LUKA 3:9 - Jinghpaw Hanson Version Bible

⁹ Ya e pyi dai nwa gaw hpun pawt nhpang hkan e tawn da nga ai; dai rai nna asi kaja n si ai hpun nga manga hpe kran daw kau nna wan hta kabai bang kau nga ai,” ngu mu ai.

Jinghpaw Common Language Bible 2009

⁹ Dai nwa gaw, hpun ni hpe ru kaw nna hkawt kran kau na matu hkyen da chyalu rai nga sai, dai rai nna, asi kaja n si ai hpun shagu hpe kran daw kau nna, wan hta kabai bang kau na rai nga ai,” ai.

LUKA 3:9 ပူးပေါင်းရင်းမြစ်များ

EZEKELA 31:18

“Dai rai nna, Eden sun hta tu ai, galu kaba ai hte arawng lu ai hpun ni hta, nang gara mahtang hte bung n ta? nang mung, Eden sun na hpun ni hte rau, lamu ga a lawu tsang de yu wa na ndai: nhtu hte si mat hkrum ai, matu n gadoi ai ni a ka-ang e, nang kaleng taw nga na ndai. Da ndai gaw, Hpara-u hte shi a wunawng wuwa ni rai nga ma ai,” nga nna Madu Yehowa tsun ai.

Daniela 4:14

‘Hpun hpe kran kau u; lakung lakying ni hpe krum kau mu; asi alap ni hpe sharun ayai kau mu: ashu ashan ni gaw dai hpun npu na pru wa nna, u ni gaw lakung lakying ni hta na pyen mat wa mu ga.

Daniela 4:23

Sin langa ngu ai chyoi pra ai wa langai mi sumsing lamu de na yu wa nna, shi gaw, ‘Dai hpun hpe kran daw jahten kau u; rai timung, ga hta jung ai aru hte hpawn, pa ga na tsit lali ai tsingdu hta hpri hte magri sumri hte gyit hkang let, hpun du hpe ngam da nna, dai gaw sumsing lamu na mari hte madi mat u ga; aten sanit shi a ntsa e lai wa hkra, shi a kamhtaw pa ga na ashu ashan ni hte rau rai nga u ga,’ nga nna hkawhkam wa mu ai hte maren,

MAHTE 3:10

Ya e pyi dai nwa gaw, hpun pawt nhpang hkan e tawn da nga ai; dai rai nna, asi kaja nsi ai hpun nga manga hpe, kran daw kau nna wan hta kabai bang kau nga ai.

MAHTE 7:19

Ja ai asi n si ai hpun yawng mayawng hte gaw, kran daw kau nna wan hta kabai bang kau ai hkrum ma ai.

LUKA 13:6

Ndai ga shadawn mung shi tsun wu ai gaw, “Masha langai mi shi a tsabyi sun hta hkai da ai maihpang hpun langai mi tu lu ai rai nna, dai hta na asi sa tam yang, n mu wu ai.

LUKA 13:7

Dai rai nna shi gaw, ‘Yu u, ngai masum ning tup dai maihpang hpun hta na asi sa tam timung n mu we ai; dai hpe kran kau u: hpa rai ga lahpawt tu nga na a ta?’ ngu nna tsabyi sun lajang ai wa hpe tsun wu ai.

LUKA 13:9

dai hpang asi si yang gaw, tu nga u ga: asi n si yang gaw, nang kran kau na rai nga ai,” ngu nna madu hpe htan wu ai.

YAWHAN 15:6

Ngai hta n jung n noi ai wa gaw, lakung lakying hpe zawn kabai kau ai hkrum nna hkraw mat wa ai hte, masha ni e magawn la nhtawm, wan hta kabai bang nna, hkru krawp mat ai kaw du wa ai.

HEBRE 10:28

mawshe a tara hpe tawt lai ai wa gaw, matsan dum la ai n hkrum ai sha, sakse lahkawng masum a ga hte si ai hkrum lu ai;

HEBRE 12:29

kaning rai nme law, anhte a Karai Kasang gaw, hkru wa ai wan rai nga ai.