LUKA 4:22 - Jinghpaw Hanson Version Bible

²² Nlang hte gaw shi a lam sakse hkam ya ai hte, shi a n-gup hta na pru ai chyeju ga majaw mau nga nna, “Ndai wa gaw Yawsep a kasha n rai nga a ni?” nga nna tsun shajang ma ai.

Jinghpaw Common Language Bible 2009

²² Shanhte yawng shi a lam tsun shakawn ai hte, shi a n-gup hta na pru ai chyeju ga ni a majaw mau nga nna, “Ndai wa gaw Yosep a kasha n rai nga a ni?,” nga nna tsun shajang ma ai.

LUKA 4:22 ပူးပေါင်းရင်းမြစ်များ

SHAKAWN KUNGDAWN 45:2

Masha kasha ni hta nang ahpraw grau tsawm nga ndai. Na a n-gup hta chyeju ru bang ya nga ai. Dai majaw Karai Kasang gaw nang hpe tut tut shaman ya ndai.

SHAKAWN KUNGDAWN 45:4

Sadi sahka, myit nem ai, dinghpring ai a majaw, na a hpung shingkang dan hkung let jawn sa wa su. Na a hkra lata hkrithpa amu nang hpe sharin ya u ga.

GA SHAGAWP 10:32

Dinghpring ai wa a n-gup gaw, tsawra mai ai lam chye nga ai; Tara n lang ai ni a n-gup chyawm gaw, manai ai ga hkrai tsun nga ai.

GA SHAGAWP 16:21

Nyan hpaji rawng ai wa hpe, sadi chye ai wa, ngu na ra ai; Ga ngwi chye tsun ai n-gup gaw, chye chyang ai lam shalaw dat nga ai.

GA SHAGAWP 25:11

Htaphtuk ai ga gaw, gumhpraw hta ka hkrep ai, Aja makawk si hte bung nga ai.

HPAJI NINGLI 10:12

Hpaji rawng ai wa a ga gaw, htaphtuk nga ai; angawk ai wa a n-gup chyawm gaw, shi hpe mayu kau nga ai.

Shawlumon A Mahkawn Ga 5:16

Shi a n-gup hta na ga dwi ga sau pru nga ai: Rai sa, shi gaw hkum ting tsawra mai nga ai. Yerusalem na shayi chyinghkawn ni e, Dai wa gaw, ngai tsawra ai wa, nye a kanawn wa, rai nga ai.

ESAIA 50:4

Hki ba hkrum ai wa hpe shalan shabran na chye wa lu hkra, Madu Yehowa gaw, sharin achyin hkam la ai ni a shinglet, ngai hpe jaw ni ai; jahpawt shagu shi ngai hpe jasu nga ai: sharin achyin hkam la ai ni, na la lu ai zawn, shi nye a na hpe jasu ya nga ai.

LUKA 2:47

Shi a ga na mana ni gaw, shi a myit kung ai hpe mung, shi htan ai ga a majaw mung, mau nga ma ai.

LUKA 2:48

Shi hpe mu jang shan mau mat ma ai rai nna, shi a kanu gaw, “Sha e, hpa rai an e ning di mi ta? yu u, nwa hte an myit ru myit tsang ai hte nang hpe hkan tam nga ga ai,” ngu nna shi hpe tsun wu ai.

LUKA 21:15

kaning rai nme law, nanhte a gumlau maga na ni nlang, n hkap htang lu hkra, ngai nanhte hpe n-gup ga hte hpaji jaw na made ai.

LUKA 4:21

Shi gaw, “Ndai ka da ai ga gaw dai ni nan nanhte a na hta dik mat sai,” ngu nna shanhte hpe ga tsun hpaw wu ai.

YAWHAN 1:45

Hpilip gaw Nahtanela hpe mu nna, “Mawshe gaw tara laika ni hta, myihtoi ni mung myihtoi laika ni hta, sha-ang nna ka da ai, Yawsep a kasha, Nazaret mare na Yesu hpe anhte mu sagaw ai,” ngu nna shi hpe tsun dan wu ai.

YAWHAN 6:42

“Ndai wa gaw Yawsep a kasha Yesu n rai ni? shi a kanu kawa hpe anhte chye gaw ai n rai ni? Dai re ai mi, ‘Ngai gaw sumsing lamu de na yu wa nngai,’ nga nna kaning rai tsun lu a ta?” nga ma ai.

YAWHAN 7:46

“Wora wa zawn nga nna sharin shaga ai kadai mung n nga yu ai,” ngu nna htan mu ai.

KASA 6:10

Rai timung, shi tsun wa ai hpaji ga hte Wenyi hpe shanhte n dang lu ma ai.

TITU 2:8

nhtan shai ai wa gaw kaya hkrum nna, anhte a lam hpa mara n shagun lu u ga, na a sharin shaga ai lam hta, n sun n ang ai ga n nang ai, si si re ai hte kadai ndang shara n rawng ai, san seng ai mungga madun dan u.