasang a Kasha rai nga ndai,” nga nna jahtau let masha law law kaw na pru mat wa ma ai: shi Hkristu rai nga ai hpe shanhte chye ma ai majaw, ga n tsun lu hkra, shanhte hpe jet kau mu ai.

LUKA 8:24

Dai rai nna shanhte sit sa nna, Madu e, madu e, anhte mat mat wa nga ga ai, ngu nna shi hpe jasu mu ai. Shaloi shi rawt nna, nbung hte hka leng ni hpe daru kau wu ai: dai ni mung sim mat wa nna, atsin sim rai nga ai.

LUKA 9:39

yu u, shi hta nat shung nna, shi akajawng sha shabam wa ai hte, hkumbawp pru hkra shi hpe bu kashan shangun nna, machyi la hkra shatsang ngut jang she nachying yak la ai hte shi kaw na pru mat wa wa re ai.

LUKA 9:42

Dai ma sa wa nga yang pyi, nat gaw shi hpe kadawng tawn nna htan kashan shangun nga ai: Yesu chyawm gaw dai n seng ai nat hpe daru kau nna, dai ma hpe shamai ya nhtawm kawa e ap ya wu ai.

SHINGRAN 12:12

Dai re ai majaw, sumsing lamu ni hte dai hte hta rawng nga ai ni e, kabu gara nga mu: ginding aga hte nammukdara chyawm gaw dingnye lu ma ai: kaning rai nme law, Nat gaw, shi a nhtoi loi mi sha ngam sai chye wu ai majaw, n-yun bu let nanhte hpang de yu wa sai, nga nna tsun ma ai hpe, ngai na nngai.